Вазирони корҳои дохилии Тоҷикистон ва Ӯзбекистон мулоқот намуданд

Июнь 10, 2021 10:21

ДУШАНБЕ, 10.06.2021. /АМИТ «Ховар»/. Имрӯз Вазири корҳои дохилии Ҷумҳурии Тоҷикистон генерал-полковники милитсия Раҳимзода Рамазон Ҳамро Вазири корҳои дохилии Ҷумҳурии Ӯзбекистон генерал-лейтенант Бобожонов Пулат Раззаковичро, ки дар ҳайати гурӯҳи корӣ дар доираи сафари расмии Президенти Ҷумҳурии Ӯзбекистон ба Тоҷикистон ташриф овардааст, ба ҳузур пазируфт.

Нахуст, Вазири корҳои дохилии Ҷумҳурии Тоҷикистон генерал-полковники милитсия Раҳимзода Рамазон Ҳамро Вазири корҳои дохилии Ҷумҳурии Ӯзбекистон генерал-лейтенант Бобожонов Пулат Раззаковичро хайра мақдам гуфта, изҳор дошт, ки вохӯрии имрӯза барои таҳким бахшидани робитаҳои дӯстӣ ва ҳамкорӣ байни ду мақомот манфиатбахш мебошад.

Зикр гардид, ки тарафҳо бояд ҳамкориҳоро тақвият бахшида, дар мубориза бар зидди ҷинояту ҷинояткорӣ ва таҳдиду хатарҳои замони муосир дар ҳамбастагию якҷоягӣ фаъолият намоянд.

Дар ҷараёни вохӯрӣ ҷонибҳо масоили ҳамкориҳоро дар самти мубориза бо терроризм, экстремизм, сепаратизм, ҷиноятҳои муташаккилонаи фаромиллӣ, гардиши ғайриқонунии маводи мухаддир, мубодилаи иттилооти оперативӣ ва мустаҳкам намудани ҳамкориҳои пайвастаи воҳидҳои мақомоти корҳои дохилии ҳарду ҷониб мавриди баррасӣ қарор доданд.

Мавриди қайд аст, ки муносибатҳои Тоҷикистону Ӯзбекистон дар заминаи ҳамкориҳои дуҷониба ва бисёрҷониба фаъолона рушду густариш ёфта, ҳарду давлат дар фаъолияти ИДМ ва СҲШ нақши калидӣ дошта, дар таъмини амният ва суботи Осиёи Марказӣ саҳми муҳим мегузоранд.

Июнь 10, 2021 10:21

Хабарҳои дигари ин бахш

Дар Душанбе омодагӣ ба машқҳои муштараки амалиётӣ-стратегии СААД баррасӣ гардид
Эмомалӣ Собирзода дар ҷаласаи Кумитаи сардорони ситодҳои қувваҳои мусаллаҳи кишварҳои ИДМ дар Санкт-петербург иштирок мекунад
Дар Душанбе масъалаҳои марбут ба фазои маҷозӣ: имконият ва таҳдидҳо ба амнияти миллӣ баррасӣ гардиданд
Ровии телевизиони «Ориёно Нюс» Мино Хайрӣ бар асари таркиш дар Кобул ҳалок гардид
Ҷаласаи якуми гурӯҳи корӣ дар назди Шӯрои вазирони мудофиаи СААД оид ба муборизаи радиоэлектронӣ дар шакли ҳузурӣ баргузор шуд
Сулаймон Султонзода дар иҷлосияи махсуси Маҷмаи Умумии Созмони Милали Муттаҳид тариқи маҷозӣ иштирок намуд
ТАЪМИНИ АМНИЯТИ ОЗУҚАВОРӢ АЗ ҲАДАФҲОИ АФЗАЛИЯТНОКИ СТРАТЕГИИ ТОҶИКИСТОН АСТ. Андешаҳои Раиси Кумитаи бехатарии озуқаворӣ М.Файзуллозода доир ба мавзӯъ дар Рӯзи ҷаҳонии бехатарии озуқаворӣ
Бар асари бархӯрди қатораҳо дар Покистон 32 нафар ҳалок гардиданд
Изҳороти муштараки Комиссияҳои давлатӣ оид ба делимитатсия ва демаркатсияи Сарҳади давлатии Ҷумҳурии Тоҷикистон ва Ҷумҳурии Қирғизистон
Милитсияи Душанбе қазияи аз ошёнаи сеюм ҷаҳидани наврасонро шарҳ дод
Маркази матбуоти Қӯшунҳои сарҳадии КДАМ-и Ҷумҳурии Тоҷикистон хабар медиҳад
70 нафар прапоршикони ҷавон ба ҳайати Қувваҳои Мусаллаҳи кишвар шомил гардиданд