Ҳайати намояндагони Ҷумҳурии Ӯзбекистон ба вилояти Суғд омад
ДУШАНБЕ, 06.07.2021 /АМИТ «Ховар»/. Ба роҳ мондани ҳамкорӣ дар соҳаи саноати сабук, коркарди пахта, пӯсту чарм, пилла, бунёди боғҳои интенсивӣ, гармхонаҳои инноватсионӣ, и коркарди банду басти меваи хушк ва тар, воридсозии тухмиҳои серҳосили пахтаву гандум аз ҷумлаи масоиле буданд, ки 5 июл дар мулоқоти Раиси вилояти Суғд Раҷаббой Аҳмадзода бо ҳайати намояндагони Ҷумҳурии Ӯзбекистон, ки таҳти роҳбарии муовини вазири кишоварзии ин кишвар Анвар Асамов ба вилоят ташриф овард, баррасӣ гардиданд.
Тавре аз Хадамоти матбуоти Раиси вилояти Суғд ба АМИТ «Ховар» иттилоъ доданд, наздик ба 40 нафар масъулини мақомоти давлатӣ ва соҳибкорону тоҷирони Ӯзбекистон ба вилояти Суғд ташриф оварданд. Меҳмонон давоми се рӯз аз корхонаҳои саноатии вилояти Суғд ва гармхонаву боғҳои он боздид карда, бо захираву имкониятҳо шинос мегарданд.
Зимни суҳбат Раиси вилояти Суғд Раҷаббой Аҳмадзода бо муовини вазири кишоварзии Ҷумҳурии Ӯзбекистон Анвар Асамов доир ба таҳкими муносибатҳои дӯстона ва зиёд намудани табодули молу маҳсулот мубодилаи афкор намуданд.
Раҷаббой Аҳмадзодатаъкид кард, ки бо сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон муҳтарам Шавкат Мирзиёев ба марҳилаи нави ҳамкории сифатан нав асос гузошта шуда, табодули молу маҳсулот миёни ду давлати дӯст дар ҳоли афзоиш аст.
Ёдовар мешавем, ки дар мулоқоту музокироти сарони ду давлат, ки 10 ва 11 июн дар Тоҷикистон доир шуд, зикр гардид, ки муносибатҳои иқтисодии миёни минтақаҳои ду мамлакат бояд аз ин ҳам беҳтар карда шавад. Самараи чунин мулоқот буд, ки чанде қабл доираҳои тиҷоратии вилояти Суғд бо роҳбарии Раиси вилоят ба вилояти Тошканди Ҷумҳурии Ӯзбекистон сафар карда, бо вазъи иқтисодии ин вилоят ва захираву имкониятҳои он шинос гардиданд.
АКС аз Хадамоти матбуоти Раиси вилояти Суғд
МАСЛИҲАТИ МУТАХАССИС. Истеъмоли биринҷ ҷисми инсонро фарбеҳ менамояд
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
Ҳамкории Тоҷикистон бо ширкатҳои амрикоӣ дар соҳаи инноватсия ва технологияҳои рақамӣ вусъат меёбад
Тоҷикистон ҷонибдори рушди ҳамкории байниминтақавӣ дар соҳаи захираҳои гидроэнергетикӣ аст
Сертификатсияи стандартҳои ESG барои кормандони Вазорати молия бо намояндаи Nasdaq баррасӣ гардид
Дурнамои таҳкими ҳамкории дуҷониба байни Тоҷикистон ва Русия дар соҳаҳои энергетика ва нафту газ баррасӣ шуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
Афзалияти стратегии Тоҷикистон дар самтҳои идоракунии устувори молияи давлатӣ, молияи «сабз» ва иқлим дар Амрико баррасӣ гардид
