Ба сокинони деҳаҳои Хоҷаи Аъло ва Сомониёни шаҳри Исфара калиди хонаҳои нав супорида шуд
ДУШАНБЕ, 03.07.2021 /АМИТ«Ховар»/. Дирӯз ба сокинони деҳаҳои Хоҷаи Аъло ва Сомониёни шаҳри Исфара аз тарафи Раиси вилояти Суғд Раҷаббой Аҳмадзода калиди хонаҳои нав супорида шуд. Барои 29 оила дар ду деҳаи зикршуда хонаҳои нав бунёд ва бо асбобу лавозимоти зарурии рӯзгор ба соҳибонашон супорида шуд. Дар ин бора аз Хадамоти матбуоти Раиси вилояти Суғд ба АМИТ «Ховар» хабар доданд.
Хонаҳои сокинон бар асари даргириҳои мусаллаҳонаи охири моҳи апрел хароб шуда буд ва бо дастури Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар як муддати кутоҳ барои зарардидагон хонаҳои нав бунёд гардида, бо тамоми ҷиҳози зарурӣ, аз ҷумла кӯрпаву кӯрпача, пиёлаву чойник то мошинаи ҷомашӯӣ, яхдону телевизор, тафдон ва сӯзану риштаву болину қолин таъмин мебошанд.
Мавриди зикр аст, ки рафти сохтмони хонаҳо зери назорати Сарвари давлат қарор дошт ва бо дастури Пешвои миллат муҳтарам Эмомалӣ Раҳмон роҳбари вилоят борҳо аз маҳалли сохтмони хонаҳо боздид карда, барои бо сифати баланд ба анҷом расонидани корҳои сохтмонӣ аз тамоми имкониятҳо истифода бурда шуд.
Сокинони деҳаҳои Хоҷаи Аъло ва Сомониёни шаҳри Исфара аз таваҷҷуҳи хосаи Президенти мамлакат миннатдории худро баён дошта, ба роҳбарияти давлату Ҳукумат изҳори сипос намуданд.
АКСҲО аз Хадамоти матбуоти Раиси вилояти Суғд
Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
Дар Муассисаи давлатии «Боғи Ирам» даври сеюми Фестивал-озмуни «Беҳтарин армуғон» баргузор мешавад
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
