БОКС. Ҳарифи дуюми Баҳодур Усмонов дар Бозиҳои олимпии Токио-2020 муайян шуд
ДУШАНБЕ, 26.07.2021 /АМИТ «Ховар»/. Муштзани маъруфи тоҷик Баҳодур Усмонов, ки 25 июл дар Бозиҳои олимпии Токио-2020 дар даври муқаддамотӣ дар вазни то 63 кило бар ҳарифаш Леонел Сантоз Нунез аз Доминикан бо ҳисоби 4:1 пирӯз шуд, дар даври баъдӣ бо Элнур Абдураимов, варзишгари қазоқтабори узбекистонӣ рақобат мекунад. Дар ин бора намояндаи расмии Кумитаи миллии олимпии Тоҷикистон Умаралӣ Сафаралӣ ба шореҳи варзиши АМИТ «Ховар» Меҳрони Қурбон хабар дод.
Қувваозмоӣ миёни Баҳодур Усмонови 23-сола (либоси сурх) ва Элнур Абдураимови 27-сола (либоси кабуд) 31 июл, соати 12:51 бо вақти маҳаллӣ (08:51 бо вақти Душанбе) шурӯъ мешавад. Муштзани узбекистонӣ ҳам рӯзи якшанбе дар рақобати аввалини худ бар Чинзонг Баатарсух аз Муғулистон бо ҳисоби 4:1 пирӯз шуд.
Хотиррасон мешавем, ки Элнур Абдураимов барандаи медали биринҷии чемпионати ҷаҳон дар соли 2015 дар Қатар мебошад. Ӯ соли 2017 дар чемпионати ҷаҳон дар Ҳамбурги Олмон мақоми панҷумро соҳиб шудааст. Инчунин Элнур Абдураимов соли 2017 дар чемпионати Осиё дар шаҳри Тошканди Ҷумҳурии Узбекистон бо медали тилло сарфароз шуд. Имсол дар чемпионати Осиё дар Амороти Муттаҳидаи Арабӣ соҳиби медали биринҷӣ гардид.
Баҳодур Усмонов соли 2019 дар шаҳри Бангкоки Тайланд ба унвони чемпиони Осиё даст ёфт. Ӯ дар чемпионати ҷаҳон соли 2019 дар шаҳри Екатеринбурги Россия мақоми нуҳумро касб карда, имсол дар чемпионати Осиё дар Дубай медали биринҷӣ гирифт.
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад
ФУТБОЛ. Бозии дӯстона байни дастаҳои мунтахаби наврасони Тоҷикистон ва Узбекистон мусовӣ анҷом ёфт
ФУТБОЛ. «Истиқлол»-и Душанбе бо «Ал-Наср»-и Криштиану Роналду дар як гурӯҳ қарор гирифт
ЛИГАИ ЧЕМПИОНҲОИ ДУЮМИ ОСИЁ-2025/26. Имрӯз дастаҳои «Регар-ТадАЗ» ва «Аҳал»-и Туркманистон бо ҳам бозӣ мекунанд
Дастаи мунтахаби наврасони то 17-солаи Тоҷикистон мусобиқаи байналмилалиро дар Индонезия бо мусовӣ оғоз кард
Дар Бохтар ду майдончаи нави футбол мавриди истифода қарор гирифт
«ПЕШВОИ МИЛЛАТ ҲОМИИ ВАРЗИШ ВА ПУШТИБОНИ ҶАВОНОН». Дар Душанбе таҳти ин унвон ба ифтихори Рӯзи варзишгарон чорабинӣ баргузор шуд
