БОЗ ЯК ТУҲФАИ ДИГАР БАРОИ ХОНАНДАГОН: шумораи навбатии маҷаллаи «Помир» нашр шуд

Июль 6, 2021 13:44

ДУШАНБЕ, 06.07.2021 /АМИТ «Ховар»/. Маҷаллаи адабӣ — бадеӣ, ҷамъиятӣ — сиёсии Иттифоқи нависандагони Тоҷикистон «Помир» дар фазои фарҳангии кишвари мо мавқеи хоси худро касб кардааст ва дар байни хонандагон, ки шумораи онҳо кам нест, доимо талабгор дорад. Вай дар зоти худ намунаи ахлоқи баланд ва садоқат ба анъанаҳои Айнӣ, Лоҳутӣ, Турсунзода, Улуғзода ва дигарон мебошад.

Шумораи навбатии маҷалла, ки мисли шумораҳои гузашта, ғанӣ ва пурмазмун аст, бешубҳа, як навъ туҳфа барои хонандагони русзабон хоҳад шуд. Таваҷҷуҳи онҳоро бешубҳа маводи дар бахши “Портрети ҷашнӣ” -и ба Шоири халқӣ, Қаҳрамони Тоҷикистон Мирзо Турсунзода бахшидашуда, ки 110-солагии он бо ташаббуси Пешвои миллат муҳтарам Эмомалӣ Раҳмон ба таври васеъ дар саросари мамлакат  ва ҳатто берун аз марзи он — дар Маскав ва Теҳрон ҷашн гирифта шуд, ҷалб хоҳад кард. Дар бахши мазкур мақолаи сокини Симферопол Руслан Семяшкин оварда шудааст ва он нишон медиҳад, ки дӯстии халқҳо ва адабиёт идома дорад, маҷаллаи «Помир» -ро дар дигар давлатҳо  низ мехонанд ва эҳтиром мекунанд.

Дар рубрикаи “Назм” шеърҳои таъсирбахши собиқадори Ҷанги дуюми ҷаҳон, Аълочии матбуоти  тоҷик Олег Дмитриевич Соболев, ки Худо хоҳад, ба қарибӣ садсолагии худро ҷашн мегирад, чоп шудаанд. Боиси хушнудист, ки идора рубрикаи «Номҳои нав» -ро ворид кардааст. Дар ин бахш бори аввал ҳикояи дилнишини нависандаи ҷавони умедбахш Дилором Атабоева нашр шудааст. Ҳама медонанд, ки Гулназар, муаллифи матни Суруди миллии Тоҷикистони соҳибистиқлол, шоири тавоно  буд, аммо шояд на ҳама медонанд, ки ӯ насрнависи хуб ҳам буд, ки дар ин хусус Мансур Суруш дар мақолааш бо номи “Сабақҳои мактаби Гулназар” навиштааст. Дар тарҷумаи ӯ як ҳикояҳои Гулназар бо номи “Бузи нозой” чоп шудааст, ки мутолиаи он хонандаро мутаассир ва гирён мекунад.

Шумораи навбатии маҷаллаи «Помир» хеле хонданбоб аст.

Июль 6, 2021 13:44

Хабарҳои дигари ин бахш

Имрӯз даври ниҳоии Озмуни ҷумҳуриявии «Илм–фурӯғи маърифат» оғоз мегардад
Рӯзи дарҳои кушоди Академияи хурди илмҳои Тоҷикистон баргузор шуд
КИТОБ-МУАРРИФИ ДАСТОВАРДҲОИ АДИБОН. Бардошт аз баргузории Намоишгоҳи байналмилалии «Китоби Душанбе»
Байни «Тоҷикфилм» ва шаш киностудияи кишварҳои ИДМ ва хориҷи наздик Ёддошти тафоҳум ба имзо расид
Намоишгоҳи байналмилалии «Китоби Душанбе» оғоз гардид
Шоҳҷоизаи Синамоҷашнвораи дуюми байналмилалии «Тоҷи Сомон»-ро коргардони тоҷик Муҳиддин Музаффар соҳиб шуд
«КИТОБИ ДУШАНБЕ». Пагоҳ дар Душанбе намоиши сенздаҳуми байналмилалӣ оғоз мегардад
Эмомалӣ Раҳмон: «Таҷлили Меҳргон далели эҳтиром ба фарҳанги қадима ва суннатҳои созандаи миллати тоҷик аст»
Имрӯз дар Фестивали «Оши палов» намудҳои гуногуни ин таоми миллӣ омода карда шуданд
СЕБҲОИ ТОҶИКИСТОН БО ТАМЪИ ЛАЗИЗАШОН МАШҲУРАНД. Дар Душанбе Иди себ ва ангур таҷлил гардид
Дар Душанбе Иди Меҳргон ба таври тантанавӣ таҷлил гардид
Имрӯз ҷашни Меҳргон бо баргузории Фестивал-намоиши маҳсулот ва техникаи кишоварзӣ оғоз мегардад