COVID-19-РО ҶИДДӢ БИГИРЕД! Дар Ҳисор баҳри пешгирии ин бемории сироятӣ корҳои тарғиботӣ тақвият меёбанд
ДУШАНБЕ, 09.07.2021/АМИТ «Ховар»/. Корҳои тарғиботӣ дар самти мубориза бар зидди бемории сироятии COVID-19 дар шаҳри Ҳисор пурзӯр карда мешаванд. Гурӯҳи таблиғотии Мақомоти иҷроияи ҳокимияти давлатии шаҳри Ҳисор, ки таҳти роҳбарии муовини Раиси шаҳр таъсис ёфтааст, ҷиҳати тақвияти чораҳои пешгирӣ аз паҳншавии ин бемории сироятӣ дар маҳалҳо, муассисаю идораҳои шаҳр сафарбар гардида, миёни аҳолӣ ва кормандон корҳои тарғиботӣ ва пешгирӣ аз бемориро мебаранд. Дар ҳайати гурӯҳи кории мазкур роҳбарони шуъбаю бахшҳои дастгоҳи раиси шаҳр, нозирони минтақавии милитсия, мутахассисони соҳаи тандурустӣ, аз ҷумла муассисаҳои давлатии Маркази назорати давлатии санитарию эпидемиологӣ, Маркази пешгирӣ ва мубориза бар зидди бемории ВНМО, кумаки аввалияи тиббӣ-санитарӣ шомил мебошанд.
Тавре аз Мақомоти иҷроияи ҳокимияти давлатии шаҳри Ҳисор ба хабарнигори АМИТ «Ховар» хабар доданд, дар асоси тавсияҳои ҷаласаи Ситоди ҷумҳуриявӣ оид ба пурзӯр намудани чораҳои зиддиэпидемикӣ барои пешгирии интиқол ва пайдоиши сирояти нави коронавирус COVID-19 дар Ҷумҳурии Тоҷикистон ва ҷаласаи ситоди шаҳрӣ дар шаҳр тадбирҳои муассири беҳдоштӣ андешида мешаванд.
Гурӯҳи корӣ ба ҷойҳои ҷамъиятие, ки ҷамъшавии бештари одамон ба мушоҳида мерасад, аз ҷумла кӯчаву маҳаллаҳои серодам, бозору терминалҳо рафта, корҳои фаҳмондадҳӣ ва насби ёддошту тақсими варақаҳои тавсиявӣ оид ба пешгирӣ аз бемориҳои сироятиро роҳандозӣ намуданд.
Ҳамчунин бо ташаббуси бахши кор бо ҷавонон ва варзиш, Муассисаи давлатии маркази пешгирӣ ва мубориза бар зидди бемории ВНМО дар шаҳри Ҳисор ба сокинону меҳмонони шаҳр ниқоб ва китобчаҳои тавсиявӣ оид ба пешгирӣ аз бемориҳои сироятӣ тақсим гардид.Корҳои таблиғотию фаҳмондадиҳӣ бобати пешгирӣ аз хурӯҷи навбатии бемории COVID-19 тибқи нақша дар дигар ҷамоатҳои шаҳраку деҳот идома меёбад.
Акс аз Мақомоти иҷроияи ҳокимияти давлатии шаҳри Ҳисор
САРФАКОРӢ — БАРАКАТИ ЗИНДАГӢ. Ба миқдори сари сӯзан сарфа кардани зан баракатро дар хонадон дучанд меафзояд
Пешвои миллат: «Ба ҷойи ҳаҷҷу умраи такрорӣ анҷом додани амалҳои дорои садақаи ҷория савоби бамаротиб бештар дорад»
Президенти Тоҷикистон: «Шахсоне, ки имконияти молиявӣ надоранд, набояд ба хотири савоб аз дигарон қарз гирифта, қурбонӣ кунанд»
Аз ифлосшавии ҳавои атмосферӣ эҳтиёт намоед! Аз 6 то 9 июн дар Тоҷикистон чангу ғубор ба амал меояд
Эмомалӣ Раҳмон: «Оростани дастурхони пурдабдаба ва меҳмондории зоҳирпарастонаву намоишкоронаро дини мубини ислом, шариат ва таълимоти мазҳаби ҳанафӣ маҳкум мекунад»
ТОҶИКИСТОН – ВАТАНИ ОРЗУҲОИ ҶАВОНӢ. Дар Душанбе моҳвораи ҷавонон ҷамъбаст гардид
Вобаста ба омилҳои рушди сармояи инсонӣ дар Душанбе конфронс доир гардид
110 нафар соҳиби шаҳодатномаи маҳфили «Пайравони Пешвои миллат» гардиданд
Агентии обуҳавошиносӣ бо таҷҳизоти зарурии техникӣ таъмин мегардад
Падару модар дар таълиму тарбияи кӯдак чӣ ҳуқуқ ва уҳдадорӣ доранд?
Кӯдаконро аз иттилооти ба саломатӣ ва инкишофи онҳо зараровар ҳифз бояд намуд
