Дар деҳаи Ваҳдати шаҳри Турсунзода ҳаммоми замонавӣ ҳафтае ду рӯз барои мардуми деҳот ройгон хизмат мерасонад
ТУРСУНЗОДА, 01.07.2021 /АМИТ «Ховар»/. Фонди эҳсонкории «Ситораи Файзбахш» дар деҳаи Ваҳдати ҷамоати деҳоти Навободи шаҳри Турсунзода ҳаммоми замонавӣ сохта мавриди баҳрабардорӣ қарор дод. Ҳаммоми мазкур дорои утоқҳои замонавӣ буда, бо тамоми таҷҳизоти навтарин муҷаҳҳаз гардонида шуда, ҳафтае ду рӯз барои мардуми деҳот ройгон хизмат мерасонад.
Тавре масъулини Фонди мазкур ба хабарнигори АМИТ «Ховар» изҳор доштанд, ин амалро дар доираи дастуру супоришҳои Пешвои миллат муҳтарам Эмомалӣ Раҳмон ҷиҳати бунёди ҳаммом ва сартарошхонаву кошонаҳои ҳусни замонавӣ дар деҳоти мамлакат роҳандозӣ намуда, ин туҳфаи идонаи онҳо бахшида ба 30-солагии Истиқлоли давлатӣ Ҷумҳурии Тоҷикистон мебошад.
Сокинони деҳаи Ваҳдат аз ин туҳфаи идонаи Фонди эҳсонкории «Ситораи Файзбахш» хушҳол гардида, ба онҳо барои хизматрасонии ройгон миннатдорӣ намуданд.
Ёдовар мешавем, ки дар аввал дар шаҳри Турсунзода бо мақсади сазовор пешвоз гирифтани ҷашни миллӣ сохтмони 177 иншоот ба нақша гирифта шуд, ки иншооти соҳаи маорифу тандурустӣ, фарҳанг аз ҷумлаи онҳо буда, дар ин зимн таъмиру навсозии роҳҳо, ободу зебо гардонидани маҳалли зист низ пешбинӣ гардида буд.
Баъдан, марҳила ба марҳила шумораи иншооти ҷашнӣ ба 382 адад расид. Аз ҷумла, сохтмони 292 иншоот дар ҳудуди ҷамоатҳои деҳот ва 90 иншоот дар маркази шаҳр ба нақша гирифта шудааст.
Ҷиҳати дар амал татбиқ намудани нақшаи 30-солагии Истиқлоли давлатӣ бо ташаббуси мақомоти иҷроияи ҳокимияти давлатии шаҳр ва дастгирии соҳибкорону фаъолон ва сокинони шаҳр корҳои созандагӣ вусъат гирифта, давоми солҳои 2018-2020 ва 6 моҳи соли равон 322 иншооти таъйиноти гуногун мавриди истифода қарор дода шуд. Корҳои созандагӣ дар самти рушди деҳот ва баланд бардоштани сатҳи некўаҳволии сокинон дар 60 иншооти боқимонда муташаккилона идома дорад.
Мавриди зикр аст, ки навсозии боғи фарҳангию фароғатии шаҳр бо тарҳи замонавӣ дар арафаи анҷомёбӣ қарор дошта, зимнан дар боғи мазкур корҳои сохтмонии 3 иншоот — мактаби кўдаконаи санъат ва мусиқӣ, бинои амфитеатр бо 574 чойи нишаст ва Кохи шоҳмот бо маром идома доранд.
Дар шаҳру ноҳияҳои вилояти Суғд беш аз 2 ҳазор километр роҳ таъмиру навсозӣ карда шуд
«Равобит бо олами Ғарб: нақши Пешвои миллат ва дипломатияи тоҷик». Таҳти чунин унвон китоби нав ба нашр расид
Пешвои миллат Эмомалӣ Раҳмон бинои нави Раёсати минтақавии Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар гурӯҳи ноҳияҳои водии Ҳисорро ифтитоҳ намуданд
Сарвари давлат Эмомалӣ Раҳмон ҶДММ «Бозори Турсунзода»-ро ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Турсунзода ба фаъолияти корхонаи маҳсулоти алюминии ҶДММ «Алюминийи аввалин» оғоз бахшиданд
Пешвои миллат Эмомалӣ Раҳмон дар шаҳри Турсунзода 6 кӯдакистони хусусиро ба таври фосилавӣ мавриди истифода қарор доданд
Сарвари давлат Эмомалӣ Раҳмон дар шаҳри Турсунзода бинои Муассисаи таҳсилоти томактабии хусусии «Ғунчаҳои Истиқлол»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Турсунзода 8 муассисаи таҳсилоти миёнаи умумиро тариқи фосилавӣ ба истифода доданд
Пешвои миллат Эмомалӣ Раҳмон дар деҳаи Регари шаҳри Турсунзода Муассисаи таҳсилоти миёнаи умумии № 23-ро ба истифода доданд
Сарвари давлат Эмомалӣ Раҳмон дар шаҳри Турсунзода ба фаъолияти марҳилаи дуюми ҶДММ «Алюмин Проф» оғоз бахшиданд
Дар ноҳияи Ёвон якчанд иншооти иҷтимоӣ ва инфрасохторӣ мавриди истифода қарор гирифт
Дар деҳаи Деваштичи Панҷакент муассисаи таълимӣ бунёд мегардад
