Дар Душанбе таҳти унвони «Маъюбон дар меҳвари сиёсати давлат қарор доранд» барномаи фарҳангӣ доир гардид
ДУШАНБЕ, 08.07.2021/АМИТ «Ховар»/. Бахшида ба Рӯзи маъюбон Кумитаи иҷроияи Марказии Ҳизби Халқии Демократии Тоҷикистон дар ҳамкориӣ бо ташкилоти ибтидоии «Китобдор» дар шаҳри Душанбе иқдоми хайриявиро таҳти унвони «Маъюбон дар меҳвари сиёсати давлат қарор доранд» роҳандозӣ намуданд.
Дар ҳамоиши мазкур муовини раиси Ҳизби Халқи Демократи, Хайриниссо Юсуфӣ, Вазири меҳнат, муҳоҷират ва шуғли аҳолӣ Ширин Амонзада, муовини вазири тандурусти Ҷамшед Шодихон, намояндаги Китобхонаи миллии Тоҷикистон, Академияи идоракунии давлатии назди Президанти Ҷумҳурии Тоҷикитсон ва шахсони дорои имконияташон маҳдуд иштирок намуданд.
Муовини Раиси ҲХДТ Хайринисо Юсуфӣ иброз дошт, ки масъалаи ҳифзи иҷтимоии маъюбон дар сиёсати хирадмандонаи инсондӯстонаи Асосгузори сулҳу ваҳтаи миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон яке аз самтҳои афзалятнокро ишғол менамояд. Ҷаноби Олӣ ҳамеша нисбат ба ин қишри ҷомеа ғамхории махсус зоҳир менамояд. Тавре Пешвои миллат таъкид менамоянд, «…мо ба раванди солимгардонии маъюбон, дастгирии иҷтимоии табақаҳои осебпазири аҳолӣ, аз ҷумла кӯдакони ятиму бесаробонмонда, оилаҳои камбизоат ва дастрасии онҳо ба хизматрасонии тиббии иҷтимоӣ таваҷҷуҳи хос зоҳир намуда, дар ин самт ҳамаи тадбирҳои саривақтиро амалӣ карда истодаем».
Муовини вазири тандурусти Ҷамшед Шодихон зикр намуд, ки «мувофиқи маълумоти омори расмии мамлакат ба ҳолати 1 июли соли равон шумораи умумии маъюбон дар Ҷумҳурии Тоҷикистон 156 742 нафарро ташкил намуда, нишондоди маъюбӣ нисбат ба шумораи умумии аҳолӣ дар ин давра дар ҷумҳурӣ ба 1,6 фоиз баробар аст. Аз ин шумора маъюбони гурӯҳи I -16 579 нафар, гурӯҳи II- 75 521 нафар, маъюбони гурӯҳи III- 33 513 нафар, кӯдакони маъюби то синни 18 сола -31 129 нафар мебошанд».
Дар доираи иқдоми мазкур аз ҷониби дастгоҳи Кумитаи иҷроии Марказии Ҳизби Халқии Демократии Тоҷикистон ба 80 навар ҷавонони имконияташон маҳдуд кумакҳои моддӣ расонида шуда, барои онҳо дастархони идона ороста шуд. Барномаи фарҳангӣ ба чорабинии мазкур шукӯҳи тоза бахшид.
Ёдовар мешавем, ки тибқи Қонуни Ҷумҳурии Тоҷикитстон «Дар бораи рӯзҳои ид» 8 июл дар қаламрави мамлакат Рӯзи маъюбон таҷлил мешавад. Дар ин рӯз баҳри дастгирӣ ва зиёд намудани ҷалби таваҷҷуҳи ҷомеа ба мушкилоти ҳифзи ҳуқуқи шахсони имконияташон маҳдуд ва ҳарчи беҳтар намудани шароити кору зиндагии онҳо тадбирҳои мушахас амалӣ карда мешаванд.
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
Дар муассисаҳои кумаки аввалини тиббию санитарии Тоҷикистон шакли намунавӣ амалӣ мегардад
ИМРӮЗ — РӮЗИ БАЙНАЛМИЛАЛИИ ЗАНОНИ ДЕҲОТ. Фаъолияти Раҳима Салимова дар деҳа намунаи ибрат аст
Маркази тадқиқоти стратегии Тоҷикистон ва Гурӯҳи муассисаҳои MERI-и Ҳиндустон ҳамкориро тақвият мебахшанд
РӮЗИ ҶАҲОНИИ КОҲИШИ ХАТАРИ ОФАТҲОИ ТАБИӢ. Барои пешгирӣ аз пайомадҳои офатҳои табиӣ шаҳрвандон низ бояд масъулиятшинос бошанд.
Байни Маркази тадқиқоти стратегии Тоҷикистон ва Институти Чин ва Осиёи муосири Академияи илмҳои Русия Ёддошти тафоҳуми ҳамкорӣ ба тасвиб расид
Тавассути «Почтаи Тоҷикистон» беш аз 27 миллион рӯзномаю маҷалла ба мизоҷон расонида шуд
Дар Душанбе Форуми дуюми коршиносии «Осиёи Марказӣ – Русия: рӯзномаи рушди муштарак» ба кори худ оғоз намуд
