Минтақаи озоди иқтисодии «Суғд» ба маблағи қариб 40 млн сомонӣ маҳсулот содирот намудааст

Июль 21, 2021 14:05

ХУҶАНД, 21.07.2021. /АМИТ «Ховар»/. Дар шашмоҳаи аввали соли 2021 ҳаҷми сармоягузории мустақим ба Минтақаи озоди иқтисодии “Суғд” ба 10,8 млн сомонӣ баробар гардид. Ҳамзамон бозори фурӯши маҳсулоти истеҳсолнамудаи субъектҳои ин минтақа боз ҳам фарохтар шуда, маҳсулоти он ба ғайр аз дохили мамлакат инчунин ба кишварҳои Қазоқистон, Қирғизистон, Ӯзбекистон, Германия, Ироқ ва Туркия содир гардид. 

Ҳаҷми маҳсулоти содиротии субъектҳои минтақа дар ин давра нисбат ба шашмоҳаи соли 2020   20,2 млн сомонӣ зиёд гардида, ба 39,6 млн сомонӣ расонида шуд.

Дар ин бора 21 июл зимни нишасти матбуотӣ роҳбари МОИ «Суғд» Илёсиддин Камолитдинзода ба рӯзноманигорон маълумот дод.

Бино ба иттилои хабарнигори АМИТ “Ховар” Абдуаҳад Шарифзода, зимни нишаст иброз гардид, ки айни ҳол аз 31 корхонаи ҳамчун субъект ба қайд гирифташуда 21-тоаш фаъолияти мунтазам  доранд. Дар МОИ “Суғд” нисбат ба ҳамин давраи соли гузашта 110 ҷойи кори нав ташкил шуда, ҳоло миқдори умумии ҷойҳои корӣ ба 716 адад расидааст.

Таъкид гардид, ки дар моҳҳои январ-июни соли 2021 аз ҷониби субъектҳои Минтақаи озоди иқтисодӣ ба буҷаи давлат 2,6 млн сомонӣ маблағи андозҳо (андози даромад ва андози иҷтимоӣ) ва 12,4 млн сомонӣ пардохти боҷи гумрукӣ ва андоз аз арзиши иловашуда пардохт гардидааст, ки мутаносибан нисбат ба ҳамин давраи соли 2020 0,8 млн сомонӣ ва  4,6 млн сомонӣ зиёд мебошад.

Дар маҷмӯъ давоми шаш моҳи аввали соли 2021 дар Минтақаи озоди иқтисодии «Суғд» маҷмӯи маҳсулоти саноатӣ ба 118,2 млн сомонӣ баробар гардида, ин нишондиҳанда нисбат ба ҳамин давраи соли 2020 52,7 млн сомонӣ зиёд мебошад.

Бояд гуфт, ки Минтақаи озоди иқтисодии “Суғд” дар шаҳри Хуҷанд ҷойгир буда, масоҳати он 320 гектарро ташкил медиҳад.

Июль 21, 2021 14:05

Хабарҳои дигари ин бахш

Ҳайати Тоҷикистон дар Намоишгоҳи байналмилалии сайёҳӣ ва саноатии Теҳрон иштирок дорад
Президенти Ҷумҳурии Исломии Эрон Масъуд Пизишкиён дар шаҳри Теҳрон ба гӯшаи сайёҳии Тоҷикистон ташриф овард
НИШАСТИ МАТБУОТӢ. Ба иқтисодиёти Тоҷикистон дар ҳаҷми 4,9 миллиард доллар сармояи хориҷӣ ворид гардидааст
НИШАСТИ МАТБУОТӢ. Ҳаҷми Маҷмуи маҳсулоти дохилии Тоҷикистон ба беш аз 153 миллиард сомонӣ расонида шуд
«BORSA INTERNAZIONALE DEL TURISMO». Имконоти сайёҳии Тоҷикистон дар намоишгоҳи байналмилалии сайёҳӣ муаррифӣ гардид
НИШАСТИ МАТБУОТӢ. Барои муштариёне, ки ба низоми биллингӣ пайваст гардидаанд, маркази тамос ташкил шудааст
НИШАСТИ МАТБУОТӢ. 75 фоизи ҳолати қонунвайронкунии замин бартараф карда шуд
Дар Тоҷикистон ҷаласаи XXIII Шурои роҳбарони палатаҳои савдо ва саноати кишварҳои ИДМ доир мешавад
Тоҷикистон ба маблағи 55,1 миллион доллари амрикоӣ маҳсулоти саноати хӯрокворӣ содирот намуд
Роҳбарияти Донишгоҳи байналмилалии сайëҳӣ ва соҳибкории Тоҷикистон дар Биржаи байналмилалии сайёҳии Милан-2025 иштирок намуд
НИШАСТИ МАТБУОТӢ. Соли 2024 аз шаҳри Турсунзода ба хориҷи мамлакат беш аз 18 ҳазор тонна ангур содирот шуд
Дар Тоҷикистон «Стратегияи ҷалби сармоя барои давраи то соли 2040» таҳия мегардад