Кӯлоб: Барои риоя накардани қоидаҳои савдо 352 нафар соҳибкорон ҷарима шуданд

Июль 26, 2021 16:44

КӮЛОБ, 26.07.2021 /АМИТ «Ховар»/. Бо мақсади амалӣ намудани тартиби коркарди маҳсулоти ғайристандартӣ ва пешгирӣ аз фурӯши  маҳсулоти муҳлаташон гузашта масъулини нозироти савдои Раёсати стандартизатсия, метрология, сертификатсия ва нозироти савдои минтақаи Кӯлоб то ин муддат кори 287  нуқтаи савдо, бозорҳо ва мағозаҳои хӯроки умумиро санҷиданд. Дар ин бора зимни нишасти матбуотӣ  сардори раёсати мазкур  Ҷурахон Сайдализода ба хабарнигорон иттилоъ дод.

Дар натиҷа барои риоя накардани қоидаҳои савдо  ба 352  нафар соҳибкорони нуқтаҳои савдо, хӯроки умумӣ ва нуқтаҳои фурӯши сӯзишворӣ дар асоси Кодекси ҳуқуқвайронкунии маъмурии Ҷумҳурии Тоҷикистон ҷарима ба маблағи 43 680  сомонӣ муқаррар гардид, ки нисбат ба ҳамин давраи соли гузашта 104 ҷарима зиёд мебошад.

Кормандони шуъбаи нозироти савдо аз  224  нуқтаи фурӯши маҳсулоти хӯрокворӣ намуна барои ташхис гирифта, 26 адад фурӯзонакҳои симобдор, 18 адад фурӯзонакҳои тафсон ва 150 адад бозичаҳои чиниро  аз муомилот гирифтанд. Аз намунаҳои гирифташуда  дар 192 ҳолат маҳсулоти хӯрокворӣ ба талаботи ҳуҷҷатҳои меъёрӣ ҷавобгӯ набуд.

То ин давра маҳсулоти хӯрокворӣ,  аз ҷумла қаннодӣ-  219 кг,  маҳсулоти ғайримашруботӣ — 286 л, чой — 6,5 кг,  маҳсулоти ширӣ — 14,3 кг, маҳсулоти гӯштӣ — 5 кг, қайлаи помидор — 7,4 кг, намак — 18 кг ва дигар маҳсулоти муҳлати  истифодаашон гузашта аз муомилот гирифта шуданд.

Зикр шуд, ки  шуъбаи сертификатсиякунонӣ ва шаҳодатномадиҳии кору хизматрасонӣ барои мувофиқи матлаб ба иҷро расонидани  кори ба тартибдарориву сертификатсия намудани нуктаҳои кору  хизматрасонӣ,  ошхонаву чойхона, мағозаю бозорҳо ва нуктаҳои  дигари  кору хизматрасонӣ,  иҷрои қонунҳои амалкунандаи Ҷумҳурии Тоҷикистон, стандартҳои давлатӣ ҳуҷҷатҳои меъёриро дастраси кори хеш қарор дода, ба 370 соҳибкор шаҳодатномаи кору  хизматрасонӣ муқаррар   намудааст.

 

Акс аз АМИТ «Ховар»

Июль 26, 2021 16:44

Хабарҳои дигари ин бахш

Фурудгоҳи байналмилалии Душанбе дар нуҳ моҳ ба зиёда аз 600 ҳазор мусофир хизмат расонид
Шабакаҳои тақсимоти барқи шаҳри Хуҷанд: Омодагӣ ба давраи зимистон дар сатҳи зарурист
Шумораи дорандагони кортҳои пардохтӣ аз «Амонатбонк» аз 1,5 миллион нафар гузашт
Дар НБО-и «Норак» ва «Бойғозӣ» корҳои таъмир ва навсозӣ ҷараён доранд
Дар Вазорати кишоварзии Тоҷикистон омилҳои баландшавии нархи орду гандумро шарҳ доданд
Шералӣ Кабир сармоягузорони маҷориро даъват намуд, ки дар рушди саноати Тоҷикистон саҳм гузоранд
ЧИН ҲАМКОРИРО БО ТОҶИКИСТОН ТАҲКИМ МЕБАХШАД. Форуми махсус оид ба рушди муносибатҳои Чин ва кишварҳои Осиёи Марказӣ ба густариши ҳамкории иқтисодӣ дар минтақа равона шудааст
Муовини Вазири молияи Тоҷикистон дар машварати минтақавии Фонди байналмилалии рушди кишоварзӣ (IFAD) дар Туркия ширкат намуд
Масъалаи таъсиси корхонаҳои муштарак дар минтақаҳои озоди иқтисодии Тоҷикистон баррасӣ шуд
Тоҷикистон бо табиати зебою нотакрор метавонад барои шаҳрвандони Корея аз кишварҳои писандидаи сайёҳӣ гардад
Хатлон: Левакант ва Данғара дурнамои ҷамъоварии пахтаро иҷро намуданд
Хуршед Зиёӣ: «Таъмини амнияти иқтисодӣ яке аз масъалаҳои афзалиятноки стратегии давлат аст»