Равобити тиҷоратӣ, иқтисодӣ ва фарҳангии Тоҷикистон ва Туркия дар давраи пандемия баррасӣ гардиданд
ДУШАНБЕ, 26.07.2021 /АМИТ «Ховар»/. Сарфи назар аз шароити душвори раванди пандемия имконияти ҳамкорӣ байни Тоҷикистон ва Туркия дар бисёр соҳаҳо мавриди баррасӣ қарор гирифта, дар ин давра мулоқоту суҳбатҳои маҷозӣ ва конфронсҳои гуногун таҳти роҳбарии Шӯрои соҳибкорони Туркия-Тоҷикистон (ДЕИК) дар ҳамкорӣ бо Сафорати Ҷумҳурии Тоҷикистон дар Ҷумҳурии Туркия, Палатаи тиҷоратии Коҷаэлӣ ва Палатаи савдо ва саноати шаҳри Бурса баргузор гардиданд.
Тавре хабарнигори АМИТ «Ховар» дар Истанбул Манижаи МАҚСУД хабар медиҳад, яке аз чунин чорабиниҳо конфронси тасвирӣ таҳти унвони «Имкониятҳои соҳибкорӣ ва сармоягузорӣ байни Тоҷикистону Туркия» буд, ки дар он намояндагони беш аз 50 ширкат иштирок карда, имконоти ҳамкорӣ ва сармоягузориро дар соҳаҳои гуногунҷанба мавриди баррасӣ қарор доданд.
Зимни конфронс зикр гардид, ки ба имзо расонидани Созишномаи тиҷоратии имтиёзнок барои расидан ба ҳадафи гузошташуда — афзоиш додани ҳаҷми тиҷорати дуҷониба ба як миллиард доллар аҳамияти муҳим дорад.
Ҳамчунин дар Туркия Рӯзи кишвари Тоҷикистон ва имконияти сармоягузорӣ баргузор гардид, ки дар он намояндагони ҳар ду давлат иштирок карда, оид ба имконоти ҳамкории дуҷониба мубодилаи афкор намуданд.
Раиси Шӯрои соҳибкорони Туркия – Тоҷикистон Ҷаҳонгир Саатчиоғлу зимни мусоҳибаи телефонӣ ба хабарнигори АМИТ «Ховар» дар Истанбул гуфт, ки новобаста ба суръати паҳншавии коронавирус, ки боиси татбиқи баъзе тадбирҳо ва ба таъхир андохтани нақшаҳои ҳамкорӣ байни ду кишвар гардид, Шӯрои мо, ки шомили ДЕИК ё Кумитаи равобити иқтисодии хориҷии Туркия мебошад, барои ташвиқи сармоягузорони турк ва инкишоф додани муносибатҳои дуҷониба саҳми арзандаи худро дареғ нахоҳад дошт.
Шӯрои соҳибкорони Туркия-Тоҷикистон барои саҳм гузоштан дар рушд ва инкишофи муносибатҳои дуҷониба барои соли 2020 соҳиби ҷоизаи Кумитаи равобити иқтисодии хориҷии Туркия шуд.
Раиси Шӯрои мазкур зимни мусоҳиба гуфт, ки «ДЕИК — Кумитаи равобити иқтисодии хориҷии Туркия дорои 136 Шӯрои тиҷоратӣ мебошад. Ин ҷоиза, ки аз байни ин ҳама шӯроҳои корӣ ба Шӯрои соҳибкорони Туркия-Тоҷикистон дода шуд, худ нишонаи он аст, ки то чӣ андоза муносибатҳои дуҷониба дар соҳаҳои гуногунҷанба инкишоф ёфтаанд. Ӯ ҳамчунин таъкид кард, ки моҳи августи соли ҷорӣ нишасти ҳамкорӣ миёни Тоҷикистон ва Туркия дар соҳаи доруворӣ баргузор хоҳад шуд, ки эҳтимол Шӯрои соҳибкорони Туркия-Тоҷикистон сафари расмии имсолаи худро низ дар ҳамин моҳ анҷом диҳад.
АКСҲО аз АМИТ «Ховар»
Тоҷикистон ва Туркия Харитаи роҳ оид ба афзоиши ҳаҷми гардиши савдоро омода месозанд
Вазири молияи Тоҷикистон ва Директори минтақавии БАТР дар Осиёи Марказӣ маблағгузории иқтисодиёти сабзро баррасӣ намуданд
Ҳайати мақомоти гумруки Тоҷикистон дар Форуми байналмилалии гумрук-2021 иштирок намуд
Ҳукумати Тоҷикистон ҳаҷми буҷети соли 2022-ро эълон намуд
ОМОДАГӢ БА ЗИМИСТОН. Дар шаҳру ноҳияҳои тобеи ҷумҳурӣ зеристгоҳҳои барқии 35/10 кВ таъмири ҷорӣ ва 13 адад трансформаторҳо иваз шуданд
ДИҚҚАТ, ТАҶРИБА! Дар Швейтсария ризокорон (волонтёрон) дар ҷамъоварии ҳосили себ кумак мекунанд: ин бояд мавриди таваҷҷуҳи кишоварзон ва хоҷагиҳои деҳқонии Тоҷикистон қарор бигирад
Зикриёхон Ҳайдаров: Ҳангоми коркарди пурра аҳамияти пахтапарварӣ нисбат ба ғаллапарварӣ метавонад 25 маротиба зиёдтар шавад
Дар Вазорати рушди иқтисод ва савдо масоили татбиқи лоиҳаҳои амалкунандаи сармоягузории давлатӣ баррасӣ шуданд
Фурудгоҳи байналмилалии Душанбе дар нуҳ моҳ ба зиёда аз 600 ҳазор мусофир хизмат расонид
Шабакаҳои тақсимоти барқи шаҳри Хуҷанд: Омодагӣ ба давраи зимистон дар сатҳи зарурист
Шумораи дорандагони кортҳои пардохтӣ аз «Амонатбонк» аз 1,5 миллион нафар гузашт
Дар НБО-и «Норак» ва «Бойғозӣ» корҳои таъмир ва навсозӣ ҷараён доранд
