Сели азим дар Панҷакент сабаби талафоти ҷониву молӣ гардид

Июль 21, 2021 08:20

ДУШАНБЕ, 21.07.2021 /АМИТ «Ховар»/. 19 июл бар асари боридани боронҳои пуршиддат дар ҳудуди чор ноҳияи вилояти Суғд омадани сел ба қайд гирифта шуд.

Тавре аз Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба АМИТ “Ховар” иттилоъ доданд, 19 июл, тақрибан соати 15:30, баъди боронҳои пай дар пай дар деҳаи Дашти Қозии Ҷамоати деҳоти Ёрии шаҳри Панҷакенти вилояти Суғд сел фаромад. Дар чарогоҳи тобистонаи деҳаи Киштудак, ки дар баландии тақрибан 30 км аз Ҷамоати деҳоти Дашти Қозӣ ҷойгир аст, 10 нафар одамоне, ки ба чаронидани чорво машғул буданд, дучори сел шуданд.

Инчунин дар натиҷаи офати табиӣ ва обу лойқа қисман ба 15 бинои истиқоматӣ, қитъаҳои наздиҳавлигӣ, 3 км роҳи байни деҳаҳо зарар расида, боиси талафоти 35 сар чорвои калони шохдор ва чорвои майда шуд. Аҳолии маҳаллӣ тахминан соати 17:30 ҷасади ду занро аз зери лойоба берун оварданд.

Барои бурдани корҳои ҷустуҷӯӣ-наҷотдиҳӣ фавран ба ҷойи ҳодиса наҷотдиҳандагони Кумитаи ҳолатҳои фавқулода дар минтақаи Зарафшон фиристода шуданд.

Пас аз амалиёти наҷот ҷасади 8 сокини деҳаи Киштудак аз зери лой берун оварда шуд. Ҷустуҷӯи ду нафари дигар идома дорад.

Инчунин дар қаламрави деҳаи Вашани Ҷамоати деҳоти Урметани ноҳияи Айнӣ сел ба қайд гирифта шудааст. Тибқи маълумоти пешакӣ, дар натиҷаи сел 4 км роҳи мошингард, 2 пул,  хати барқ вайрон гардида, таҳхонаҳои 8 бинои истиқоматӣ  ва қитъаҳои наздиҳавлигӣ қисман аз лойоба пур шудаанд.

Худи ҳамон рӯз, дар натиҷаи бориши шадид дар деҳаҳои Пасти-Гал, Хабишар, Тит, Рогиф ва Ревемутки Ҷамоати деҳоти Иван-Тоҷики ноҳияи Мастчоҳи Кӯҳии вилояти Суғд омадани сел ба қайд гирифта шуд. Дар натиҷаи офати табиӣ  3 бинои истиқоматӣ пурра,  5 бинои истиқоматӣ қисман, 8 иншооти ёрирасон, 10 км роҳ, 20 гектар замини корам ва 2 пул осеб дидаанд. Талафоти ҷонӣ нест.

Ҳамчунин 19 июл, соати 17:30, дар деҳаи Росровути Ҷамоати деҳоти Росровут ва дар деҳаи Некти Ҷамоати деҳоти Ваҳдати ноҳияи Деваштич омадани сел ба қайд гирифта шуд, ки дар натиҷа 15 бинои истиқоматӣ, роҳҳо ва қитъаҳои наздиҳавлигӣ қисман хароб шудаанд.

Барои рафъи оқибатҳои офати табиӣ комиссияҳои ноҳиявии ҳолатҳои фавқулода ба кор оғоз намудаанд. Дар айни замон корҳо барои рафъи оқибатҳои офатҳои табиӣ идома доранд.

Июль 21, 2021 08:20

Хабарҳои дигари ин бахш

Вазорати меҳнат пешниҳоди баланд бардоштани синни баромадан ба нафақаро дастгирӣ накард. Чаро? Роҳбари ин ниҳод Ширин Амонзода шарҳ медиҳад
Ба раванди таълим нафарони ғайриихтисос низ ҷалб шудаанд,-бардошт аз нишасти матбуотӣ
Ба хотири рушди фаъолияти соҳибкории занон 80 лоиҳаи мақсаднок дастгирӣ ёфт
Пагоҳ Кумитаи андоз, Хадамоти гумрук, Агентии омор, Агентии хизмати давлатӣ нишасти матбуотӣ баргузор менамоянд
Дар ноҳияи Лахш сели пиряхӣ ба амал омад
Пагоҳ Кумитаи забон ва истилоҳот, Кумитаи кор бо занон ва оила, Агентии назорат дар соҳаи маориф ва илм, Мақомоти шаҳри Душанбе, ШСХК «Барқи Тоҷик» нишасти матбуотӣ баргузор менамоянд
Имрӯз Вазорати саноат ва технологияҳои нав, Вазорати меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, Кумитаи кор бо ҷавонон ва варзиш нишасти матбуотӣ баргузор менамоянд
Дар заминаи Академияи идоракунии давлатӣ магистратураи «Мактаби давлатдории Эмомалӣ Раҳмон» таъсис дода шуд
Бахшида ба 30-солагии Истиқлоли давлатӣ Атласи пиряхҳои Тоҷикистон ва гиёҳҳои шифобахши он ба нашр мерасад
Пагоҳ Вазорати саноат ва технологияҳои нав, Вазорати меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, Кумитаи кор бо ҷавонон ва варзиш нишасти матбуотӣ баргузор менамоянд
Имрӯз Вазорати корҳои хориҷӣ, Агентии авиатсияи гражданӣ, Академияи миллии илмҳо, КВД «Хоҷагии манзилию коммуналӣ» нишасти матбуотӣ баргузор менамоянд
26-28 июл дар бархе минтақаҳои алоҳидаи Тоҷикистон сар задани селҳои маҳаллӣ ва пиряхӣ дар назар аст

Маводҳои таҳлилӣ