Шабонарӯзи охир дар ҷаҳон зиёда аз 339 ҳазор ҳолати сирояти коронавирус ошкор шуд

ДУШАНБЕ, 06.07.2021 /АМИТ «Ховар»/. Шабонарӯзи охир шумораи ҳолатҳои тасдиқшудаи сирояти коронавируси нав дар ҷаҳон беш аз 339 ҳазор афзоиш ёфта, аз 184,93 миллион гузашт, хабар медиҳад АМИТ «Ховар» бо истинод ба маълумоти имрӯзаи Созмони умумиҷаҳонии тандурустӣ (СУТ).

Ба ҳолати соати 10:00 (ба вақти Душанбе)-и 6 июл, ба СУТ дар бораи 184 938 346 сироятшуда ва 4 000 818 фавт маълумот расидааст. Шумораи гирифторони ин беморӣ шабонарӯзи охир 339 286 нафар ва фавтидагон 6 216 нафар афзудааст.

Шумораи зиёди ҳолатҳои тасдиқшудаи сироят дар ИМА ба қайд гирифта шудаанд — 34 598 361. Баъд аз он Ҳиндустон (30 619 932), Бразилия (18 792 511), Франсия (5 786 999), Россия (5 635 294), Туркия (5 449 464), Британияи Кабир (4 930 534), Аргентина (4 552 750), Колумбия (4 375 861), Италия (4 263 797), Испания (3 866 475) ва Германия (3 738 843) қарор доранд.

АКС аз EPA-EFE/RAJAT GUPTA