Шабонарӯзи охир дар ҷаҳон зиёда аз 430 ҳазор ҳолати сирояти коронавирус ошкор шуд

ДУШАНБЕ, 07.07.2021 /АМИТ «Ховар»/. Шабонарӯзи охир шумораи ҳолатҳои тасдиқшудаи сирояти коронавируси нав дар ҷаҳон беш аз 430 ҳазор афзоиш ёфта, аз 185,39 миллион гузашт, хабар медиҳад АМИТ «Ховар» бо истинод ба маълумоти имрӯзаи Созмони умумиҷаҳонии тандурустӣ (СУТ).

Ба ҳолати соати 10:00 (ба вақти Душанбе)-и 7 июл, ба СУТ дар бораи 185 391 452 сироятшуда ва 4 009 227 фавт маълумот расидааст. Шумораи гирифторони ин беморӣ шабонарӯзи охир 430 841 нафар ва фавтидагон 8 196 нафар афзудааст.

Шумораи зиёди ҳолатҳои тасдиқшудаи сироят дар ИМА ба қайд гирифта шудаанд — 34 622 690. Баъд аз он Ҳиндустон (30 663 665), Бразилия (18 855 015), Франсия (5 790 584), Россия (5 658 672), Туркия (5 454 763), Британияи Кабир (4 958 868), Аргентина (4 574 340), Колумбия (4 402 582), Италия (4 264 704), Испания (3 880 612) ва Германия (3 739 555) қарор доранд.

АКС аз РИА «Новости»