Қувваҳои мусаллаҳи Афғонистон 187 ҷангии ҳаракати «Толибон»*-ро нобуд карданд

Июль 27, 2021 14:06

ДУШАНБЕ, 27.07.2021 /АМИТ «Ховар»/. Қувваҳои миллии мудофиа ва амнияти Афғонистон дар 24 соати охир 187 ҷангии ҳаракати «Толибон»*-ро нобуд намуданд, хабар додааст имрӯз агентии иттилоотии  Sputnik бо истинод ба Вазорати дифои Афғонистон.

Дар мақомот аниқ карданд, ки боз 112 террорист захмдор карда шудаанд.

Тибқи иттилои Вазорати дифои Афғонистон, ҚМ Афғонистон «дар музофоти Қунар, Лоҳур, Ғазнӣ, Хост, Қандаҳор, Урузгон, Фороб, Балх, Ҷузҷон, Самангон, Ҳилманд, Тахор, Қундуз, Бағлон ва Каписо амалиёти ҷангӣ гузарониданд».

Ҳамин тавр, дар музофоти Балх қисме аз қувваҳои мусаллаҳ аз толибон ноҳияи Калдорро, ки дар он шаҳри Хайратон ва Пули дӯстии аз ҷиҳати стратегӣ муҳиме, ки Афғонистон ва Узбекистонро мепайвандад,  ҷойгиранд, зада гирифтанд (ДАР АКС).

Ба ғайр аз ин, ҳуҷумҳои толибон дар мавзеъҳои Дараи Фаррох Шоҳ ва Дараи Калон дар музофоти Каписо гардонида шуданд. Дар музофоти Фороб яке аз қумондонҳои гурӯҳи вазифааш махсуси толибон Қорӣ Ҳайятулло нобуд карда шуд.

Ёдовар мешавем, ки як рӯз қабл ҳавопаймоҳои Афғонистон ба ҷангиёни музофоти бо Тоҷикистон ҳамсарҳад ҳамла карданд. 12 террорист, аз ҷумла қумондони асосӣ Аҳзаруллоҳ ва қозии музофоти Тахор Мавлавӣ Собир, ки аз ҷониби толибон таъйин шуда буд,  сахт ярадор шуданд.

 

АКС: central.asia-news.com

_________________________

*Ҳаракати «Толибон» ташкилоти террористӣ эътироф шудааст. Фаъолияти он дар Тоҷикистон, Русия ва дигар давлатҳо манъ аст.

Июль 27, 2021 14:06

Хабарҳои дигари ин бахш

Прокурори генералии Тоҷикистон бо сафари корӣ дар Лаҳистон қарор дорад
Вазорати корҳои дохилӣ аъзои шабакаи фаромиллии нашъаҷаллобро муайян намуд
Прокурори генералӣ Юсуф Раҳмон дар доираи сафари корӣ бо намояндагони Ҷумҳурии Федеративии Олмон мулоқот намуд
Артиши Афғонистон дар як шабонарӯз 189 ҷангии «Толибон»*-ро нобуд кард
Вазирони мудофиаи давлатҳои аъзои СҲШ аз бадшавии босуръати вазъ дар Афғонистон изҳори нигаронӣ карданд
Лоиҳаи Изҳороти сарони кишварҳои узви ИДМ дар соҳаи амнияти биологӣ таҳия мешавад
Имрӯз дар Душанбе ҷаласаи Шӯрои вазирони мудофиаи СҲШ баргузор мешавад
Дар Афғонистон барои минтақаи ҳаммарз бо Тоҷикистон ҷангҳои шадид идома доранд
Маркази матбуоти Қӯшунҳои сарҳадии КДАМ ҶТ хабар медиҳад
Вазири корҳои дохилии Тоҷикистон бо Сафири Туркия мулоқот намуд
Бо супориши Эмомалӣ Раҳмон ба Вазири корҳои хориҷии Русия Сергей Лавров Нишони фахрии СААД супорида шуд
Имрӯз дар шаҳри Турсунзода таҳти унвони «Марз-2021» санҷиши омодагии ҷангӣ баргузор гардид

Маводҳои таҳлилӣ