Вазорати тандурустӣ ва ҳифзи иҷтимоии аҳолии Тоҷикистон ба шаҳри Хоруғ 50 ҳазор вояи ваксинаи «Модерна» равон намуд

Июль 30, 2021 08:28

ХОРУҒ, 30.07.2021 /АМИТ «Ховар»/. Бо мусоидати Вазорати тандурустӣ ва ҳифзи иҷтимоии аҳолии Ҷумҳурии Тоҷикистон  50 ҳазор воя ваксинаи «Модерна»-и истеҳсоли Амрико  ба шаҳри Хоруғ расид. Дар навбати аввал,  табибону  гирифторони бемориҳои ҳамрадиф, шахсони калонсол, инчунин кормандони  соҳаи савдою тиҷорат  бо ин воя таъмин мешаванд.  Қишри осебпазири вилоят, ки аз 18-сола боло мебошад,  номнавис шуда, мутобиқи ин арқом, барои пурра ба эмкунӣ ҷалб намудани аҳолӣ  беш аз 300 ҳазор ваксина зарур мебошад.

Дар ин бора Раиси Вилояти Мухтори Кӯҳистони Бадахшон Ёдгор Файзов дар ҷаласаи ситоди навбатии КОВИД-19 хабар дод.

Зимни ҷаласаи ситод Ёдгор Файзов оид ба масъалаи пешгирӣ аз  сироятёбӣ ба ин беморӣ, таъмини муассисаҳои табобативу профилактикӣ бо дастгоҳи нафасдиҳии сунъӣ, вусъати корҳои фаҳмондадиҳӣ доир ба риояи талаботи беҳдоштӣ ва маҳдуд намудани чорабиниҳои оммавию фарҳангӣ ҳарф зад.

Раиси вилоят изҳор дошт, ки қаблан бо кумаку дастгирии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон беш аз 5 ҳазор воя ваксинаи “Астрозеника” дастрас  карда шуд. Дар марҳилаи аввал ашхоси аз 60- сола боло ва кормандони соҳаи тиб бо ин  ваксина фаро гирифта шуданд.

Ба мақсади сари вақт таъмин намудани муассисаҳои табобатию профилактикӣ  бо дастгоҳҳои нафасдиҳии сунъӣ, бахусус дар беморхонаҳои маркази вилоят ва ноҳияҳо  сардорони Раёсати тандурустии вилоят ва Хадамоти Оғохон оид ба тандурустӣ дар вилоят  муваззаф гардиданд, ки тадбирҳои фаврӣ ва муассир андешанд. Миқдори муайяни маблағ  аз ҳисоби мақомоти иҷроияи ҳокимияти давлатии вилоят низ  ҷудо хоҳад шуд.

Пурзӯр намудани корҳои тарғиботиву ташвиқотӣ, риояи қоидаҳои беҳдоштӣ дар бозору хатсайрҳои мусофиркашонӣ, тарабхонаву қаҳвахонаҳо,  истифодаи ҳатмии ниқобҳои муҳофизатӣ дар ҷойҳои серодам ва риояи фосилаи иҷтимоӣ аз омилҳои дигари пешгирӣ аз бемории ҳамагири КОВИД-19  мебошанд.

 

АКСҲО аз АМИТ «Ховар»

 

Июль 30, 2021 08:28

Хабарҳои дигари ин бахш

Эмомалӣ Раҳмон: «Мо ба корҳои дохилии Афғонистон дахолат намекунем, вале барои ҳалли муносиби мушкилоти сиёсиву амниятии кишвари ҳамсоя бояд ҳукумати ҳамашумул ташкил карда шавад»
Эмомалӣ Раҳмон вазъияти бавуҷудомадаи имрӯзаи Панҷшерро фоҷеаи гуманитарӣ арзёбӣ намуданд
Президенти Тоҷикистон аз минбари СММ зуҳуроти беқонунӣ, куштор ва зулму таъқибро алайҳи мардуми Афғонистон қатъиян маҳкум намуданд
Мухолифати Олмон ба номаи «Толибон» ба СММ
Абдуллои Раҳнамо, сиёсатшинос: «Агар терроризм бад буд, пас чаро имрӯз якбора таърифаш дигар шудааст?!»
Имрӯз Президенти Тоҷикистон дар иҷлоси Маҷмаи умумии СММ суханронӣ мекунанд
Нақшаи иммунизатсия бар зидди бемории COVID-19 дар Тоҷикистон 39,6% иҷро шуд
«ПЕШРАФТИ ИҚТИСОДИЁТ БА ФАЪОЛИЯТИ ОЛИМОН ВОБАСТА АСТ». Профессор Абдураҳмон Муҳаммад дар иртибот ба фармони нави Президенти Тоҷикистон
«ҚОНУНҲОИ ЁБОӢ». Валентина Матвиенко ва Ширин Исматуллозода ба ҳимояи занони афғон бархостанд
Шариф Раҳимзода: Зиёд намудани андозаи маоши амалкунандаи кормандони АМИТ ба пешрафти илм мусоидат менамояд
Саидбек Сатторов: Марҳилаи дуюми ваксина бар зидди COVID-19 бояд шаш моҳ пас аз марҳилаи аввал сурат гирад
ЯК РӮЗ ДАР ТАЪРИХ. Расо даҳ сол пеш, дар зодрӯзаш, дар натиҷаи ҳамлаи террористӣ дар Кобул собиқ Президенти Афғонистон Бурҳониддин Раббонӣ кушта шуд

Маводҳои таҳлилӣ