АГЕНТИИ АВИАТСИЯИ ГРАЖДАНӢ ХАБАР МЕДИҲАД: Парвозҳои мунтазами байналмилалӣ дар хатсайри Душанбе-Москва-Душанбе афзоиш дода мешаванд
ДУШАНБЕ, 18.08.2021. /АМИТ «Ховар»/. Аз 27 августи соли 2021 парвозҳои мунтазами байналмилалӣ дар хатсайри Душанбе-Москва-Душанбе аз 4 парвозӣ дар як ҳафта ба 14 парвозӣ дар як ҳафта афзоиш дода мешаванд. Дар ин бора ба АМИТ «Ховар» аз Агентии авиатсияи граждании назди Ҳукумати Ҷумҳурии Тоҷикистон иттилоъ доданд.
Тавре дар Агентии авиатсияи граждании назди Ҳукумати Ҷумҳурии Тоҷикистон зикр намуданд, бо ташаббуси бевоситаи Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон, ҷиҳати ҳифзи ҳуқуқҳои шаҳрвандон ва таъмини шароити мусоиди зиндагӣ, ҷиҳати беҳтар гардидани вазъи эпидемиологӣ дар кишвар кӯшишу талошҳои пайваста ба роҳ монда шуда, натиҷаҳои назаррасе ба даст оварда шудааст, ки ин ҳама барои барқарор кардани парвозҳои мунтазами байналмилалӣ заминаи мусоиде фароҳам овардааст.
Аз ҷумла, аз 1 апрели соли 2021 парвозҳои байналмилалии мунтазам байни пойтахтҳои Ҷумҳурии Тоҷикистон ва Федератсияи Русия бо зичии як парвозӣ дар як ҳафта ва инчунин, аз 10 июни соли 2021 боз бо зичии як парвозӣ аз ҳарду ҷониб барқарор шуда, айни замон ҳамагӣ 4 парвози мунтазамро дар як ҳафта дар хатсайри Душанбе-Москва-Душанбе ташкил медиҳад. Дар баробари ин, бо мақсади муташаккилона сафарбар намудан ва ба ҷойи кор таъмин намудани муҳоҷирони меҳнатӣ дар хориҷи кишвар, ба ширкатҳои ҳавопаймоии Федератсияи Русия иҷозат дода шудааст, ки тавассути парвозҳои чартерӣ шаҳрвандони Ҷумҳурии Тоҷикистонро ба Федератсияи Русия интиқол диҳанд.
Бояд тазаккур дод, ки бо дархости ҷониби Ҷумҳурии Тоҷикистон ва қарори қабулнамудаи ҷониби Федератсияи Русия аз 27 августи соли 2021 парвозҳои мунтазами байналмилалӣ дар хатсайри Душанбе-Москва-Душанбе аз 4 парвозӣ дар як ҳафта ба 14 парвозӣ дар як ҳафта афзоиш дода мешавад. Афзоиш ёфтани парвозҳои мунтазами байналмилалӣ барои пурра қонеъ гардонидани талаботи мусофирон ба нақлиёти ҳавоӣ ва коҳиш ёфтани арзиши чипта заминаи мусоиде фароҳам меоварад.
Ҳамзамон, бояд гуфт, ки дар баробари афзоиш ёфтани парвозҳои мунтазами байналмилалӣ дар хатсайри Душанбе-Москва-Душанбе, қарор қабул карда шудааст, ки аз фурудгоҳҳои байналмилалии Душанбе, Ҳуҷанд ва Кўлоб ба фурудгоҳҳои байналмилалии Федератсияи Русия, ки парвозҳои байналмилалӣ дар ин фурудгоҳҳо барқарор шудаанд, як парвозӣ дар як ҳафта дар ҳамаи самтҳои барқароршуда амалӣ карда шаванд.
Инчунин қобили зикр аст, ки бо зиёд гардидани парвозҳои ҳавопаймоӣ ва хатсайрҳои мунтазам ба самтҳои гуногуни Федератсияи Русия, арзиши чиптаи ҳавопаймоӣ паст гардида, дастраси мусофирон мегардад.
Вобаста ба ин, хоҳишмандон ва шаҳрвандони кишварамон метавонанд, ба нуқтаҳои чиптафурӯшӣ муроҷиат намуда, бо нархи муқарраргардида чипта харидорӣ намоянд.
АКС аз бойгонии АМИТ «Ховар»
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
ТИРГОН ШЕБУ ФАРОЗИ САДСОЛАҲОРО ГУЗАШТА, ТО БА РӮЗГОРИ МО РАСИДААСТ. Иқтибосҳо аз суханрониҳои Президенти Тоҷикистон ба муносибати ин ҷашн
Соли 2027 дар Тоҷикистон Конфронси байналмилалӣ доир ба Даҳсолаи байналмилалӣ оид ба таҳкими сулҳ барои наслҳои оянда баргузор мешавад
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
Президенти Тоҷикистон: «Талаботи ҷаҳон ба оби ошомиданӣ то соли 2050 ҳадди ақалл 25 фоиз зиёд мешавад»
