COVID-19. Кормандони НБО «Роғун» бо ваксинаҳои «Мoderna», «CoronaVaс» ва «AstraZeneca» пурра эм карда шуданд
РОҒУН, 20.08.2021 /АМИТ«Ховар»/. Баҳри пешгирӣ намудани аҳолӣ аз бемории сироятии коронавируси нави COVID-19 дар шаҳри Роғун аввалин шуда, кормандони Неругоҳи барқи обии «Роғун» аз ваксинаҳои «Мoderna», «CoronaVaс» ва «AstraZeneca» ба таври пурра истифода намуданд.
Тавре роҳбари Маркази саломатии шаҳри Роғун Умедҷон Урозов ба хабарнигори минтақавии АМИТ «Ховар» Субҳониддини Маҳмуд хабар дод, «бори аввал ба шаҳри Роғун 783 вояи ваксинаи «AstraZeneca» ворид шуд, ки тамоми кормандони соҳаи тандурустии шаҳр ва кормандони ширкатҳои сохтмонии Вибил ва Ориёно бо ин ваксина фаро гирифта шуданд. Дар марҳилаи дуюм ҳафт ҳазор вояи ваксинаи «Мoderna» ва панҷ ҳазор вояи ваксинаи «CoronaVaс» ба шаҳр ворид шуд, ки бо ин ваксинаҳо сари вақт 3062 нафар кормандони Неругоҳи барқи обии «Роғун» эмгузаронӣ шуданд. Аз сабаби он ки қисми зиёди кормандони неругоҳ дар як моҳ 15 шабонарӯз кор мекунанд, дар рӯзҳои истироҳат дар зодгоҳашон эмгузаронӣ шуда, бо шаҳодатномаи ваксинатсия ба кор ҳозир мешаванд. Ҳоло тамоми кормандони бузургтарин Неругоҳи барқи обии «Роғун» бо ваксина фаро гирифта шудаанд».
Тибқи иттилои сардухтури шаҳри Роғун Бахтовар Акобиров, «сокинони шаҳри Роғун дар маъракаи ваксинатсия барои пешгирии ин бемории сироятӣ фаъолона иштирок намуда, зиёда аз 12637 нафар аз ин ваксинаҳо истифода намудаанд. Хушбахтона, бо сабаби сари вақт гирифтани ваксина ва риояи қоидаҳои беҳдоштӣ имрӯзҳо дар беморхонаи шаҳри Роғун бо нишонаҳои бемории коронавирус ягон нафар бистарӣ нест».
Имрӯзҳо кормандони Мақомоти иҷроияи ҳокимияти давлатии шаҳри Роғун ва соҳаи тандурустӣ барои фаҳмонидани моҳияти истифодаи ваксина дар пешгирии бемории коронавирус ва фоидаи он ба саломатии инсон ба ҷамоатҳои шаҳраку деҳот сафарбар гардидаанд.
Масъулини Маркази назорати давлатии санитарию эпидемологии шаҳри Роғун гуфтанд, ки «ин маърака дар сатҳи зарурӣ доир шуда, нуқтаҳои эмгузаронию нигоҳдории ваксинаҳо зери назорати доимии мутахассисони санитарӣ қарор доранд. Мо кӯшиш менамоем, ки корҳои фаҳмонадиҳиро миёни аҳолӣ барои риояи қоидаҳои гигиению беҳдоштӣ ва риояи бастани ниқобу фосилаи иҷтимоӣ зиёд намуда, хуруҷи ин бемориро дар байни аҳолӣ кам намоем».
АКС аз АМИТ «Ховар»
МАВСИМИ ОББОЗӢ. Агар оббозӣ карда натавонед, кӯшиши ба об даромадан накунед
Ҳайати Тоҷикистон дар ҷаласаи Ассамблеяи ҷаҳонии тандурустӣ иштирок дорад
Лоиҳаҳои тандурустии Тоҷикистон дар ҷаласаи Бонки исломии рушд муаррифӣ шуданд
Ҷавонон бояд роҳи гузаштагони пурифтихорамонро бо омӯзиш ва аз худ кардани илмҳои замона идома диҳанд
Президенти Тоҷикистон: «Ҳамаи иқдом, дастгирию ғамхории Ҳукумати Тоҷикистон ба хотири соҳиби илму дониши муосир гардидани ҷавонон аст»
Ҳайати Тоҷикистон дар вохӯрии Иттифоқҳои касабаи давлатҳои Созмони ҳамкории Шанхай иштирок намуд
Эмомалӣ Раҳмон: «Ҳукумати мамлакат барои фаъолияти ҷавонон тамоми иқдоми заруриро амалӣ менамояд»
23 МАЙ-РӮЗИ ҶАВОНОНИ ТОҶИКИСТОН. Ҷавонони тоҷик дар пешрафти илму техника ва ихтироъкорию навоварӣ саҳми арзанда мегузоранд
Дар Душанбе вобаста ба таҳаввули ҷойгоҳи Осиёи Марказӣ дар низоми ҳамкории С5+1 ҳамоиш баргузор шуд
ОГОҲӢ. 22-23 май дар минтақаҳои кӯҳии Тоҷикистон борони пуршиддат дар назар аст
Бахшида ба Рӯзи ҷавонони Тоҷикистон дар Академияи идоракунии давлатӣ ҳамоиш баргузор шуд
Дар Санкт-Петербург Форуми байналмилалии ҳуқуқӣ баргузор гардид
