Дар Хуҷанд партовҳоро ба навъҳо ҷудо мекунанд
ДУШАНБЕ, 04.08.2021 /АМИТ «Ховар»/. Дар шаҳри Хуҷанд бунёди корхонаи коркарди партов ба нақша гирифта шудааст. Дар робита ба ин бо супориши роҳбарияти шаҳри Хуҷанд маконҳои партовгузорӣ бо қуттиҳои ҷамъоварии намудҳои гуногуни партов таъмин гардиданд. Шаҳрвандон минбаъд партовҳоро мувофиқ ба таъйиноти қуттиҳо, ба мисли хокрӯба, зарфҳои шишагию пластикӣ, оҳан, меваю сабзавот ва ғайраҳо мегузоранд, ки ин барои ба навъҳо ҷудо намудани партов мусоидат мекунад.
Дар ин хусус ба АМИТ «Ховар» аз Кумитаи ҳифзи муҳити зисти назди Ҳукумати ҷумҳурӣ иттилоъ доданд.
Аз ҷониби КВДК «Хизматрасонии нақлиёти санитарии шаҳри Хуҷанд» аллакай 120 намуди чунин қуттиҳо дар кӯчаю маҳаллаҳои шаҳр гузошта шудаанд. Дар шаҳри Хуҷанд 175 нуқтаи партов бо 780 адад қуттӣ мавҷуд буда, ҳамарӯза аз ҷониби КВДК «Хизматрасонии нақлиёти санитарии шаҳри Хуҷанд» партовҳо бароварда мешаванд.
Инчунин КВДК «Хизматрасонии нақлиёти санитарии шаҳри Хуҷанд» ҳамарӯза дар хизмати шаҳрвандон ва идораву ташкилоти шаҳр қарор дошта, дар самти тозаву озода нигоҳ доштани шаҳри Хуҷанд аз тамоми имконият истифода менамоянд.
АКС аз Кумитаи ҳифзи муҳити зисти назди Ҳукумати Ҷумҳурии Тоҷикистон
МАНФИАТ ВА ХАВФҲОИ ИСТИФОДАИ ЗЕҲНИ СУНЪӢ. Мулоҳизаҳои профессор Сайфиддин Давлатзода дар ин мавзуъ
Дар вилояти Суғд ба фаъолони соҳаҳо мукофотҳои давлатии Ҷумҳурии Тоҷикистон супорида шуд
Имрӯз дар баъзе ноҳияҳои Тоҷикистон борони кӯтоҳмуддат меборад
ДАР ПАЙРАВӢ БА ИҚДОМИ ПЕШВОИ МИЛЛАТ. Ба хонандагони ятими шаҳри Роғун либоси мактабӣ ва лавозимоти хониш тақдим гардид
КИТОБ — МУФИДТАРИН ИХТИРОИ БАШАР. Имрӯз дар Тоҷикистон Рӯзи китоб аст
Сафири Тоҷикистон бо Вазири энергетика ва маъданҳои Салтанати Умон мулоқот намуд
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
