«Истиқлол» пас аз ғалаба бар дастаи «Файзканд»-и ноҳияи Восеъ ба зинаи аввали ҷадвали Лигаи олӣ баромад
ДУШАНБЕ, 20.08.2021 /АМИТ «Ховар»/. Дар бозии мавқуфмондаи даври панҷуми Чемпионати Тоҷикистон оид ба футбол миёни дастаҳои Лигаи олӣ дастаи футболи «Истиқлол»-и шаҳри Душанбе бар дастаи «Файзканд»-и ноҳияи Восеъ бо ҳисоби калони 4:0 ғалаба карда, ба ҷои аввали ҷадвали мусобиқа баромад. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.
Бозии дастаҳо 18 август дар Варзишгоҳи марказии ҷумҳуриявии шаҳри Душанбе хеле ҷолиб баргузор шуд. Алишер Ҷалилов дар охири нимаи аввал ҳисобро кушода, дар оғози нимаи дуюм голи дуюмашро зад. Ду тӯби дигарро Манучеҳр Сафаров вориди дарвозаи ҳариф намуд.
Ҳамин тариқ, пас аз ин вохӯрӣ дар ҷадвали чемпионат тағйирот ба амал омад. Дастаи футболи «Истиқлол»-и шаҳри Душанбе акнун бо 30 хол дар ҷои аввал қарор гирифт. Дастаи футболи «Хуҷанд»-и шаҳри Хуҷанд бо тафовути як хол (29) дар ҷои дуюм аст. Дастаи футболи «Истаравшан»-и шаҳри Истаравшан, ки 25 хол дорад, сегонаи аввалро ҷамъбаст мекунад.
Ёдовар мешавем, ки бозиҳои даври 16-уми Чемпионати Тоҷикистон оид ба футбол миёни дастаҳои Лигаи олӣ 20-21 август доир мешаванд. 20 август дастаҳои футболи КМВА-и шаҳри Душанбе бо «Хуҷанд»-и шаҳри Хуҷанд, «Хатлон»-и шаҳри Бохтар бо «Душанбе»-и шаҳри Душанбе, 21 август дастаҳои футболи «Кӯктош»-и ноҳияи Рӯдакӣ бо «Файзканд»-и ноҳияи Восеъ, «Равшан»-и шаҳри Кӯлоб бо «Эсхата»-и шаҳри Хуҷанд ва «Истиқлол»-и шаҳри Душанбе бо «Истаравшан»-и шаҳри Истаравшан байни ҳам вомехӯранд.
| ҶОЙ | ДАСТАҲО | Б | Ғ | М | Б | +/- | Х |
| 1 | ИСТИҚЛОЛ (ДУШАНБЕ) | 13 | 9 | 3 | 1 | +30 | 30 |
| 2 | ХУҶАНД (ХУҶАНД) | 14 | 9 | 2 | 3 | +15 | 29 |
| 3 | ИСТАРАВШАН (ИСТАРАВШАН) | 15 | 7 | 4 | 4 | +5 | 25 |
| 4 | ЭСХАТА (ХУҶАНД) | 15 | 7 | 2 | 6 | -3 | 23 |
| 5 | РАВШАН (КӮЛОБ) | 14 | 4 | 6 | 4 | 0 | 18 |
| 6 | ХАТЛОН (БОХТАР) | 15 | 4 | 5 | 6 | -7 | 17 |
| 7 | ДУШАНБЕ (ДУШАНБЕ) | 15 | 3 | 6 | 6 | -11 | 15 |
| 8 | КМВА (ДУШАНБЕ) | 15 | 3 | 6 | 6 | -5 | 15 |
| 9 | КУКТОШ (РӮДАКӢ) | 15 | 3 | 4 | 8 | -12 | 13 |
| 10 | ФАЙЗКАНД (ВОСЕЪ) | 15 | 3 | 4 | 8 | -12 | 13 |
АКС аз ФФТ
Соли 2025 варзишгарони Тоҷикистон аз мусобиқаҳои сатҳи байналмилалӣ 510 медал ба даст оварданд
Паралимпичиёни тоҷик бо 22 медал дар Ҷоми ҷаҳон оид ба армрестлинг ва пара-армрестлинг байни 25 давлат дар зинаи дуюм қарор гирифтанд
НИШАСТИ МАТБУОТӢ. Соли 2025 дар Тоҷикистон беш аз 11 ҳазор иншооти варзишӣ фаъолияти пурсамар намуданд
ФУТБОЛ. 5 феврал қуръакашии тақвими чемпионати Тоҷикистон-2026 баргузор мешавад
Варзишгарони Тоҷикистон дар Ҷоми ҷаҳон оид ба армрестлинг ва пара-армрестлинг 22 медал ба даст оварданд
Дастаи мунтахаби наврасони Тоҷикистон (U-17) оид ба футбол бо ҳамтоёнаш аз Ҳиндустон бозии дӯстона анҷом дод
Шаҳром Самиев фаъолияташро дар бошгоҳи футболи «Ал-Карма»-и Ироқ идома медиҳад
НИШАСТИ МАТБУОТӢ. Донишҷӯёни Донишкадаи тарбияи ҷисмонӣ аз мусобиқаҳои ҷумҳуриявию байналмилалӣ 446 медал ба даст оварданд
Дар Душанбе Мусобиқаи ҷумҳуриявӣ оид ба ҷиу-ҷитсу байни калонсолон баргузор гардид
Дастаи мунтахаби Тоҷикистон оид ба футзал иштирокашро дар Ҷоми Осиё-2026 ба анҷом расонид
Дар Клуби марказии варзишии Артиши Вазорати мудофиаи Тоҷикистон дастаи занона таъсис ёфт
Пагоҳ дар Душанбе Мусобиқаи ҷумҳуриявӣ оид ба ҷиу-ҷитсу байни калонсолон баргузор мешавад
