Марҳилаи дуюми Чемпионати Тоҷикистон оид ба футбол миёни дастаҳои Лигаи олӣ бо пирӯзии «Истиқлол» анҷом ёфт
ДУШАНБЕ, 30.08.2021 /АМИТ «Ховар»/. Бо баргузор шудани бозиҳои даври ҳаждаҳум 28-29 август марҳилаи дуюми Чемпионати Тоҷикистон оид ба футбол миёни дастаҳои Лигаи олӣ ба анҷом расид, хабар медиҳад шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон.
Дар даври ҳаждаҳум дастаи футболи «Хатлон»-и шаҳри Бохтар дар майдони худ бар дастаи «Эсхата»-и шаҳри Хуҷанд бо ҳисоби 1:0 пирӯз шуд. Голи ягонаро Саидшо Бозоров дар дақиқаи 77 ба нишон расонид.
Дар ду бозии дигар дастаҳои футболи «Душанбе»-и шаҳри Душанбе бар «Хуҷанд»-и шаҳри Хуҷанд ва «Равшан»-и шаҳри Кӯлоб бар «Истаравшан»-и шаҳри Истравшан бо ҳисоби якхелаи 2:1 зафар ёфтанд. Голҳои дастаи футболи «Душанбе»-и шаҳри Душанберо Парвизҷон Ҳамидов, Хуршед Абдуллоев, голҳои дастаи футболи «Равшан»-и шаҳри Кӯлобро Сафаралӣ Каримов ва Аваз Қамчинов ба дарвоза заданд.
Клуби марказии варзишии артиш (КМВА) дастаи футболи «Файзканд»-и ноҳияи Восеъро бо ҳисоби 1:0 мағлуб намуд. Голро Шарафҷон Солеҳов дар дақиқаи 31 аз пеналтӣ ба ҳадаф расонид. Дар бозии охирини давр дастаи футболи «Истиқлол»-и шаҳри Душанбе бар «Кӯктош»-и ноҳияи Рӯдакӣ бо ҳисоби калони 7:1 ғолиб омад. Алишер Ҷалилов ду гол, Амирбек Ҷӯрабоев, Шервонӣ Мабатшоев, Манучеҳр Ҷалилов, Салам Ашурмамадов ва Рустам Соиров якголӣ заданд.
Ҳамин тариқ, марҳилаи дуюми Чемпионати Тоҷикистон оид ба футбол миёни дастаҳои Лигаи олӣ бо пирӯзии дастаи футболи «Истиқлол»-и шаҳри Душанбе (39 хол) поён ёфт. Дастаи футболи «Истиқлол»-и шаҳри Душанбе ҳамчунин ду бозии анҷомнадода дар ихтиёр дорад. Дастаи футболи «Хуҷанд»-и шаҳри Хуҷанд бо 32 хол дар ҷои дуюм аст. Сегонаи аввалро дастаи футболи «Истаравшан»-и шаҳри Истаравшан (26 хол) ҷамъбаст мекунад.
Ёдовар мешавем, ки марҳилаи сеюми Чемпионати Тоҷикистон оид ба футбол миёни дастаҳои Лигаи олӣ 17 сентябр оғоз гардида, то 9 декабр идома меёбад. Дар даври 19-ум 17 сентябр дастаҳои футболи «Истаравшан»-и шаҳри Истаравшан бо «Файзканд»-и ноҳияи Восеъ, «Эсхата»-и шаҳри Хуҷанд бо КМВА-и шаҳри Душанбе, 18 сентябр дастаҳои футболи «Истиқлол»-и шаҳри Душанбе бо «Равшан»-и шаҳри Кӯлоб, «Хатлон»-и шаҳри Бохтар бо «Кӯктош»-и ноҳияи Рӯдакӣ, «Хуҷанд»-и шаҳри Хуҷанд бо «Душанбе»-и шаҳри Душанбе бо ҳам вомехӯранд.
| ҶОЙ | ДАСТАҲО | Б | Ғ | М | Б | Т-Т | Х |
| 1 | «Истиқлол» (Душанбе) | 16 | 12 | 3 | 1 | 50-7 | 39 |
| 2 | «Хуҷанд» (Хуҷанд) | 17 | 10 | 2 | 5 | 33-19 | 32 |
| 3 | «Истаравшан» (Истаравшан) | 18 | 7 | 5 | 6 | 21-19 | 26 |
| 4 | «Эсхата» (Хуҷанд) | 18 | 7 | 3 | 8 | 26-31 | 24 |
| 5 | КМВА (Душанбе) | 18 | 6 | 6 | 6 | 22-23 | 24 |
| 6 | «Равшан»(Кӯлоб) | 17 | 5 | 8 | 4 | 18-17 | 23 |
| 7 | «Хатлон» (Бохтар) | 18 | 6 | 5 | 7 | 18-24 | 23 |
| 8 | «Душанбе»(Душанбе) | 18 | 4 | 6 | 8 | 20-37 | 18 |
| 9 | «Файзканд» (Восеъ) | 18 | 4 | 5 | 9 | 13-24 | 17 |
| 10 | «Кӯктош» (Рӯдакӣ) | 18 | 3 | 5 | 10 | 22-42 | 14 |
АКС аз ФФТ
Дар ноҳияи Данғара фестивали бозиҳои миллӣ бо шукуҳи хосса баргузор шуд
Лигаи футболи Тоҷикистон дар остонаи мавсими нав барои комиссарон семинари омӯзишӣ баргузор кард
Дастаи мунтахаби Тоҷикистон оид ба футболи электронӣ нахустин маротиба дар мусобиқаи FIFAe Nations League иштирок мекунад
Дастаи миллии занонаи Тоҷикистон оид ба футбол бо тими Амороти Муттаҳидаи Арабӣ ду бозии дӯстона доир мекунад
Дастаи миллии занонаи Тоҷикистон оид ба футбол дар Душанбе ба машқҳои дастҷамъона фаро гирифта шуд
Дастаи мунтахаби наврасони Тоҷикистон (U-17) дар Ҷопон дар мусобиқаи байналмилалӣ иштирок кард
Дастаи мунтахаби наврасони Тоҷикистон (U-16) оид ба футбол дар «Ҷоми рушд-2026» ҷойи панҷумро соҳиб гардид
Дастаҳои футболи Тоҷикистон бо дастурҳои навшудаи доварон барои мавсими 2026 шинос шуданд
Дар Душанбе оид ба ҳуқуқҳои байналмилалии футбол ва идоракунии бошгоҳҳо машғулият баргузор гардид
Дастаи «Ҳулбук»-и Восеъ ғолиби Ҷоми Федератсияи футболи Тоҷикистон-2026 шуд
ҶОМИ ФФТ-2026. Имрӯз бозии финалии дастаҳои «Барқчӣ»-и Ҳисор ва «Ҳулбук»-и Восеъ доир мегардад
ФУТБОЛ. Дастаи мунтахаби наврасони Тоҷикистон дар мусобиқаи «Ҷоми рушд-2026» иштирок мекунад
