Маркази миллии тестӣ: Имсол шумораи ихтисосҳо дар заминаи таҳсилоти умумии синфи 11 даҳ адад зиёд шуд
ДУШАНБЕ, 03.08.2021 /АМИТ «Ховар»/. Шумораи умумии ихтисосҳо тибқи нақшаи қабули тасдиқгардида барои қабули донишҷӯён ба муассисаҳои таълимӣ дар заминаи таҳсилоти умумии синфи 11 соли равон 752 ададро ташкил медиҳад, ки нисбат ба соли гузашта 10-то зиёд мебошад.
Дар ин бора директори Маркази миллии тестии назди Президенти Ҷумҳурии Тоҷикистон Хуршед Икромӣ имрӯз зимни нишасти матбуотӣ ба хабарнигорон иттилоъ дод.
Аз шумораи умумии ихтисосҳои мазкур 177 адади он аз доираи муассисаҳои таълимии таҳсилоти миёнаи касбӣ ва 575 адади дигараш аз доираи муассисаҳои таълимии таҳсилоти олии касбӣ аст. Шумораи умумии комбинатсияи ихтисосҳое, ки тибқи нақшаи қабули тасдиқгардида барои қабули донишҷӯён ба муассисаҳои таълимӣ дар заминаи таҳсилоти умумии синфи 11-ум соли равон пешниҳод гардид, 3809-то буд, ки аз он 1260-тояш дар доираи муассисаҳои таълимии таҳсилоти миёнаи касбӣ ва 2549-тои дигараш дар доираи муассисаҳои таълимии таҳсилоти олии касбиянд. Шумораи умумии ихтисосҳое, ки тибқи нақшаи қабули тасдиқгардида барои қабули донишҷӯён ба муассисаҳои таълимии таҳсилоти миёнаи касбӣ дар заминаи таҳсилоти умумии асосии синфи 9-ум имсол пешниҳод гардид, 87 ададро ташкил дод, ки нисбат ба соли гузашта 8-то зиёд аст.
Дар нишаст гуфта шуд, ки шумораи умумии муассисаҳои таълимии миёнаи касбӣ соли равон нисбат ба соли гузашта 2-то зиёд гардид. Имсол ба низоми ИМД Коллеҷи тиббии шаҳри Бохтар (ғайридавлатӣ) ва Коллеҷи тиббӣ-иҷтимоии ноҳияи Данғара (ғайридавлатӣ) низ дохил гардиданд. Инчунин шумораи муассисаҳои таълимии таҳсилоти олии касбӣ аз ҳисоби Донишкадаи тиббии иҷтимоии Тоҷикистон (ғайридавлатӣ), ки дар заминаи Коллеҷи тиббии иҷтимоии шаҳри Душанбе (ғайридавлатӣ) таъсис дода шудааст, 1-то зиёд шуд.
Хуршед Икромӣ зикр намуд, ки дар ин давра барои иштирок дар ИМД-2021 ҷиҳати дохилшавӣ ба муассисаҳои таълимии таҳсилоти миёна ва олии касбӣ дар заминаи таҳсилоти миёнаи умумӣ- синфи 11-ум, ибтидоӣ ва миёнаи касбӣ ҳамагӣ 90016 нафар довталаб аз қайд гузаштанд, ки ин шумора нисбат ба соли 2020 6912 нафар ё 7,13 фоиз кам аст. Шумораи довталабони дорои таҳсилоти умумии асосӣ (синфи 9-ум) дар марҳалаи асосии бақайдгирӣ барои иштирок дар ИМД-2021 номнависшуда ба 11 909 нафар баробар аст, ки ин шумора нисбат ба соли 2020 1892 нафар зиёд мебошад.
АКС аз АМИТ «Ховар»
Ҳайати Бонки ҷаҳонӣ бо татбиқи лоиҳаи «Беҳтар намудани хизматрасонии тиббӣ» дар вилояти Суғд шинос шуд
ОГОҲИИ АГЕНТИИ ОБУҲАВОШИНОСӢ: 21-22 октябр дар Тоҷикистон ҳаво номусоид шуда, борон ва дар доманакӯҳҳо барф меборад
Маликшо Неъматзода зимни сафар ба Бадахшон бо татбиқи ҷамъиятии қонунгузории меҳнат шинос шуд
Вазорати тандурустии Тоҷикистон аз татбиқи муваффақонаи ислоҳоти маблағгузорӣ дар соҳаи тандурустӣ хабар дод
Татбиқи «Лоиҳаи фавқулодаи муқовимат ба вируси COVID-19 дар Тоҷикистон» мавриди баррасӣ қарор гирифт
Мушкилоти муҳоҷирони тоҷик дар деҳаи Шубини шаҳри Воронежи Федератсияи Русия ҳал гардид
15 октябр — Рӯзи умумиҷаҳонии мубориза бо саратони ғадуди ширӣ. 90 фоизи гирифторони ин бемориро занҳои аз 40-сола боло ташкил медиҳанд
Дар Тоҷикистон мехоҳанд Шӯрои ҷамъиятӣ оид ба ҳуқуқи маъюбон таъсис диҳанд
Риояи тозагӣ зиндагии мардумро бароҳат, гуворо ва бехатар мегардонад. 15 октябр — Рӯзи умумиҷаҳонии дастони тоза
Ваколатдор оид ба ҳуқуқи инсон аз муассисаи ислоҳии ЯС 3/1-и Сарраёсати иҷрои ҷазои ҷиноятии Вазорати адлия дидан намуд
Дар ноҳияи Кӯшониён бинои анбори маҳсулоти ғайриозуқа барои аҳолии аз офати табиӣ зарардида ифтитоҳ ёфт
Ҳазорон нафар шаҳрвандони Тоҷикистон дар Русия ба «афви муҳоҷиратӣ» дохил шудаанд
