Мулоқоти муовини Вазири тандурустӣ ва ҳифзи иҷтимоии аҳолӣ Шодихон Ҷамшед бо кормандони соҳаи тибби ВМКБ
ХОРУҒ, 10.08.2021 /АМИТ «Ховар»/. 9 август муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Шодихон Ҷамшед дар толори калони мақомоти иҷроияи ҳокимияти давлатии шаҳри Хоруғ бо сардори идораву муассисаҳои шаҳр ва як гурӯҳи мутахассисони соҳаи тибби Вилояти Мухтори Кӯҳистони Бадахшон доир ба пешгирӣ ва табобати бемории Ковид- 19 мулоқот намуд.
Гуфта шуд, ки аз нимаи дуюими моҳи июни соли равон ин бемории ҳамагир бо штами навъи «Делта плюс» паҳн гардид, ки бо фарқ аз намудҳои қаблӣ наврасону ҷавонон низ ба он гирифтор мешаванд.
«Мутаассифона то имрӯз дар ҷаҳон ягон навъи дору барои табобати ин беморӣ ихтироъ нашудааст ва ягона роҳи наҷот аз бемории мазкур сари вақт эмгузаронии аҳолӣ аст. Ҳамчунин истифода аз ниқоб дар ҷойҳои чамъиятӣ, маҳлулҳои зиддисептикӣ, риояи фосилаи иҷтимоӣ ва қоидаҳои беҳдоштӣ ҳамоно муассир боқӣ мемонанд. Дар давоми камтар аз як моҳ бо саъю талоши бахусус ҳамшираҳои шафқат 34 ҳазор нафар воксин гирифтанд», — иброз дошт ӯ.
Шодихон Ҷамшед ба ҳамшираҳои шафқат барои хизмати софдилонаву содиқонаашон дар маъракаи эмкунӣ изҳори сипос намуда, гуфт, ки дар ноҳияи Роштқалъа танҳо як нафар ҳамшираи шафқат 150 нафар сокинони деҳот ва дар ноҳияи Рӯшон бошад як ҳамшираи шафқат 92 нафарро воксин задааст, ки ин баробар ба кори кормандони як шуъбаи беморхона аст.
Раиси вилоят Ёдгор Файзов гуфт, ки дар давоми ҳамагӣ ду сол барои таъмиру азнавсозии муассисаҳои табобатии вилоят ҳукумати ҷумҳурӣ 129 миллион сомонӣ ихтисос дод ва аксари беморхонаҳои ноҳиявӣ бо таҷҳизоти муосири тиббӣ таъмин гардиданд. То охири ҳамин сол дар ноҳияи Ишкошим беморхонаи дорои 20 кат ба истифода дода мешавад. Дар ояндаи наздик Вазорати тандурустӣ ва ҳифзи иҷтимоии аҳолӣ модули нав ба маблағи 4,5 миллион доллар барои муассисаҳои тиббӣ дастрас мекунад.
Ҳарчанд беморхонаву марказҳои саломатӣ сол аз сол бештар бо таҷҳизоти муосири тиббӣ ҷизонида мешаванд, аммо норасоии мутахассисони соҳаи тиб ба назар мерасанд. Ҳоло Маркази давлатии санитарию эпидемологии вилоят ба 22 мутахассис ниёз дорад. Ҳамчунин дар муассисаҳои табобатӣ рентгенологу равоншиносу табиби оилавӣ намерсанд. Ҳарчанд ҳамасола даҳҳо нафар зодагони вилоят донишгоҳу коллеҷҳои тиббиро хатм мекунанд, аммо ба зодгоҳи худ барнамегарданд. Ба мақомоти иҷроияи ҳокимияти давлатии шаҳру ноҳияҳои вилоят зарур аст, ки роҳҳои ҳалли ин масъаларо ҷӯё шаванд.
Муовини Вазири тандурустӣ ва ҳифзи иҷтимоии аҳолии ҷумҳурӣ пас аз мулоқот бо вазъи таъмиру таҷдиди бинои маркази саломатии шаҳр, толори варзишии коллеҷи тиббӣ ва омодагии муассисаҳои тиббии вилоят ба фасли зимистон аз наздик шинос шуд.
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
Рӯзи Модар рамзи эҳтиром ва қадршиносии махсуси давлату ҳукумати Тоҷикистон нисбат ба Зан-Модар мебошад
