Пахши мусиқӣ ва садои занон дар расонаҳои Қандаҳор манъ шуд

Август 30, 2021 17:39

ДУШАНБЕ, 30.08.2021/АМИТ «Ховар»/. Бино ба гузоришҳои расонаҳои маҳаллии Афғонистон, гурӯҳи Толибон* бо пахши як баёния ба телевизион ва радио дар вилояти Қандаҳор дар ҷануби кишвар талаб кардааст, ки дигар мусиқӣ ва садои овозхонҳои зан дар расонаҳо пахш нашаванд, менависад имрӯз хабарнигори АМИТ «Ховар» Тоҷиддин РИЗВОН.

Вазорати иттилоот ва фарҳанги вилояти Қандаҳор рӯзи якшанбеи 29 август тасдиқ кард, ки Толибон тибқи як фармони нав мусиқӣ ва ҳатто барномаҳои занонро манъ кардаанд.

Қаблан сухангӯи Толибон Забеҳуллоҳ Муҷоҳид ба New York Times гуфта буд, ки мусиқӣ дар ислом мамнӯъ аст, аммо изҳори умедворӣ кард, ки ба ҷои фишор овардан ба шаҳрвандон онҳоро водор хоҳад кард, то аз мусиқӣ даст кашанд.

Дар ҳамин ҳол, аъзои Толибон* рӯзи шанбе (28 август) дар ноҳияи Андроби вилояти Бағлон ҳунарманди маҳаллӣ Фавад Андарабиро паррондаанд. Гуфта мешавад, ки ӯ аввал аз ҷониби ҷангиёни Толибон* асир гирифта, сипас  ба қатл расонида  шудааст.

Ҳамчунин толибон*  чанде пеш яке аз ҳаҷвнигорони вилоят Хоша Ҷавонро пас аз тасарруфи шаҳри Қандаҳор дар ҷануби Афғонистон ба қатл расонданд, ки вокунишҳои густардаеро дар Афғонистон ба вуҷуд овард.

Маҳдуд кардани пахши расонаҳо дар вилояти Қандаҳор бори дигар хотирахои солҳои 1996 то 2001 -ро барои шаҳрвандони Афғонистон зинда кард. Он замон Толибон* занонро аз гӯш кардани мусиқӣ ва кор манъ карда буданд.

                                 АКС аз манбаъҳои боз

_______________________________

 *Толибон – ҳаракати террористии мамнуъ дар Тоҷикистон

Август 30, 2021 17:39

Хабарҳои дигари ин бахш

БЕҲТАРИНИ БЕҲТАРИНҲО. Шумораи гирандагони стипендияи Президентӣ ба 3000 нафар расонида шуд
Дар Душанбе маросими ҷоизасупорӣ дар соҳаи кор бо ҷавонон дар соли 2021 баргузор гардид
КҲФ ва МГ: Дар роҳи мошингарди Рашт – Сангвор тарма фаромада, талафот ва хисорот ба қайд гирифта нашудааст
Дар ноҳияи Вахш сохтмони Мактаб-интернати кӯдакони ятиму бепарастор ҷараён дорад
IRS: Ҳаракати воситаҳои нақлиёт дар роҳи мошингарди Душанбе-Чанок таъмин аст
Дар Хатлон масъалаҳои муҳоҷирати меҳнатӣ баррасӣ шуданд
IRS: Ҳаракати воситаҳои нақлиёти сабукрав аз Хуҷанд ба самти Душанбе таъмин гардид
ҲУШДОРИ КҲФ ВА МГ: Аз худсарона ва бе риояи қоидаҳои бехатарӣ кандани ангишт дар конҳо худдорӣ намоед!
Дар Суғд аксияи «Тозагии соҳил» гузарониданд
IRS: Ҳаракати тамоми намуди нақлиёт аз тариқи роҳи Душанбе-Чаноқ боздошта шуд
Соли 2022 будубоши шаҳрвандони хориҷӣ дар Русия дар доираи қонунҳои амалкунандаи ин кишвар амалӣ гардонида мешавад
АГЕНТИИ ОБУҲАВОШИНОСӢ: Дар Тоҷикистон дар панҷ рӯзи аввали соли нав дар водиҳо бориши борон ва дар кӯҳҳо барф дар назар аст