Пешсафони ҲХДТ дар вилояти Хатлон ба шаҳрҳои Душанбе ва Норак саёҳат карданд

Август 9, 2021 14:31

ДУШАНБЕ, 09.08.2021 /АМИТ «Ховар»/. Бо ташаббуси Кумитаи иҷроияи Ҳизби Халқии Демократии Тоҷикистон (КИ ҲХДТ) дар вилояти Хатлон бахшида ба 30-солагии Истиқлоли давлатии Ҷумҳурии Тоҷикистон ва  Солҳои рушди деҳот, сайёҳӣ ва ҳунарҳои мардумӣ, саёҳати  кормандони пешсафи кумитаҳои иҷроияи ҳизбии шаҳру ноҳияҳои вилояти Хатлон ба минтақаҳои дилрабои шаҳрҳои Норак ва Душанбе сурат гирифт.  Дар ин бора аз шуъбаи иттилоот ва матбуоти  КИ ҲХДТ дар вилояти Хатлон ба АМИТ «Ховар» хабар доданд.

Сараввал кормандони ҳизбӣ аз Боғи Анори шаҳри Норак дидан намуда,   оид ба таърихчаи боғи мазкур маълумот гирифтанд. Дар идома кормандони ҳизбӣ ба НБО «Норак» ташриф оварда, оид ба ин иншооти бузург ва мавзеи дилпазир таассуроти хоса бардоштанд.

Мудири шуъбаи таблиғот ва иттилооти Кумитаи иҷроияи ҲХДТ дар ноҳияи Панҷ Сайдамир Ғафуров аввалин бор аст, ки ба шаҳри Норак сафар кардааст.

Ӯ мегӯяд,   аз зебогиҳои шаҳр хушам омад ва мехоҳам, ки дар оянда низ чунин саёҳатҳо бештар ташкил карда шаванд. «Ташаккур ба ташкилкунандагони ин саёҳат, зеро солҳост, ки орзуи дидани ин мавзеъҳоро доштам. Дар доираи ин сафар чанд дӯсти дигар низ пайдо кардам. Дар ин сафар истироҳати хуб доштем, рӯҳияаамон болида шуд ва албатта ин дар фаъолияти кориямон таъсири мусбат хоҳад дошт», — гуфт С. Ғафуров.

Мисли ӯ чандин ҷавони дигар низ мунтазири чунин саёҳат буданд, ки  ҳамакнун ба орзуяшон расиданд.


Дар идома саёҳати кормандони ҳизбӣ ба шаҳри Душанбе сурат гирифт. Аҳли гурӯҳ мавзеи назаррабои «Кохи Наврӯз», Боғи Ҷавонон ва Боғи Ирам-ро тамошо карданд.

Сайёҳат  дар ҷойҳои тамошобоби шаҳрҳои Душанбе ва Норак бо як ҷаҳон таассуроти нек сипарӣ гардид.

Хотиррасон мекунем, ки дар хатсайри сайёҳӣ онҳое сафарбар шуданд, ки дар шашмоҳаи соли равон тибқи назарсанҷии ҳизбӣ пешсафӣ доштанд. Роҳбарияти КИ ҲХДТ дар вилояти Хатлон  минбаъд низ баҳри ҳавасмандии пешсафон чунин имкониятҳоро роҳандозӣ хоҳанд кард.

 

 

АКСҲО аз КИ ҲХДТ дар вилояти Хатлон

Август 9, 2021 14:31

Хабарҳои дигари ин бахш

Дар Москва ба муносибати 25-солагии таъсиси Ташкилоти заминавии кор бо забонҳо ва фарҳангҳои кишварҳои ИДМ чорабинӣ баргузор гардид
Дар шаҳри Гулистон Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз ёфт
35-СОЛАГИИ ИСТИҚЛОЛИ ДАВЛАТӢ. Дар ҷамоатҳо ва шаҳраки ноҳияи Мурғоб иншооти ҷашнӣ бунёд мешаванд
Дар вилояти Хатлон Фестивали ҷумҳуриявии «Ҳафтаи китоби кӯдакону наврасон» оғоз гардид
Имрӯз дар Тоҷикистон Рӯзи байналмилалии китоб таҷлил мегардад
Дар Душанбе Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз мегардад
Сарвари давлат Эмомалӣ Раҳмон бо фаъолони соҳаи саноати вилояти Суғд мулоқот намуданд
Пешвои миллат Эмомалӣ Раҳмон дар ноҳияи Бобоҷон Ғафуров ба сохтмони корхонаи ғанигардонии маъдани оҳани ҶСП «Комбинати металлургии тоҷик» санги асос гузоштанд
Масъалаи баргузории Рӯзҳои фарҳанги Ҷумҳурии Тоҷикистон дар Ҷумҳурии Қирғизистон баррасӣ шуд
Аъҷубасозӣ як бахши ҳунари кулолӣ ва сохтани бозичаҳо аз гилу сафол мебошад
Бинои Маркази таъминоти бехатарии озуқаворӣ дар шаҳри Конибодом навсозӣ мегардад
Президенти Тоҷикистон Эмомалӣ Раҳмон дар ноҳияи Бобоҷон Ғафуров корхонаи парандапарварии ҶДММ «Саховат»-ро ифтитоҳ намуданд