Шумораи андозсупорандагоне, ки эъломияҳояшонро ба таври электронӣ пешниҳод мекунанд, 5,2 ҳазор адад зиёд шудааст
ДУШАНБЕ, 01.08.2021 /АМИТ«Ховар»/. Дар шашмоҳаи якуми соли 2021 шумораи андозсупорандагоне, ки эъломияҳои худро ба тариқи электронӣ пешниҳод менамоянд, 5,2 ҳазор адад зиёд шуда, дар айни замон зиёда аз 144,5 ҳазор субъектҳои хоҷагидор эъломияҳои худро тариқи электронӣ пешниҳод намуда истодаанд. Барои ба ин тартиб гузаронидани андозсупорандагони боқимонда тадбирҳои иловагӣ андешида мешаванд. Дар ин бора 30 июл зимни нишасти матбуотӣ Раиси Кумитаи андози назди Ҳукумати Ҷумҳурии Тоҷикистон Нусратулло Давлатзода ибрози назар намуд.
Бо мақсади бештар ва беҳтар намудани хизматрасониҳои электронӣ аз ҷониби Кумитаи андоз портали хизматрасониҳои электронӣ васеъ карда шуда, дар айни замон барои андозсупорандагон 63 адад модулҳои хизматрасонӣ ба роҳ монда шудаанд, ки нисбат ба аввали соли равон 7 адад зиёд аст. Истифодаи онҳо барои сода ва осон намудани иҷрои уҳдадориҳои андозӣ аз ҷониби субъектҳои хоҷагидор мусоидат менамояд.
Нусратулло Давлатзода иброз дошт, ки дар натиҷаи тадбирҳои зиёди аз ҷониби мақомоти андоз андешидашуда маблағи бақияпулиҳои андозӣ давра ба давра коҳиш ёфта истодааст. Бақияи қарзи андозҳо ба ҳолати 1 июли соли 2021 дар маҷмӯъ 783,6 млн. сомониро ташкил медиҳад, ки нисбат ба 1 январи соли 2021 ба андозаи 100,5 млн. сомонӣ кам мебошад.
Ҷиҳати пешгирии зиёдшавӣ ва тибқи тартиби муқарраршудаи маҷбуран рўёнидани маблағи бақияи қарзи андозҳо, дар ин давра аз ҷониби мақомоти андоз нисбат ба андозсупорандагони қарздор 6550 адад қарорҳо оид ба маҷбуран ситонидани андозҳо ба маблағи 619 млн. сомонӣ қабул карда шуда, аз ин ҳисоб ва аз ҳисоби қарорҳои соли 2020 қабулгардида дар маҷмӯъ ба буҷет 550 млн. сомонӣ ворид карда шуд. Ин нисбат ба маблағҳои дар ҳамин давраи соли гузашта воридшуда 139,3 млн. сомонӣ зиёд буда, дар ин самт тадбирҳои иловагӣ андешида шуда истодаанд.
АКС: АМИТ «Ховар»
Дар Агентии инноватсия ва технологияҳои рақамӣ масъалаҳои зеҳни сунъӣ ва амнияти рақамӣ баррасӣ шуданд
Ҳамкории стратегӣ дар самти ҷалби сармоягузории устувор ва маблағгузории иқлимӣ тақвият меёбад
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
Дар Душанбе татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» баррасӣ гардид
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
