Тоҷикистон аз Олмон 100800 воя ваксинаи «AstraZeneca» мегирад
ДУШАНБЕ, 11.08.2021 /АМИТ «Ховар»/. Рӯзҳои наздик миқдори зиёди ваксинаи зидди коронавирус аз ҷониби Олмон ба панҷ кишвар фиристода мешавад. Тавре АМИТ «Ховар» хабар медиҳад, сухан дар мавриди ваксинаи «AstraZeneca» меравад.
Сухангӯи ҳукумати федералии ин кишвар гуфт, ки Афғонистон 213600 воя, Эфиопия 271200 воя, Судон 357600 воя , Тоҷикистон 100800 ва Узбекистон 355200 воя ваксина мегиранд. Гуфта мешавад, ки ин кишварҳо ба ваксина ниёз доранд. Мувофиқи маълумоти СҶТ, дар ин кишварҳо эҳтиёҷ ба ваксина махсусан зиёд аст. Онҳо акнун метавонанд аз ин ваксина мустақиман дар барномаҳои эмгузаронии худ истифода кунанд.
Тавре АМИТ «Ховар» дирӯз хабар дод, Олмон барои рафъи пандемия ба кишварҳои рӯ ба тараққӣ 30 миллион вояи ваксинаи коронавирус тақдим кард. Дар ин бора 9 август зимни нишасти хабарӣ намояндаи Девони Вазирони Олмон Улрике Деммер изҳор дошт.
«Тавре шумо медонед, Олмон 21 май дар Саммити ҷаҳонии тандурустӣ эълом дошт, ки то охири сол, пеш аз ҳама, ба кишварҳои рӯ ба тараққӣ, ҳадди аққал 30 миллион воя ваксина медиҳад», — гуфт ӯ.
«Олмон ин вояҳоро асосан тавассути ташаббуси COVAX интиқол дод», — афзуд Деммер.
Ба гуфтаи ӯ, сухан дар бораи ваксинаи ширкати «AstraZeneca» меравад, ки акнун ба Афғонистон, Судон, Тоҷикистон, Узбекистон ва Эфиопия ворид мегардад.
COVAX механизми байналмилалӣ аст, ки СҶТ дар ҳамкорӣ бо Иттиҳоди ҷаҳонии ваксинаҳо ва иммунизатсия ва эътилофи навовариҳо барои омодагӣ ба эпидемия баровардааст. Он таъсиси иқтидори истеҳсолиро дастгирӣ мекунад ва харидро анҷом медиҳад. Дар мувофиқа бо шартҳои барномаи кишварҳои пешрафта барои хариди ваксинаҳо ба давлатҳои дар ҳоли рушдбуда, пардохт мекунанд. Тибқи нақшаҳо, то охири соли 2021 бояд 2 миллиард вояи ваксинаҳо истеҳсол ва ба тамоми ҷаҳон баробар тақсим карда шавад.
АКС аз news1.ru
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
Пешвои миллат: ««Чаҳорчӯби Душанбе барои об» муҳаррики пешбурди Рӯзномаи ҷаҳонии об пас аз соли 2030 хоҳад шуд»
Президенти Тоҷикистон: «Талаботи ҷаҳон ба оби ошомиданӣ то соли 2050 ҳадди ақалл 25 фоиз зиёд мешавад»
РАВАНДИ ОБИ ДУШАНБЕ. Ба Конфронси чоруми оби Душанбе беш аз 150 волонтёри ҷавон ҷалб гардидааст
ТАЪРИХ ГУВОҲ АСТ… Эҳдо ба 35-солагии Истиқлоли давлатии Ҷумҳурии Тоҷикистон
Стратегияи рушди соҳаи алоқа, барномаҳои давлатӣ ва омодагӣ ба 35-солагии Истиқлоли давлатӣ дар маҷлиси Ҳукумат баррасӣ гардид
Президенти Тоҷикистон аз афзоиши тӯфонҳои чанголуд дар минтақаи Осиёи Марказӣ изҳори нигаронӣ намуданд
ТАШАББУСҲОИ МОНДАГОРИ ПЕШВОИ МИЛЛАТ ДАР ШИНОХТ ВА МУАРРИФИИ ТАЪРИХУ ТАМАДДУНИ ОРИЁӢ
Меҳрномаи як ҳамзабон ба Пешвои тоҷикони ҷаҳон Эмомалӣ Раҳмон
ПАРЧАМИ НАНГУ НОМИ МО. Аз барафрохтани Парчами давлатии Тоҷикистон дар шаҳри Душанбе 14 сол сипарӣ гардид
