ВАКСИНА – ВОСИТАИ ПАСТ КАРДАНИ ШИДДАТИ БЕМОРИИ COVID-19. Дар Душанбе маъракаи эмкунии аҳолӣ бар зидди бемории коронавирус 77% иҷро гардид

Август 18, 2021 19:44

ДУШАНБЕ, 18.08.2021/АМИТ «Ховар»/. Маъракаи эмкунӣ зидди бемории коронавируси COVID-19 миёни аҳолии шаҳри Душанбе 77% иҷро гардид.  Дар ин бора имрӯз ба АМИТ «Ховар»  дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд.

Гуфта мешавад, ки маъракаи эмкунӣ бар зидди каронавирус дар саросари  мамлакат дар сатҳи баланд ҷараён дорад.  Ба ҳолати шоми 17 августи соли ҷорӣ дар ҳудуди Ҷумҳури Тоҷикистон 1 миллиону 755 ҳазору 958 нафар шаҳрвандон ё 29,5% аҳолӣ ваксина, ҷумла беш аз 212 ҳазор нафар онҳо вояи дуюми  ваксинаро гирифтаанд.

Тавре қаблан хабар дода будем,  аз давраи хуруҷи бемории каронавируси COVID-19 бо талошҳои пайвастаи Ҳукумати Ҷумҳурии Тоҷикистон  ҷиҳати  ҳифзи аҳолӣ аз гирифторӣ ба бемории болозикр 4 миллиону 160 ҳазору 740 воя ваксина вориди  кишвар гардонида шуда, иқдомоти амалӣ дар ин самт идома доранд.

Маврид ба зикр аст, ки имрӯзҳо аксари сокинони мамлакат бо масъулияти баланд баҳри ҳифзи саломатии худ ва наздиконашон ба муассисаҳои тандурустии маҳалли зисти хеш муроҷиат намуда, ваксина  мегиранд ва аз ғамхориҳои пайвастаи Ҳукумати кишвар ҷиҳати саривақт дастрас намудани ваксинаи зидии бемории каронавирус сипосгузории хешро иброз медоранд.

Хотиррасон мешавем, ки тибқи қарори Ситоди ҷумҳуриявӣ оид ба пурзӯр намудани чораҳои зиддиэпидемиявӣ ва пешгирӣ аз интиқолу паҳншавии бемории сироятии COVID-19 дар Ҷумҳурии Тоҷикистон, ки санаи 3 июл ба нашр расид, ваксинаи зидди бемории сироятии коронавирус барои шаҳрвандони синни аз 18-сола боло ҳатмӣ мебошад. Ба ақидаи мутахассисони соҳа, алҳол ваксина ва тадбирҳои пешгирикунанда – пӯшидани ниқоби тиббӣ, пайваста шустани дастҳо,  риояи масофаи байни ҳамдигар  аз роҳҳои асосии паст кардани шиддати ин бемории фарогир мебошанд.

Нафароне, ки то ҳол ваксинаи зидди бемории сироятии коронавирус нагирифтаанд, бояд ҳатман ба табибони оилавӣ ва ё ба муассисаҳои тандурустии маҳали зисташон муроҷиат намоянд. Ваксина ба шаҳрвандони мамлакат тариқи ройгон гузаронида мешавад.

Бояд тазаккур дод, ки аз рӯйи омори расмӣ нисбат ба аввали моҳ чанд рӯзи охир теъдоди ками сирояти шаҳрвандон ба назар мерасад. Тавре АМИТ «Ховар» имрӯз бо истинод ба маркази матбуоти Вазорати тандурустӣ ва ҳифзи иҷтимоии аҳолии Ҷумҳури Тоҷикистон хабар дод, давоми шабонарӯзи охир дар Тоҷикистон 52 ҳолати нави гирифторшавии шаҳрвандон ба бемории коронавируси нави COVID-19 сабт гардида, 76 нафар пас аз муоилиҷа солим гардонида шуданд.

Дар маҷмӯъ, аз аввали бақайдгирӣ то имрӯз, 18 август дар кишвар 16275 нафар гирифторони сирояти коронавируси нави COVID-19 ба қайд гирифта шуда, аз ин шумора то санаи зикргардида 15972 нафар (98,1%) шифо ёфтаанд. Ҳамзамон, бар асари бемории мазкур 124 нафар фавтидаанд.

                                       АКС: Вазорати тандурустӣ ва ҳифзи иҷтимоии аҳолии ҶТ

Август 18, 2021 19:44

Хабарҳои дигари ин бахш

Дар ҷаҳон беш аз 255 миллион нафар ба коронавирус мубтало шудаанд
Шабонарӯзи охир дар Тоҷикистон ягон ҳолати нави гирифторшавӣ ба COVID-19 ба қайд гирифта нашуд
ФОТЕҲИ ҚУЛЛАИ ОРМОНҲОИ МИЛЛАТ. Ва ё таҷрибаи сулҳофарии Президенти Тоҷикистон чун намунаи нодир шинохта шудааст
Ш. Исматуллозода: Сарвари давлати тозаистиқлоли Тоҷикистон интихоб шудани Эмомалӣ Раҳмон пас аз Истиқлолият дуюмин воқеаи сарнавиштсоз дар таърихи миллати тоҷик аст
ИҶЛОСИЯИ XVI ШӮРОИ ОЛӢ — РАВШАНГАРИ ФАРДОИ ДУРАХШОН. Андешаҳои мушовири калони Ҳаракати ваҳдати миллӣ ва эҳёи Тоҷикистон дар суҳбат бо АМИТ «Ховар»
МАХСУСИЯТ ВА МАҲБУБИЯТИ ПЕШВО. Суҳбати АМИТ «Ховар» бо дотсенти кафедраи ДМТ оид ба дипломатия ва сиёсати хориҷии Тоҷикистон бахшида ба Рӯзи Президент
ҲИДОЯТҲОЕ, КИ РАҲНАМУНИ ПИРӮЗИҲО ШУДАНД. Эҳдо ба Рӯзи Президент
ТУЛӮИ ХУРШЕДИ БАХТ. Пешвои миллати тоҷик Эмомалӣ Раҳмон имрӯз дар саросари сайёра ҳамчун ходими барҷастаи сиёсию давлатии сатҳи ҷаҳонӣ эътироф гардидаанд
М. Сафолзода: «Иқдомоти созандаи Президенти Тоҷикистон дар ҷустуҷӯи роҳҳои нави бурунрафт аз қазияи Афғонистон босамар, мубрам ва прагматикианд»
РӮЗИ ПРЕЗИДЕНТ — ҶАШНИ ИФТИХОР ВА ИХЛОСМАНДӢ. Андешаҳои профессор Муҳаммад Абдураҳмон дар ин маврид
Шабонарӯзи охир дар Тоҷикистон ягон ҳолати нави гирифторшавӣ ба COVID-19 ба қайд гирифта нашуд
ҲХДТ ба беморхонаи клиникавии вилояти Суғд маводи дорувории зиддивирусӣ ва ниқоби муҳофизатӣ кумак намуд