Ато Муҳаммади Нур номҳои террористони асосии Осиёи Марказиро расонаӣ менамояд

Сентябрь 13, 2021 09:39

ДУШАНБЕ, 13.09.2021 /АМИТ «Ховар»/. Волии собиқи  Балх, яке аз роҳбарони ҳизби Ҷамъияти исломии Афғонистон Ато Муҳаммади Нур рӯйхати пешвоёни гурӯҳҳои террористӣ дар Осиёи Марказиро тартиб додааст, хабар медиҳад агентии русии «Sputnik» дирӯз, 12 сентябр. 

Ба он тақрибан 40 нафар ҷонибдорони созмонҳои мухталифи мамнӯъ бо номҳои бофта шомиланд. Ато Нур тасмим гирифт, ки ин рӯйхатро дар остонаи нишасти Созмони Ҳамкории Шанхай (СҲШ), ки 16-17 сентябр дар Душанбе баргузор мешавад, муаррифӣ кунад.

Ҳамин тариқ, ба ин рӯйхат аъзои чунин гурӯҳҳо, ба монанди Ҳаракати Исломии Узбекистон*, «Ҳаракати исломии Туркистони Шарқӣ»*, «Ҷамоати Ансоруллоҳ»* ва инчунин Давлати Исломӣ *шомиланд. Ҷангҷӯёни ин созмонҳо дар баробари “Ал-Қоида” бо Толибон*, ки ҳоло қудратро дар Афғонистон ба даст овардаанд, ҳамкорӣ мекунанд. «Бигузор ҳамаи кишварҳои ҷаҳон бидонанд, ки толибон ин одамонро «бародарони исломӣ» меноманд»,- гуфт Ато Нур. Вай зикр кард, ки даст кашидан аз ҳамкорӣ бо гурӯҳҳои террористӣ масъулияти асосии “Толибон”* дар назди ҷомеаи ҷаҳонӣ мебошад. Аммо, радикалҳое, ки ба сари қудрат омадаанд, ба даъвати дигар давлатҳо посух намедиҳанд.

Ба гуфтаи сиёсатмадор, роҳбарони ин созмонҳо дар вилояти Бадахшони Афғонистон ҷойгиранд. Ва роҳбари асосии гурӯҳҳо шаҳрванди Қазоқистон, намояндаи «Ҳаракати исломии Туркистони Шарқӣ»* Ҳоҷӣ-Фурқон аст.

Қаблан полковники мустаъфӣ Маҳдӣ Собир дар суҳбат бо “Sputnik“ гуфта буд, ки созмонҳои дар боло зикршуда «ҳуҷайраҳои террористии хуфта» ҳастанд, ки бо фармони толибон метавонанд ба амнияти кишварҳои Осиёи Марказӣ таҳдид кунанд.

____________________________________

*Ташкилоти террористие, ки дар Тоҷикистон ва дигар кишварҳо манъ карда шудаанд

АКС: © facebook/Ато Муҳаммад Нур

 

Сентябрь 13, 2021 09:39

Хабарҳои дигари ин бахш

Ҷавонон бояд қарзи шаҳрвандӣ — таҳсили илму дониш ва саҳмгузорӣ дар пешрафти Ватанро софдилона иҷро намоянд
Тоҷикистон дар мубориза бо қочоқ ва муомилоти ғайриқонунии маводи нашъаовар нақши калидӣ дорад
Ҳайати Тоҷикистон дар чорабиниҳои канорӣ дар доираи иҷлосияи 67-уми Комиссияи Созмони Милали Муттаҳид оид ба воситаҳои нашъадор иштирок намуд
Дар Вена ҳамкории Тоҷикистон бо Чин ва Эрон дар мубориза бо муомилоти ғайриқонунии маводи нашъадор баррасӣ шуд
Ҷаласаи гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Ҳайати Тоҷикистон дар чорабинии канории Қазоқистон дар Вена иштирок намуд
Дар Вена оид ба сиёсати зиддимухаддиротии Ҷумҳурии Тоҷикистон маълумот дода шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир гардид
Тарбияи ватандӯстӣ — омили муттаҳидии миллат дар мубориза бар зидди ифротгароӣ ва хурофотпарастӣ
Ҳайати Тоҷикистон дар иҷлосияи 67-уми Комиссияи Созмони Милали Муттаҳид оид ба воситаҳои нашъадор дар Вена иштирок дорад
14 МАРТ-ИДИ КАСБИИ КОРМАНДОНИ ПРОКУРАТУРА. Давоми 32 сол фаъолияти ин ниҳоди давлатӣ ба таври назаррас тақвият ёфт
Эмомалӣ Раҳмон: «Хурофот хатарест, ки ба имрӯзу ояндаи Тоҷикистон ва минтақа таҳдиди ҷиддӣ дорад»