Дар Душанбе ҷаласаи Гурӯҳи корӣ оид ба маблағгузории Стратегияи миллии Рушд ва Ҳадафҳои рушди устувор доир гардид
ДУШАНБЕ, 01.09.2021 /АМИТ «Ховар»/. Дар шаҳри Душанбе ҷаласаи якуми Гурӯҳи кории байниидоравӣ оид ба маблағгузории Стратегияи миллии Рушд /СМР/ барои то соли 2030 ва Ҳадафҳои рушди устувор /ҲРУ/ дар назди Шӯрои миллии рушди назди Президенти Ҷумҳурии Тоҷикистон дар ҳамкорӣ бо намояндагии Барномаи рушди Созмони Милали Муттаҳид баргузор гардид, иттилоъ доданд ба АМИТ «Ховар» аз Вазорати рушди иқтисод ва савдои ҷумҳурӣ.
Дар ҷаласаи гурӯҳи корӣ оид ба маблағгузории СМР 2030 ва ҲРУ масъалаҳои фаъолияти он, тадбирҳои минбаъда бо мақсади муайян намудани механизму равишҳои нави маблағгузории афзалиятҳои кишвар, ҳадаф ва вазифаҳои гурӯҳи корӣ, уҳдадориҳои аъзои гурӯҳи корӣ аз ҳисоби мақомоти давлатӣ, шарикони рушд, бахши хусусӣ ва ташкилоти ҷамъиятӣ мавриди баррасӣ қарор гирифанд.
Зикр гардид, ки дар шароити рақобати шадид барои захираҳои молиявӣ ва сармоягузорӣ Ҷумҳурии Тоҷикистонро зарур аст, ки барои диверсификатсияи маблағгузории дохилӣ ва инчунин
истифодаи воситаҳои гуногуни ҷалби онҳо тамоми шароитро фароҳам орад. Иштироккунандагони ҷаласаи якум масъалаҳои робитаи банақшагирӣ ва буҷетикунонӣ, инчунин роҳҳои минбаъдаи такмили ду механизми рушдро баррасӣ карданд.
Илова бар ин, иштирокчиён имконият пайдо карданд, ки бо ташаббусҳои мухталифи СММ дар Тоҷикистон, ки ба беҳтар намудани масъалаҳои маблағгузорӣ равона шудаанд, аз ҷумла бо ташаббуси «Маблағгузории ҲРУ дар Тоҷикистон», ки соли 2020 роҳандозӣ гардидааст ва аз ҷониби Фонди СММ оид ба ҲРУ дастгирӣ мешавад, шинос шаванд. Ҳадафи барнома дастгирии Ҳукумати Ҷумҳурии Тоҷикистон барои ноил шудан ба афзалияти миллӣ ва ҲРУ тавассути дастгирии сохтор, сиёсат ва низоми ҳамгироии захираҳо мебошад.
Бо мақсади такмили низоми мониторинг ва ҳисоботдиҳӣ оид ба татбиқи барномаҳои миллӣ, соҳавӣ ва маҳаллии рушд ва ҲРУ Котиботи Шӯрои миллии рушди назди Президенти Ҷумҳурии Тоҷикистон гурӯҳҳои корӣ ташкил медиҳад, ки аъзои он аз намояндагони вазорату идораҳои соҳавӣ, агентиҳо, кумитаҳо, ташкилоти ҷамъиятӣ, инчунин шарикони рушд иборат мебошанд. 14 гурӯҳи кории Шӯрои миллии рушд мувофиқи самтҳои соҳавӣ ва инчунин самтҳои рушд фарогири афзалияти СМР 2030 ва ҲРУ ташкил карда мешаванд.
Аксҳо аз Вазорати рушди иқтисод ва савдои ҷумҳурӣ.
БОҒҲОИ ИНТЕНСИВӢ. Дар Тоҷикистон аз майдони кам метавон ҳосили баланди босифат ба даст овард
Сарвазири Тоҷикистон Қоҳир Расулзода дар ноҳияҳои Абдураҳмони Ҷомӣ ва Дӯстӣ бо корҳои ободонию созандагӣ ва саривақт ҷамъоварӣ намудани ҳосили пахта шинос шуд
Дар ноҳияи Ёвон парвариши лимӯ ва апелсин бо риояи талаботи зарурии агротехникӣ ба роҳ монда шудааст
Раёсати дар Шурои авиатсия ва истифодаи фазои ҳавоии ИДМ ба Тоҷикистон гузашт
Тоҷикистон 9 терминал ва маркази логистикиро ба рӯйхати «бандарҳои хушк»-и ЭСКАТО пешниҳод намуд
ФАЗОИ ТОҶИКРО ОЯНДАИ ДУРАХШОН ИНТИЗОР АСТ. Назари коршинос дар хусуси рушди авиатсияи тоҷик
ЧОРВОДОРӢ ДАР ТОҶИКИСТОН. Таъмини аҳолӣ бо маҳсулоти гӯштию ширӣ ба рушди ин соҳа вобаста аст
Дар шаҳри Ваҳдат «Фестивали намоиш ва фурӯши чорвои зотӣ» баргузор мегардад
Раванди иҷро ва мушкилоти рамзгузории электронӣ, фаъолияти операторони пайгирикунандаи гардиши молҳо ва раванди назорати онҳо баррасӣ гардид
ПАНЕЛҲОИ ОФТОБӢ. Ва ё қадаме ба сӯи истиқлолияти энергетикӣ ва ҳифзи сайёра
Байни Тоҷикистон ва Корея оид ба татбиқи лоиҳаҳо дар соҳаи нақлиёт Ёддошти тафоҳум ба имзо расид
Доир ба муаррифӣ ва баррасии имконоти сармоягузории Тоҷикистон ҳамоиш баргузор гардид
