Дар ноҳияи Ёвон қариб 200 нафар аз кумакҳои моддӣ бархурдор гардиданд

Сентябрь 30, 2021 10:42

ЁВОН, 30.09.2021. /АМИТ «Ховар»/. Мақомоти иҷроияи ҳокимияти давлатии ноҳияи Ёвон дар арафаи ҷашни 30-солагии Истиқлолияти давлатии Ҷумҳурии Тоҷикистон қариб  ба 200 нафар собиқадорони  ҷангу меҳнат кумакҳои моддӣ расонид. Аз ҷумла, ба 6 нафар куҳансолон дар манзилҳои истиқоматияшон туҳфаҳои молиявии ҳукумати ноҳия тақдим карда шуданд, иттилоъ доданд аз шуъбаи рушди иҷтимоӣ ва робита бо ҷомеаи ноҳияи Ёвон ба хабарнигори АМИТ «Ховар».

Дар ноҳияи Ёвон пирони рӯзгордидае зиёданд, ки кору пайкор, кӯшишу ғайрат ва рӯҳи шикастнопазири онҳо барои наслҳои имрӯзу фардо сабақи зиндаи зиндагист. Месазад, ки ҳар рӯзу ҳар соат ба аёдату зиёрати ин қабил ашхоси рӯгордида ва пастию баландиҳоро санҷида рафта, аз онҳо дарси одамгарӣ, дардошноӣ, фидокорӣ ва ватандорӣ омӯзем.

Дар арафаи ин ҷашни таърихӣ муовини раиси ноҳияи Ёвон Гулрухсор Саидзода ва раиси Шӯрои собиқадорони ҷанг ва меҳнати ноҳия Қутбиддин Сафархолов ба аёдати собиқадорони сохторҳои гуногун Чила Воҳидов, Саттор Қодиров, Ҷурахон Фатҳуллоев, Аслонхон Раҳмонов, Тоҳир Кавраков ва Субҳон Нуров рафта, онҳоро бо ҷашни сиюмин солгарди Истиқлолияти давлатӣ табрик намуда, ба онҳо туҳфаҳои ҳукумати ноҳияро тақдим карданд.

Суҳбати ҳар кадоме аз ин собиқадорон моломол аз самимият, саршор аз панду насиҳат ва пур аз эҳсоси гарми ватандӯстию ватандорӣ буд. Ҳамаи онҳо ба Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон изҳори сипос ва миннатдорӣ намуда, аз сидқи дил дуои нек доданд, то сулҳу суботи ҷомеа бегазанду пойдор бимонад ва Тоҷикистони азиз ба қуллаҳои баланди тараққию таҷаллӣ бирасад.

АКС: Мақомоти иҷроияи ҳокимияти давлатии ноҳияи Ёвон

Сентябрь 30, 2021 10:42

Хабарҳои дигари ин бахш

Дар Донишгоҳи техникии Тоҷикистон бахшида ба Иди Меҳргон ҳамоиш баргузор карда шуд
Имрӯз дар ноҳияҳои кӯҳии Тоҷикистон ҳаво то 25 дараҷа гарм мешавад
Имконияти рушди хизматрасонии почта дар Тоҷикистон бо истифодаи нақлиёти барқӣ баррасӣ гардид
ZET-MOBILE рушди 5G-ро идома медиҳад: истгоҳҳои нави базавӣ ба истифода дода шуданд
Ҳайати Тоҷикистон дар Форуми сулҳи Фарғона дар Узбекистон иштирок намуд
Имрӯз дар водиҳои Тоҷикистон ҳаво то 29 дараҷа гарм мешавад
Меҳргон иди ҷамъбасти тобистону тирамоҳ ва оғози фасли зимистон аст
Маркази барномаҳои байналмилалӣ қабули ҳуҷҷатҳоро ба муассисаҳои олии Ҷумҳурии Маҷористон оғоз намуд
«МегаФон Тоҷикистон». Пешсафони дигаргуниҳо
Имрӯз дар водиҳои Тоҷикистон ҳаво то 29 дараҷа гарм мешавад
БАРНОМАИ КАБУДИЗОРКУНӢ. Аз ҷониби Агентии хоҷагии ҷангал дар Тоҷикистон 102 ҳазор бех ниҳол шинонида шуд
Имрӯз дар баъзе ноҳияҳои Тоҷикистон чангу ғубор ба амал меояд