Генерал -полковник Александр Лапин: Ба кишварҳои СҲШ кӯшиши ҳамлаи террористӣ аз Афғонистон таҳдид мекунад
ДУШАНБЕ, 21.09.2021 /АМИТ «Ховар»/. Ҷангҷӯён аз Афғонистон метавонанд кӯшиши рахна кардани қаламрави кишварҳои узви СҲШ-ро кунанд,-гуфт фармондеҳи Округи марказии низомии Русия, генерал-полковник Александр Лапин ҳангоми ифтитоҳи машқҳои низомии СҲШ дар наздикии Оренбург. Дар ин бора дирӯз Sputnik хабар дод.
Ба гуфтаи ӯ, ҳоло дар минтақаи Осиёи Марказӣ тезу тунд шудани вазъият ба назар мерасад.
Мавсуф зикр намуд, ки анҷоми амалиёти низомии ИМА дар Афғонистон боиси афзоиши якбораи таҳдидҳои террористӣ дар фазои ягонаи АвруОсиё шуд.
«Дар заминаи ғасби ҳокимият аз ҷониби толибон дар Афғонистон таҳкими мавқеъҳои ДИИШ* ва дигар созмонҳои террористии байналмилалӣ, ки таҳдиди воридшавии онҳоро ба минтақаҳои наздисарҳадии кишварҳои мо ба миён овардааст, боиси нигаронии хос аст», — гуфт фармондеҳи округи харбии марказй.
Қобили зикр аст, ки дар наздикии Оренбург машқҳои муштараки зиддитеррористӣ ва ситодии қувваҳои мусаллаҳи кишварҳои СҲШ дар пасманзари тезу тунд шудани вазъ дар Афғонистон баргузор мешаванд.
Машқҳои «Миссияи сулҳ – 2021» аз 20 то 24 сентябр дар машқгоҳи Донгузи вилояти Оренбург баргузор мешаванд. Дар онҳо бори аввал як контингенти низомӣ аз Беларус иштирок хоҳад кард.
Дар машқҳо тақрибан 5,5 ҳазор низомиён ва беш аз 1,2 ҳазор адад аслиҳа, техникаи ҳарбӣ ва техникаи махсус амал менамоянд.
Ба гурӯҳи авиатсионӣ ҳайати ҳавопаймоҳои панҷ минтақаи Федератсияи Русия, пойгоҳи ягонаи низомии Русия дар Канти Қирғизистон ва халабонҳои Қувваҳои Мусаллаҳи Қазоқистон шомиланд.
______________________
*ДИИШ ва Толибон созмонҳои террористие мебошанд, ки дар Тоҷикистон ва Русия мамнӯъ шудаанд.
ДАР СУРАТ: Хадамоти матбуоти Округи марказии ҳарбии Федератсияи Русия
Ба 60 нафар даъватшаванда дар ноҳияи Мастчоҳ шаҳодатномаи ронандагӣ супорида шуд
Дар Раёсати иҷрои ҷазои ҷиноятӣ дар вилояти Суғд иншооти нав ифтитоҳ гардид
Модарони Файзобод бо дуо ва суханҳои нек муҳофизони Ватанро ба сафи Артиши миллӣ гусел намуданд
Дар ноҳияи Рӯдакӣ сафи ихтиёриён барои рафтан ба хизмати ҳарбӣ меафзояд
Даъватшавандагони Шаҳринав сарбаландона ба хизмати ҳарбӣ гусел карда шуданд
Ҷавонони ноҳияи Зафаробод ба таври ихтиёрӣ ба сафи Қувваҳои Мусаллаҳ пайвастанд
ВАТАНРО ЧУН МОДАРИ ХЕШ ДӮСТ БОЯД ДОШТ! Ҷавонони сарбаланди шаҳри Ваҳдат хизмат дар сафи Артиши миллиро шараф меҳисобанд
Дар Панҷакент, Конибодом, Бӯстон, Ашт ва Спитамен гусели даъватшавандагон ба сафи Қувваҳои Мусаллаҳ доир шуд
Ҷавонони шаҳри Роғун сарбаландона ба сафи Қувваҳои Мусаллаҳи Тоҷикистон пайвастанд
Намояндагони Тоҷикистон дар конфронси байналмилалӣ дар Австрия иштирок намуданд
«ТАСМАИ БЕХАТАРӢ-МУҲОФИЗИ ШУМО». Дар Тоҷикистон амалиёти мақсаднок гузаронида мешавад
Дар Деваштич маросими тантанавии гусели навҷавонон ба хизмати ҳарбӣ баргузор шуд
