Ғолибони бозиҳои аввали даври чорякфинали Лигаи касбии футзали Тоҷикистон-2021 муайян шуданд
ДУШАНБЕ, 21.09.2021 /АМИТ «Ховар»/. Дар шаҳри Душанбе бозиҳои аввали даври чорякфинали Лигаи касбии футзали Тоҷикистон-2021 дар сатҳи баланд баргузор шуданд. Дастаи футзали «Пойтахт» бар дастаи футзали «Помир»-и шаҳри Хоруғ бо ҳисоби 6:4 ғалаба кард, хабар медиҳад шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон.
Дар ҳайати дастаи ғолиб Рамз Амрохонов се гол ба ҳадаф расонид. Дар бозии дигар дастаи футзали «Истиқлол»-и шаҳри Душанбе дастаи «Самандар»-и шаҳри Турсунзодаро бо ҳисоби калони 4:0 шикаст дод. Самандар Ризомов ду гол, Нусратшо Исмоилов ва Мирсаид Камолов якголӣ ба нишон расониданд.
Бозиҳои дуюми даври чорякфинал 25 сентябр дар толорҳои варзишии мамлакат баргузор мегарданд. Тибқи низомнома, чорякфинал аз силсилабозиҳо то 2 ғалабаи яке аз дастаҳо иборат аст. Ғолибони чорякфинал дар нимфинал бо дастаҳои футзали «Соро компания»-и шаҳри Душанбе ва «Сипар»-и шаҳри Хуҷанд вомехӯранд.
Нимфинал низ аз силсилабозиҳо то ду ғалабаи яке аз дастаҳо сурат мегирад. Сипас, ғолибони нимфинал дар финал, мағлубон барои ҷои сеюм вомехӯранд.
АКС аз ФФТ
Бахшида ба Рӯзи ҷаҳонии футбол дар ноҳияи Абдураҳмони Ҷомӣ мусобиқаи футбол баргузор гардид
Сарвари давлат: «Футбол дар Тоҷикистон рамзи ваҳдат ва ифтихори миллӣ мебошад»
Президенти Тоҷикистон: «Барномаҳои давлатии рушди футбол барои оммавӣ гардонидани ин намуди варзиш ва инфрасохтор заминаи мусоид мебошанд»
ИДИ ҲАҚИҚИИ ФУТБОЛ! Рӯзи ҷаҳонии футбол дар Душанбе бо шукӯҳу шаҳомат таҷлил шуд
Рушди варзиш ва инфрасохтори муосир муҳимтарин самт дар сиёсати Ҳукумати Тоҷикистон мебошад
Эмомалӣ Раҳмон: «Рӯзи ҷаҳонии футбол боз як нишонаи нақши фаъол ва обрӯи афзояндаи Тоҷикистон дар арсаи ҷаҳонӣ мебошад»
ИМРӮЗ — РӮЗИ ҶАҲОНИИ ФУТБОЛ. Ташаббуси Президенти Федератсияи футболи Тоҷикистон Рустами Эмомалӣ миллиардҳо нафарро дар саросари дунё муттаҳид менамояд
Дар шаҳри Душанбе Фестивали футбол ва шоми ҷавонӣ баргузор гардид
РӮЗИ ҶАҲОНИИ ФУТБОЛ. Пагоҳ дар Душанбе Фестивали футбол барои кӯдакон баргузор мегардад
РУШДИ ФУТБОЛИ МИЛЛӢ. Барои расидан ба ин ҳадаф тадбирҳои муҳим андешида мешаванд
Мусобиқаи ҷумҳуриявии футболи хурд барои дарёфти «Ҷоми Ҳизби Халқии Демократии Тоҷикистон» баргузор шуд
Дар Хатлон ба муносибати Рӯзи ҷаҳонии футбол фестивали бозиҳои варзишӣ доир шуд
