Президенти Ҷумҳурии Тоҷикистон Эмомалӣ Раҳмон бо Раиси Ҷумҳурии Мардумии Чин Си Ҷинпин суҳбати телефонӣ анҷом доданд
ДУШАНБЕ, 07.09.2021 /АМИТ «Ховар»/. Имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси Ҷумҳурии Мардумии Чин муҳтарам Си Ҷинпин суҳбати телефонӣ анҷом доданд.
Дар оғози суҳбат Раиси Ҷумҳурии Мардумии Чин бо таманниёти сулҳ, некӯаҳволӣ, комёбиҳои нав ва шукуфоӣ Пешвои миллат ва тамоми сокинони Тоҷикистонро бо 30-юмин солгарди истиқлоли давлатии кишвар самимона табрик намуд.
Зимни суҳбат сарони ду давлат ҷанбаҳои мухталифи муносибатҳои шарикии ҳамаҷонибаи стратегии Тоҷикистон ва Чинро муҳокима намуданд. Дар ин замина, аз ҷумла масъалаҳои рушди минбаъдаи робитаҳои тиҷоративу иқтисодӣ ва тавсеаи робитаҳои фарҳангию гуманитарӣ, инчунин таҳкими ҳамкорӣ дар соҳаи амният баррасӣ гардиданд. Натиҷаҳои амалии татбиқи лоиҳаҳои муҳими инфрасохтор бо қаноатмандӣ зикр карда шуданд.
Сарвари давлати мо ба ҷониби Чин барои сари вақт расонидани миқдори зарурии ваксинаҳои зиддивирусии истеҳсоли Чин ба Тоҷикистон дар доираи ҳамкории тарафҳо дар мубориза бар зидди пандемияи COVID-19 изҳори сипос намуданд.
Сарони давлатҳои Тоҷикистон ва Чин доир ба рушди вазъ дар минтақа дар заминаи шиддат ёфтани авзои низомию сиёсӣ дар Афғонистон табодули назар карданд.
Ҷонибҳо аҳамияти ҳамкории минбаъдаи зичро дар масъалаҳои таъмини амният ва суботи минтақавӣ таъкид карданд.
Ҳангоми баррасии муносибатҳои бисёрҷониба ба раёсати кунунии Тоҷикистон дар СҲШ ва Саммити қарибулвуқӯи Созмон дар шаҳри Душанбе таваҷҷуҳ зоҳир карда шуд.
Дар ин зимн Раиси Ҷумҳурии Мардуми Чин нақши Пешвои миллатро ҳамчун яке аз муассисони СҲШ дар таъсис, рушду густариш ва таҳкими эътибори он ба таври хоса таъкид карда, баргузории бо муваффақияти Саммити ҷашнии онро таманно кард.
“Шумо дар саргаҳи таъсис додани ин Созмон қарор доштед, саъю талошҳои бузургмиқёсро ҷиҳати рушду густариш ва таҳкими обрӯи он дар “Руҳияи Шанхай” ба харҷ додед”, вобаста ба ин изҳор дошт муҳтарам ҷаноби Си Ҷинпин.
Дар поёни суҳбат сарони давлатҳои Тоҷикистон ва Чин мавқеи муштараки худро барои густариши ҳамаҷонибаи муносибатҳои дӯстӣ ва ҳамсоягии неки Тоҷикистон ва Чин дар ҳама шаклҳо тасдиқ намуданд.
Сарвари давлат Эмомалӣ Раҳмон дар ноҳияи Ҷалолиддини Балхӣ бо фаъолияти Кооперативи тиҷоратии «Турахон Исанқулов» шинос шуданд
Пешвои миллат Эмомалӣ Раҳмон дар маркази ноҳияи Ҷалолиддини Балхӣ бинои иловагии Муассисаи давлатии таҳсилоти томактабии № 6-ро мавриди истифода қарор доданд
Президенти Тоҷикистон Эмомалӣ Раҳмон дар ноҳияи Ҷалолиддини Балхӣ бинои Шуъбаи таваллуди Беморхонаи марказиро мавриди истифода қарор доданд
Сарвари давлат Эмомалӣ Раҳмон бинои нави Мактаби санъати ноҳияи Ҷалолиддини Балхиро ифтитоҳ намуданд
Пешвои миллат Эмомалӣ Раҳмон дар шаҳри Бохтар Корхонаи истеҳсоли гугирди ҶДММ «Расули Валӣ»-ро ба истифода доданд
Президенти Тоҷикистон Эмомалӣ Раҳмон дар шаҳри Бохтар корхонаи истеҳсоли бомпӯшҳои тунукагӣ ва сардхонаро мавриди истифода қарор доданд
Сарвари давлат Эмомалӣ Раҳмон дар шаҳри Бохтар Маркази касбомӯзӣ ва хизматрасониро мавриди баҳрабардорӣ қарор доданд
Пешвои миллат Эмомалӣ Раҳмон дар шаҳри Бохтар бинои маъмурии сарраёсати Агентии омори назди Президенти Ҷумҳурии Тоҷикистон дар вилояти Хатлонро ба истифода доданд
Президенти Тоҷикистон Эмомалӣ Раҳмон дар деҳаи Механизатори ноҳияи Кӯшониён Муассисаи таҳсилоти миёнаи умумии № 70-ро мавриди истифода қарор доданд
Дар шаҳри Левакант корхонаи коркарди пахта мавриди истифода қарор дода шуд
Сарвари давлат Эмомалӣ Раҳмон дар ноҳияи Кӯшониён бинои Муассисаи таҳсилоти томактабиро мавриди истифода қарор доданд
Дар ноҳияи Ёвон Маркази саломатӣ ба истифода дода шуд
