Сарвари давлат Эмомалӣ Раҳмон бинои шуъбаи бемориҳои сироятии Беморхонаи марказии ноҳияи Лахшро ифтитоҳ намуданд
ДУШАНБЕ, 21.09.2021 /АМИТ «Ховар»/. 21 сентябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳраки Ваҳдат бинои шуъбаи бемориҳои сироятиии Беморхонаи марказии ноҳияи Лахшро ба истифода супориданд.
Шуъбаи бемориҳои сироятӣ аз ҷумлаи иншооти ҷашнӣ ба ифтихори 30-солагии Истиқлолияти давлатии Ҷумҳурии Тоҷикистон буда, дорои 14 ҳуҷра ва 28 кати хоб барои беморон мебошад.
Дар иншооти нави соҳаи тандурустӣ барои ташхису табобат ва баланд бардоштани сатҳу сифати хизматрасонии тиббӣ ба аҳолӣ шароиту имконияти зарурӣ фароҳам оварда шудааст.
Бинои шуъбаи бемориҳои сироятӣ дар шафати Беморхонаи марказии ноҳияи Лахш ҷойгир буда, бо дастуру супоришҳои бевоситаи Сарвари давлат муҳтарам Эмомалӣ Раҳмон бо мақсади пешгирӣ ва ҳифзи саломатии сокинон аз бемориҳои гуногуни сироятӣ, хусусан «Ковид-19» бунёд гардидааст. Дар шуъбаи мазкур ҳуҷраҳои муоина, доругузаронӣ ва бистаринамоӣ мавҷуд буда, табибони соҳибтаҷриба ба кор ҷалб карда шудаанд.
Ҳангоми шиносоӣ Пешвои миллат муҳтарам Эмомалӣ Раҳмон масъулонро барои истифодаи босамари дастгоҳу таҷҳизоти муосири тиббӣ, аз ҷумла дастгоҳи нафасдиҳии сунъӣ ва оксигенератор ба беморон ҳидоят намуданд. Таъкид гардид, ки ҳангоми фаъолият бо беморон, пеш аз ҳама, муомилаи хуб дошта бошанд.
Акнун табибон бо истифода аз таҷҳизоти пешрафтаи тиббӣ, ки дар ин ҷо насб гардидааст, фаъолият намуда, ба беморон хизмати босифати тиббӣ мерасонанд.
Солҳои охир бо дастгирии Ҳукумати Ҷумҳурии Тоҷикистон ва татбиқи амалии барномаҳои миллӣ дар соҳаи тандурустии мамлакат, бахусус дар ноҳияи Лахш дастовардҳо назаррасанд. Ин раванд имкон фароҳам овард, ки сатҳу сифати хизматрасонии тиббӣ ба аҳолӣ беҳтар карда шавад.
Дар ҳудуди ноҳияи Лахш дар баробари беморхонаи марказӣ 6 беморхонаи минтақавӣ мавҷуд аст, ки 261 нафар мутахассиси соҳа ба 57 ҳазору 130 нафар аҳолӣ хизмати тиббӣ мерасонанд. Давоми ду соли охир Беморхонаи марказии ноҳияи Лахш соҳиби ду нақлиёти ёрии таъҷилӣ, дастгоҳи рентгении рақамӣ, дастгоҳи фаросавтӣ, дастгоҳи сабти барқии дил ва ултрасадо, дастгоҳҳои ҷарроҳию эҳёгарӣ ва дигар таҷҳизоти муосири соҳавӣ мебошад. Бинои нави шуъбаи бемориҳои сироятии ноҳияи Лахш дар рӯзҳои таҷлили 30-солагии Истиқлолияти давлатӣ туҳфаи арзандаи Ҳукумати мамлакат ба кормандони соҳаи тандурустӣ ва ҳифзи иҷтимоӣ ба шумор меравад.
Пешвои миллат Эмомалӣ Раҳмон ба таври фосилавӣ 4 корхонаи саноатӣ дар шаҳри Хуҷанд, 1 хатти тақсимоти оби нӯшокӣ ва 2 хатти оби полезӣ дар ноҳияи Кӯҳистони Мастчоҳро мавриди баҳрабардорӣ қарор доданд
35-СОЛАГИИ ИСТИҚЛОЛИ ДАВЛАТӢ. Роҳҳои маҳаллӣ ва ҷумҳуриявии шаҳри Турсунзода мумфарш ва бетонпӯш карда шуданд
Сарвари давлат Эмомалӣ Раҳмон дар шаҳри Хуҷанд бинои нави маъмурии Минтақаи озоди иқтисодии Суғдро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд корхонаи коркард ва бандубасти меваи хушки ҶДММ «Донаи алмос»- ро мавриди баҳрабардорӣ қарор доданд
Пешвои миллат Эмомалӣ Раҳмон дар шаҳри Хуҷанд ба фаъолияти корхонаи истеҳсоли маҳсулоти ширии «Комплекси агросанотии Саховат» оғози расмӣ бахшиданд
Сарвари давлат Эмомалӣ Раҳмон Муассисаи томактабии хусусии «Кӯдакистони Арча»- ро ба истифода доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд Муассисаи таҳсилоти томактабии «Аркон»- ро мавриди истифода қарор доданд
Пешвои миллат Эмомалӣ Раҳмон дар шаҳри Хуҷанд Беморхонаи клиникии рақами 1 ва ба таври фосилавӣ ду маркази саломатиро дар ноҳияи Кӯҳистони Мастчоҳ ифтитоҳ намуданд
Сарвари давлат Эмомалӣ Раҳмон дар шаҳри Хуҷанд Маркази клиникавии эндокринологии вилояти Суғдро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд бинои нави Маркази саратоншиносии вилояти Суғдро мавриди истифода қарор доданд
Оғози сафари кории Пешвои миллат Эмомалӣ Раҳмон ба вилояти Суғд
Президенти Ҷумҳурии Тоҷикистон Эмомалӣ Раҳмон дар ҳайати роҳбарикунандаи сохторҳои Вазорати корҳои хориҷӣ тағйироти кадрӣ анҷом доданд
