Толибон ба заноне, ки дар вазифаҳои «мардона» кор мекунанд, амр доданд дар хона бимонанд
ДУШАНБЕ, 21.09.2021 /АМИТ «Ховар»/. Заноне, ки дар низоми хоҷагии шаҳрии Кобул дар вазифаҳое, ки мардон метавонанд онҳоро иҷро кунанд, фаъолият доранд, бояд дар хона монда, ба кор нараванд, изҳор дошт и. в. мири шаҳр Мавлавӣ Ҳамдулло Номанӣ. Дар ин бора имрӯз «РИА Новости» хабар додааст.
Ба гуфтаи ӯ, дар хоҷагии шаҳрӣ 2,9 ҳазор нафар кор мекунанд. Аз ин шумора 27% заноне ҳастанд, ки аз ҷумла дар маъмурияти ноҳияҳо дар соҳаи сохтмон ва муҳандисӣ кор мекунанд.
«Мо ба он заноне иҷозати кор додем, ки онҳоро дар ҷои кор мардон иваз карда наметавонанд ва ё он кори мардона нест. Онҳо ҳар рӯз ба кор мераванд. Масалан, сухан дар бораи заноне меравад, ки дар ҳоҷатхонаҳои шаҳрии занона кор мекунанд — дар ҷое, ки ба мардон иҷозати кор дода намешавад”, — гуфт шаҳрдор. Видео дар шабакаи телевизионии AL Arabiya дар Твиттер нашр шудааст.
Вай афзуд, ки дар ноҳияҳо ва дафтарҳои марказӣ коргарзаноне ҳастанд, ки онҳоро мардон иваз карда наметавонанд: онҳо дар бахшҳои барқ ва сохтмон кор мекунанд.
«Аммо дар бораи вазифаҳое, ки дигарон (мардон — Идора) метавонанд бигиранд, мо ба онҳо (занон — Идора) гуфтем, ки то ба ҳолати муқаррарӣ баргаштани вазъ дар хона бимонанд. Ба онҳо маошашон дода мешавад”, — таъкид кард шаҳрдор.
Аввалҳои моҳи август “Толибон”* ҳамлаи худро ба неруҳои давлатии Афғонистон пурзӯр карда, 15 август вориди Кобул шуданд ва рӯзи дигар эълон карданд, ки ҷанг ба охир расидааст. Ду ҳафтаи охирини моҳи август аз фурудгоҳи Кобул, ки таҳти ҳимояи низомиёни ИМА қарор дошт, тахлияи оммавии шаҳрвандони Ғарб ва афғонҳое, ки бо онҳо ҳамкорӣ мекарданд, сурат гирифт. Шаби 31 август низомиёни амрикоӣ аз фурудгоҳи Кобул баромада, ҳузури тақрибан 20-солаи артиши ИМА дар Афғонистонро қатъ карданд.
6 сентябр толибон эълон карданд, ки Панҷшер, охирин аз 34 вилояти Афғонистон тавассути ҷангҳо таҳти назорати онҳо қарор гирифт. Рӯзи дигар ҳайати ҳукумати муваққатии Афғонистон эълон карда шуд. Онро Муҳаммад Ҳасан Охунд сарварӣ мекунад, ки дар замони ҳукмронии аввали толибон вазири корҳои хориҷӣ буд ва аз соли 2001 таҳти таҳримҳои СММ қарор дорад.
_________________________
*Толибон- ҳаракати радикалие, ки дар Тоҷикистон ва дигар кишварҳо мамнӯъ аст
АКС аз бойгонӣ
Дар минтақаи Кӯлоб оид ба ҳифзи арзишҳои миллӣ ва пешгирии хурофотпарастӣ ҷаласа доир гардид
«ИСТИҚБОЛИ САРБОЗИ ВАТАН ШАРАФ АСТ». Кумитаи кор бо ҷавонон ва варзиш сарбозони аз қисмҳои ҳарбӣ баргаштаро пешвоз мегирад
Дар якчанд шаҳру ноҳияҳои Тоҷикистон бар асари бориши шадид сел ба амал омад
МАСИРИ МУҲОҶИРАТИ МЕҲНАТӢ. Андешаҳои Абдураҳим Шоҳиён дар робита ба ин мавзуъ
«ВАТАН-ШУКУҲАТ ПОБАРҶО». Дар Тоҷикистон озмуни қироати шеър ва маҳорати суханварӣ бо забонҳои хориҷӣ баргузор мегардад
Дар Душанбе масъалаи амалишавии гранти Хазинаи глобалӣ баррасӣ гардид
Барои интихоб ва ҷобаҷогузории кадрҳои роҳбарикунанда занону духтарони болаёқат ба забономӯзӣ ҷалб гардидаанд
Дар се моҳи соли 2024 дар ноҳияи Балҷувон 87 нафар ба нафақа баромаданд
«Сомон Эйр» дар масири Хуҷанд-Урумчӣ-Хуҷанд парвозҳои мустақим анҷом медиҳад
Кумитаи ҳолатҳои фавқулода ва мудофиаи гражданӣ аз раъду барқ, жола ва шамолҳои бошиддат ҳушдор медиҳад
Муассисаҳои тиббии Тоҷикистон соҳиби дастгоҳҳои муосир гардиданд
Интиқоли ғайриқонунии беш аз 4 тонна гӯшти мурғ пешгирӣ карда шуд
