БОЗЁФТИ НОДИР. Аз шаҳри Душанбе 6-умин табар-тешаи биринҷӣ дар Тоҷикистон ёфт шуд
ДУШАНБЕ, 05.10.2021 /АМИТ «Ховар»/. Сокини шаҳри Душанбе Турсунмурод Холбердиев 30 сентябр бо як бозёфти тасодуфии худ – табар-тешаи биринҷӣ ба Институти таърих, бостоншиносӣ ва мардумшиносии ба номи Аҳмади Дониши Академияи миллии илмҳои Тоҷикистон муроҷиат намуд, иттилоъ доданд ба АМИТ «Ховар» аз Академияи миллии илмҳои Тоҷикистон.
Ба гуфти Турсунмурод Холбердиев, ӯ табар-тешаро соли 2020 тасодуфан аз ҳудуди заминҳои дар шафати Институти геологияи АМИТ ҷойгирбуда пайдо намудааст.
Табар-теша олоти биринҷӣ буда, як тарафи он ба шакли табар ва тарафи дигар ба шакли теша сохта шудааст. Дар фасли буриш тарафи пеш ба таври возеҳ каҷ аст ва тарафи қафо ҳамвор буда, бо канори барҷастааш ба назар каҷ метобад.
Вазни табар-теша 1200 грамм, дарозиаш 13,8 см, бараш 6,8 см, паҳнои дами он 7 см, паҳнои паҳлӯи пеш бо сӯрохӣ 7 см ва диаметри сӯрохии он 3,2 см мебошад.
То имрӯз аз ҳудуди Ҷумҳурии Тоҷикистон 6 табари биринҷӣ ёфт шудаанд. Табар-тешаи шаҳри Душанбе бештар ба табар-тешаи аз деҳаи Урметани ноҳияи Айнӣ ёфтшуда шабоҳат дорад.
Ба тахмини бостоншиносон, табар-тешаи аз Душанбе ёфтшуда ба охири ҳазорсолаи III–аввали ҳазорсолаи II то милод мансубият дорад, яъне синни он тақрибан ба 4500-4600 сол баробар буда, барои баҳои таърихӣ додан ба таърихи шаҳри Душанбе далели хеле муътамад мебошад. Қаблан чунин бозёфт дар шаҳри Душанбе пайдо нашуда буд. Барои дарёфти маълумоти пурратар ва амиқ ташхиси озмоишгоҳӣ ва муқоисавӣ бо дигар бозёфтҳои монанд зарур аст.
Бостоншиносон, роҳбарияти Институти таърих, бостоншиносӣ ва мардумшиносии ба номи А.Дониш бо роҳбарии президенти АМИТ, академик Фарҳод Раҳимӣ тибқи нишондоди шаҳрванд Турсунмурод Холбердиев аз ҷои пайдокардаи табари биринҷӣ дидан намуданд. Тасмим гирифта шуд, ки дар ин ҳудуд ҳафриёти бостоншиносӣ гузаронида шавад.
АКСҲО аз Академияи миллии илмҳои Тоҷикистон
«ФЕҲРИСТИ НОМҲОИ МИЛЛИИ ТОҶИКӢ». Кумитаи забон ва истилоҳот ба 330 муроҷиаткунанда барои номгузории фарзандон хулосаи рад дод
НИШАСТИ МАТБУОТӢ. Соли 2024 дар асоси Барномаи рушди кино 17 филм наворбардорӣ гардид
Таълимгирандагони «Ворисони Куруши Кабир» дар Осорхонаи миллӣ бо таъриху тамаддуни тоҷикон шинос шуданд
Дар Тоҷикистон азнавбақайдгирии ёдгориҳои мероси таърихию фарҳангӣ оғоз шуд
АРҒУШТИ СИТОРАГОН БУВАД ДАР ЧАКАНАТ. Чаро баъзе аз духтарон дар пӯшидани либос ба фарҳанги бегона рӯ меоранд?
«ОТАШИ ҶАШНИ САДА ОТАШИ МЕҲРИ ВАТАН АСТ». Дар Душанбе ҷашни Сада ва намоиши тухмии зироати кишоварзӣ баргузор шуд
ҶАШНИ САДА НИЗ БАЙНАЛМИЛАЛӢ ШАВАД. Пешниҳоди академики Академияи миллии илмҳои Тоҷикистон Фарҳод Раҳимӣ дар ин мавзуъ
«САДА ОМАД, КИ ТУРО МУЖДА ДИҲАД АЗ НАВРӮЗ». Дар Душанбе ҷашни Сада бо намоиши тухмии зироати кишоварзӣ оғоз гардид
«САДА-ПАРТАВИ ХУРШЕДИИ ИСТИҚЛОЛ». Дар Осорхонаи миллии Тоҷикистон бахшида ба он конфронси ҷумҳуриявӣ доир шуд
ҶАШНИ САДА ДАР ДЕВАШТИЧ. Он бо риояи суннатҳои аҷдодӣ ва шукуҳу шаҳомати хосса таҷлил шуд
Дар ноҳияи Мурғоб ҷашни Садаро бо шукуҳ таҷлил намуданд
