ФУТБОЛ. «Равшан», «Кӯктош» ва «Истаравшан» дар бозиҳои даври 22-юми Чемпионати Тоҷикистон ғолиб омаданд
ДУШАНБЕ, 06.10.2021 /АМИТ «Ховар»/. Бозиҳои даври 22-юми Чемпионати Тоҷикистон оид ба футбол миёни дастаҳои Лигаи олӣ дар варзишгоҳҳои мамлакат хеле ҷолиб баргузор гардиданд. Дар ин давр дастаҳои футболи «Равшан»-и шаҳри Кӯлоб бо «Душанбе»-и шаҳри Душанбе, «Кӯктош»-и ноҳияи Рӯдакӣ бо «Эсхата»-и шаҳри Хуҷанд, «Хатлон»-и шаҳри Бохтар бо Истаравшан»-и шаҳри Истаравшан, «Файзканд»-и ноҳияи Восеъ бо КМВА-и шаҳри Душанбе ва «Истиқлол»-и шаҳри Душанбе бо «Хуҷанд»-и шаҳри Хуҷанд миёни ҳам рақобат карданд, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.
Дар бозии марказии давр миёни дастаҳои футболи «Истиқлол»-и шаҳри Душанбе ва «Хуҷанд»-и шаҳри Хуҷанд ғолиб муайян нашуд (0:0). Дастаи футболи «Хатлон»-и шаҳри Бохтар дар майдони худ аз дастаи футболи «Истаравшан»-и шаҳри Истравшан бо ҳисоби 0:1 шикаст хӯрд. Голи ягонаро Саидмухтор Азимов дар дақиқаи 62 ба нишон расонид.
Дар бозии дигар дастаи футболи «Равшан»-и шаҳри Кӯлоб бар дастаи «Душанбе»-и шаҳри Душанбе бо ҳисоби 2:0 пирӯз гардид. Нимаи аввал бидуни гол анҷом ёфт. Далер Шомуродов дар дақиқаи 59 аз пеналтӣ ва Ҳасан Рустамов дар дақиқаи 62 ду гол зада, ғалабаи дастаи футболи «Равшан»-и шаҳри Кӯлобро таъмин намуданд.
Дар бозӣ миёни дастаҳои футболи «Кӯктош»-и ноҳияи Рӯдакӣ ва «Эсхата»-и шаҳри Хуҷанд футболбозони ноҳияи Рӯдакӣ ба дарвозаи бонкчиҳо панҷ голи беҷавоб заданд ва аз ҷои охир дар ҷадвали мусобиқа як зина боло рафтанд. Насимҷон Маҳмадиев ва Азизбек Султонов дуголӣ заданд. Як голи дигарро Муҳиддин Одилов ба ҳадаф расонид.
Дастаи КМВА пирӯзиҳояшро идома дода, ин бор дар сафар бар дастаи футболи «Файзканд»-и ноҳияи Восеъ бо ҳисоби 3:1 ғалаба кард. Бозингари клуби артиш Абдухалил Боронов дар дақиқаи 38 ҳисобро кушод. Пас аз чор дақиқа восеъгиҳо тавассути зарбаи нишонраси Комрони Мирзохон ҳисобро баробар карданд. Артишиҳо тавассути Фирӯз Бобиев ва Люк Менҷана Леонел ду голи дигар зада, ғалабаи навбатии КМВА-ро таъмин намуданд.
Пас аз натиҷагирии 22 даври бозиҳо мисли пеш дастаи футболи «Истиқлол»-и шаҳри Истиқлол пешсаф аст. Ин даста дар ихтиёр 52 хол дорад. Дастаи футболи «Хуҷанд»-и шаҳри Хуҷанд бо 10 хол камтар (42) дар ҷои дуюм аст. КМВА, ки холҳояш ба 36 расид, мавқеашро барои медалҳои биринҷӣ мустаҳкамтар кард.
| ҶОЙ | ДАСТАҲО | Б | Ғ | М | Б | Т-Т | Х |
| 1 | «Истиқлол» (Душанбе) | 21 | 16 | 4 | 1 | 57-7 | 52 |
| 2 | «Хуҷанд» (Хуҷанд) | 21 | 13 | 3 | 5 | 43-21 | 42 |
| 3 | КМВА (Душанбе) | 22 | 10 | 6 | 6 | 33-26 | 36 |
| 4 | «Истаравшан» (Истаравшан) | 22 | 9 | 5 | 8 | 24-22 | 32 |
| 5 | «Хатлон»(Бохтар) | 22 | 8 | 5 | 9 | 23-27 | 29 |
| 6 | «Эсхата» (Хуҷанд) | 22 | 8 | 3 | 11 | 29-40 | 27 |
| 7 | «Равшан» (Кӯлоб) | 22 | 6 | 8 | 8 | 22-26 | 26 |
| 8 | «Файзканд» (Восеъ) | 22 | 5 | 5 | 12 | 15-29 | 20 |
| 9 | «Кӯктош»(Рӯдакӣ) | 22 | 5 | 5 | 12 | 31-50 | 20 |
| 10 | «Душанбе» (Душанбе) | 22 | 4 | 6 | 12 | 21-50 | 18 |
АКС аз Федератсияи футболи Тоҷикистон
Дар Душанбе ҷаласаи Кумитаи футзали Федератсияи футболи Тоҷикистон баргузор шуд
Варзишгарони тоҷик аз мусобиқаҳои байналмилалӣ 958 медал ба даст оварданд
ЛИГАИ ЧЕМПИОНҲО-2-И ОСИЁ. Имрӯз дастаҳои футболи «Истиқлол» ва «Ал-Наср» бо ҳам бозӣ мекунанд
9 паҳлавони тоҷик дар Мусобиқаи байналмилалии Abu Dhabi Grand Slam -2025 иштирок мекунанд
Ҳайати дастаи футболи «Ал-Наср»-и Арабистони Саудӣ барои бозӣ бо «Истиқлол» ба Душанбе омад
ЧЕМПИОНАТИ CAFA-2025. Дастаи мунтахаби занонаи то 18-солаи Тоҷикистон бо дастаи занонаи Узбекистон бозиро мусовӣ кард
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд
