Паҳлавонони тоҷик дар Чемпионати ҷаҳон оид ба гӯштин дар Сербия иштирок мекунанд

ДУШАНБЕ, 27.10.2021 /АМИТ «Ховар»/.  Аз 1 то 7 ноябр дар пойтахти Сербия — шаҳри Белград Чемпионати  ҷаҳон оид ба гӯштини  тарзи озод ва юнонӣ-римӣ (фарангӣ) миёни ҷавонони то 23-сола баргузор мешавад, хабар дод корманди Кумитаи кор бо ҷавонон ва варзиши назди Ҳукумати Ҷумҳурии Тоҷикистон Ҳалимҷон Набизода  ба шореҳи варзиши  АМИТ «Ховар». 

Дар ин мусобиқаи сатҳи ҷаҳонӣ иштироки 620 нафар паҳлавонон аз 58 кишвар дар назар аст. Дар  чемпионати ҷаҳон  Ҷумҳурии Тоҷикистонро  се  варзишгари шинохта- Муҳаммад Икромов (-57 кг), Мустафо Ахмедов (-70 кг) дар гӯштини озод ва Далер Ризозода (-77 кг) дар  гӯштини юнонӣ-римӣ (фарангӣ) намояндагӣ мекунанд.

      АКС аз Кумитаи кор бо ҷавонон ва варзиши назди Ҳукумати ҶТ