Паҳлавонони тоҷик дар Чемпионати ҷаҳон оид ба гӯштини дзюдо дар Италия иштирок мекунанд

Октябрь 6, 2021 13:13

ДУШАНБЕ, 06.10.2021 /АМИТ «Ховар»/.  Шурӯъ аз имрӯз то 10 октябр дар шаҳри Олбияи Италия Чемпионати ҷаҳон оид ба гӯштини дзюдо миёни ҷавонон баргузор мешавад, ки дар он варзишгарони тоҷик ширкат мекунанд, хабар медиҳад шореҳи варзиши АМИТ «Ховар» бо истинод ба Федератсияи дзюдои Тоҷикистон.

Дар чемпионати мазкур  504 нафар варзишгарон (292 писар, 212 духтар) аз 73 давлат ширкат мекунанд. Дастаи мунтахаби ҷавонони Тоҷикистон оид ба намуди гӯштни дзюдо  дар ҳайати 7 нафар ба Италия сафарбар гардидааст: Абубакр Шеров ва Анушервон Қувватов дар вазни -66кг,
Саидраҳим Раҳимов ва  Муҳаммадҷон   Абдуҷалилов дар вазни  -81кг,
Раҳматулло Мирзоев дар вазни -90кг ва  Эмомризо Анварзода ҳамроҳ бо  Мансур Раҳмонов дар вазни -100кг дар мусобиқаи мазкур иштирок мекунанд.

Рӯзи аввал (6 октябр) қувваозмоиҳо дар вазнҳои -48кг, -52кг миёни духтарон, -60кг, -66кг миёни писарон доир мегарданд. Дар рӯзи дуюм (7 октябр) духтарон дар вазнҳои -57кг, -63кг, писарон дар вазни -73кг байни ҳам рақобат мекунанд. Дар рӯзи сеюм (8 октябр) шоҳиди сабқати духтарон дар вазни -70кг, писарон дар вазнҳои -81кг, -90кг хоҳем шуд. Рӯзи чорум (9 октябр) духтарон дар вазнҳои -78кг, +78кг ва писарон дар вазнҳои -100кг, +100кг  миёни  ҳам гӯштин мегиранд.

Ёдрас мешавем, ки варзишгарони мо дар Чемпионати ҷаҳон оид ба намуди гӯштини дзюдо  миёни ҷавонон се медал гирифтаанд. Соли 2019 дар Марокаш паҳлавони шинохтаи тоҷик Сомон Маҳмадбеков дар вазни -73кг ба гирифтани медали тилло мушарраф шуд. Ӯ ҳамчунин соли 2017 дар шаҳри  Загреби Хорватия медали биринҷӣ ба даст овард.

Темур Раҳимов низ соли 2017 дар вазни -100кг сазовори медали биринҷӣ гардида буд. 

 АКС  аз КМО Тоҷикистон

Октябрь 6, 2021 13:13

Хабарҳои дигари ин бахш

Дар Душанбе ҷаласаи Кумитаи футзали Федератсияи футболи Тоҷикистон баргузор шуд
Варзишгарони тоҷик аз мусобиқаҳои байналмилалӣ 958 медал ба даст оварданд
ЛИГАИ ЧЕМПИОНҲО-2-И ОСИЁ. Имрӯз дастаҳои футболи «Истиқлол» ва «Ал-Наср» бо ҳам бозӣ мекунанд
9 паҳлавони тоҷик дар Мусобиқаи байналмилалии Abu Dhabi Grand Slam -2025 иштирок мекунанд
Ҳайати дастаи футболи «Ал-Наср»-и Арабистони Саудӣ барои бозӣ бо «Истиқлол» ба Душанбе омад
ЧЕМПИОНАТИ CAFA-2025. Дастаи мунтахаби занонаи то 18-солаи Тоҷикистон бо дастаи занонаи Узбекистон бозиро мусовӣ кард
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд