Президенти мамлакат Эмомалӣ Раҳмон бо ҷараёни барқарорсозии токзор дар мавзеи «Зартеппа»-и ноҳияи Муъминобод шинос шуданд

Октябрь 4, 2021 15:20

ДУШАНБЕ, 04.10.2021 /АМИТ«Ховар»/. 4 октябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо ҷараёни барқарорсозии токзор дар мавзеи «Зартеппа»-и деҳоти Деҳибаланд шинос шуданд.

Дар мавзеи “Зартеппа” Сарвари давлат муҳтарам Эмомалӣ Раҳмон нахуст бинои нави бошишгоҳи саҳроиро мавриди истифода қарор доданд.

Иншооти мазкур дорои чор толор ва ошхона буда, барои истироҳату фароғати коргарону мутахассисон пешбинӣ шудааст.

Иттилоъ дода шуд, ки майдони токзор дар мавзеи “Зартеппа”, ки зиёда аз 140 гектарро ташкил медиҳад, дар ин ҷо хоҷагидорон навъҳои серҳосили маҳаллии ангури ба иқлими минтақа мутобиқро парвариш менамоянд.

Дар гузашта ин мавзеъ ба хоҷагии “Мичурин” мансуб буд, ки аз ҳисоби истеҳсоли ангури хушсифат дар қаламрави кишварҳои собиқ Иттиҳоди Шӯравӣ шуҳрати зиёд дошт.

Бинобар таъсири баъзе аз омилҳо майдони токзор рӯ ба нестӣ овард.

Бо соҳибистиқлол гаштани мамлакат аз ҷониби Ҷамъияти дорои масъулияти маҳдуди “Тоҷвайн” зиёда аз 50 гектар майдони токзор барқарор гардида, мутахассисон корҳои агротехникии қаторҳо, насб намудани сутунпояҳо, кашидани ноқилҳои байни қаторҳо барои бастани ниҳолҳои токи ангур ва дигар тадбирҳои вобаста ба фаровонҳосилиро анҷом додаанд.

Дар токзори Ҷамъияти дорои масъулияти маҳдуди “Тоҷвайн” сокинони маҳаллӣ, аз ҷумла занону духтарон бо ҷои кор таъмин гардиданд.

Аснои мулоқот бо зиёда аз 40 нафар ятимону бепарасторон Сарвари давлат муҳтарам Эмомалӣ Раҳмон онҳоро ба хониши хубу аъло, забономӯзӣ ва аз худ намудани донишҳои замони муосир ҳидоят намуданд.

Таъкид гардид, ки Ҳукумати мамлакат барои беҳдошти вазъи иҷтимоии ятимону бепарасторон тадбирҳои муассир амалӣ менамояд.
Боздид аз барқарорсозии токзор дар мавзеи “Зартеппа”-и деҳоти Деҳибаланди ноҳияи Муъминобод 04.10.2021

Октябрь 4, 2021 15:20

Хабарҳои дигари ин бахш

Сокинони маҳаллаи Наврӯзи шаҳри Бӯстон бо оби нӯшокӣ таъмин гардиданд
Дар ҳудуди шаҳри Гулистон сохтмони меҳмонхона ва осоишгоҳу марказҳои солимгардонӣ идома доранд
Қитъаи муҳими роҳи Душанбе – Хоруғ – Қалъаихумб бо пулу нақб мавриди истифода қарор гирифт
Пешвои миллат Эмомалӣ Раҳмон пас аз анҷоми сафари корӣ дар Вилояти Мухтори Кӯҳистони Бадахшон ба шаҳри Душанбе баргаштанд
Дар ВМКБ беш аз 1000 иншоот ба истиқболи 35-солагии Истиқлоли давлатӣ мавриди истифода қарор гирифт
Президенти Ҷумҳурии Тоҷикистон Эмомалӣ Раҳмон бо роҳбарон ва фаъолони Вилояти Мухтори Кӯҳистони Бадахшон мулоқот намуданд
Суханронии Президенти Ҷумҳурии Тоҷикистон, Пешвои миллат Эмомалӣ Раҳмон дар мулоқот бо роҳбарон ва фаъолони Вилояти Мухтори Кӯҳистони Бадахшон
Президенти Ҷумҳурии Тоҷикистон Эмомалӣ Раҳмон дар шаҳри Хоруғ дар тантанаҳои идона ба ифтихори 28-солагии Рӯзи ваҳдати миллӣ иштирок намуданд
Суханронии Президенти Ҷумҳурии Тоҷикистон, Пешвои миллат Эмомалӣ Раҳмон ба ифтихори 28-солагии Рӯзи ваҳдати миллӣ
Сарвари давлат Эмомалӣ Раҳмон дар шаҳри Хоруғ бинои нави истиқоматии 5-ошёна барои хизматчиёни давлатиро мавриди истифода қарор доданд
Пешвои миллат Эмомалӣ Раҳмон дар ҳудуди Парки технологии шаҳри Хоруғ коргоҳҳои истеҳсолии маҳсулоти гӯштӣ ва обҳои табиии ташнашиканро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бо лоиҳаҳои биноҳои истиқоматӣ бо маркази хизматрасонию тиҷоратӣ, таваққуфгоҳи нақлиётӣ, меҳмонхона ва майдончаи варзишии кӯдакон шинос шуданд