Рустам Назарзода ва Зехавит Бен Ҳиллел таҳкими ҳамкорӣ дар самти ҳолатҳои фавқулодаро баррасӣ намуданд
ДУШАНБЕ, 22.10.2021 /АМИТ «Ховар»/. 21 октябр дар Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бо мақсади рушди минбаъда ва таҳкими ҳамкории байналмилалӣ дар самти ҳолатҳои фавқулода ва пешгирӣ аз офатҳои табиию техногенӣ мулоқоти Раиси Кумитаи мазкур, генерал-полковник Рустам Назарзода ва Сафири Фавқулода ва Мухтори Исроил дар Ҷумҳурии Узбекистон Зехавит Бен Ҳиллел баргузор шуд, хабар медиҳад АМИТ «Ховар» бо истинод ба Кумитаи ҳолатҳои фавқулода ва мудофиаи гражданӣ.
Дар ҷараёни мулоқот Рустам Назарзода меҳмони олиқадрро бо корҳои анҷомшуда дар самти идораи ҳолатҳои фавқулода дар кишвар, ҳамкории байналмилалӣ бо сохторҳои дахлдори кишварҳои хориҷӣ дар ин самт ва офатҳои табиии рухдода, корҳои анҷомшуда дар заминаи бартарафсозии пайомадҳои он аз ҷониби Ҳукумати Ҷумҳурии Тоҷикистон ва шарикони байналмилалӣ, расонидани кумак ба зарардидагон аз офати табиӣ шинос намуд.
Ҷонибҳо масъалаҳои густариши ҳамкорӣ ва татбиқи лоиҳаҳои муштарак миёни ду кишвар оид ба вокуниш ба офатҳо, омодасозӣ ва бозомӯзии мутахассисони наҷотдиҳанда, расонидани кумакҳои техникӣ ва ғайраро баррасӣ карданд.
Сафири Фавқулода ва Мухтори Исроил дар Ҷумҳурии Узбекистон Зехавит Бен Ҳиллел аз пазироии гарм изҳори сипос намуд ва ба талошҳои Ҳукумати кишвар ва фаъолиятҳои Кумитаи мазкур дар самти пешгирӣ ва бартарафсозии офатҳои табиӣ баҳои баланд дод.
Дар поёни мулоқот ҷонибҳо ба рушди минбаъдаи ҳамкорӣ дар самти коҳиши хатари офатҳо изҳори умед намуданд.
АКС: КҲФ ва МГ
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
Оид ба нақши ҷавонон дар татбиқи ташаббусҳои ҷаҳонии Президенти Тоҷикистон дар самти обу иқлим ва ҳифзи пиряҳҳо ҳамоиш доир шуд
Либоси зебою шинами миллӣ дар ҳамаи давру замон зинатбахши занону духтарони тоҷик аст
