ТОЛИБОН БОРИ АВВАЛ ЭЪТИРОФ КАРДАНД. Дар шимолу шарқи Афғонистон ҷангҳои шадид идома доранд

Октябрь 18, 2021 10:45

ДУШАНБЕ, 18.10.2021 /АМИТ«Ховар»/. Якбора чанд манбаи наздик ба Ҷабҳаи муқовимати миллии зиддитолибон дар бораи задухӯрдҳое, ки аз субҳи ҷумъа, 15 октябр дар водии Андароби вилояти Балх дар шимолу шарқи Афғонистон идома доранд, хабар доданд, изҳор медорад АМИТ «Ховар» бо истинод ба INTERFAX.RU.   

«Дар айни замон дар Андароб миёни толибон ва Ҷабҳаи муқовимати миллӣ ҷанги шадид идома дорад. Аз ҳарду ҷониб талафот дида мешавад, вале шумораи дақиқи қурбониён маълум нест», — омадааст дар иттилоияе, ки дар Твиттер ҷойгир карда шудааст.

Тибқи иттилои манбаъҳо, задухӯрдҳо дар қаламрави вулусволиҳои Пули-Ҳисор ва Деҳ-Салоҳи вилояти Бағлон сурат мегиранд, толибон беш аз 60 талафоти ҷонӣ дида, ақибнишинӣ кардаанд, миёни ҷангиёни Ҷабҳа низ талафот вуҷуд доранд. Аз кушта шудани ду қумандони саҳроии онҳо хабар дода мешавад.

«Толибон»* бори аввал далели мавҷуд будани задухӯрдро дар водии Андароб эътироф кард. «Дар минтақаи Андароби вилояти Бағлон дастикам се фармондеҳи калидии озодихоҳони Панҷшер кушта шуданд»,-хабар дод 15 октябр сардори маркази матбуоти вазорати умури дохилии Афғонистон Қорӣ Сайёд Хостӣ. Вай дар ин бора  дигар сухан нагуфт.

Дар ҳамин ҳол, Вазорати дифои толибон дар Твиттер эълон кардааст, ки Атоуллоҳ Умарӣ фармондеҳи корпуси Мазори Шариф таъйин шудааст. Ситоди ин корпус дар пойгоҳи собиқ корпуси 209-уми артиши миллии Афғонистон «Шоҳин», ки дар канори Мазори Шариф, маркази вилояти Балх воқеъ буда, масъули амният дар шимоли кишвар буд, ҷойгир шудааст.

Дар давраи хуруҷи неруҳои ИМА ва НАТО аз Афғонистон тобистони соли 2021, толибон қисми зиёди кишварро тақрибан бидуни ҷанг забт карданд. 15 август онҳо вориди Кобул шуданд, ки аз он ҷо Ашраф Ғанӣ ва вазиронаш гурехтанд. Сипас, ду ҳафтаи дигар толибон ба вилояти Панҷшер ҳуҷум карданд ва 6 сентябр аз забти ин водӣ хабар доданд.

Аммо, намояндагони Ҷабҳаи муқовимати миллии зидди толибон иддао доранд, ки радикалҳо бо кумаки авиатсияи Покистон тавонистанд танҳо дараи асосии Панҷшерро ишғол кунанд, ҳамаи 23 дараи дигари минтақа таҳти назорати Ҷабҳа қарор доранд. Ҷабҳаи муқовимати миллӣ ҳамчунин изҳор дошт, ки дар баробари панҷшериён муқовимати мусаллаҳона бо толибонро дар водии Андароб, дар вилояти ҳамсояи Бағлон низ ташкил кардааст.

То ҳол толибон далели ҷараён доштани задухӯрдҳо дар Панҷшер ва Андаробро рад мекарданд.

__________________________

* «Толибон» — ташкилоти террористии мамнӯъ дар Тоҷикистон

                                                                            АКС:INTERFAX.RU.

Октябрь 18, 2021 10:45

Хабарҳои дигари ин бахш

Прокуратураи генералии Тоҷикистон аз Прокуратураи генералии Қирғизистон хостааст ба таҷрибаи оғоз намудани парвандаҳои беасоси ҷиноятӣ хотима бахшида шавад
Нишасти Ҳинд бо таъкид ба ташкили ҳукумати фарогир дар Афғонистон ба поён расид
ОФТОБРО БО ДОМАН ПӮШИДА НАМЕШАВАД. Неруҳои Ҷабҳа гуфтанд, ки толибон дар Афғонистон бо ДИ* ва “Ал-Қоида”* робита доранд
Патрушев шумораи террористонро дар Афғонистон эълон намуд
Шералӣ Мирзо дар ҷаласаи Шӯрои вазирони мудофиаи кишварҳои узви ИДМ иштирок намуд
ВАЗЪИЯТ ДАР САРҲАДИ АФҒОНИСТОН ВА ТОҶИКИСТОН МУРАККАБ БОҚӢ МЕМОНАД. Дар ин бора имрӯз котиби Шӯрои амнияти Тоҷикистон зимни нишаст дар Деҳлии Нав изҳори назар намуд
Қазоқистон нақша дорад ба Тоҷикистон ба таври ройгон техникаҳои низомӣ диҳад
Дар Афғонистон бар зидди толибон* ҷанги партизанӣ оғоз шуд
Милитсияи тоҷик қодир аст аз ҳама гуна амалҳои носавобу душманонаи дилхоҳ гурӯҳҳои ҷиноятпеша ҷилавгирӣ намояд
МИЛИТСИЯИ ТОҶИК — ҶАСУР, ФИДОКОР, ҶОННИСОР! Президенти Тоҷикистон зимни Паёми шодбошӣ кормандони ин ниҳодро ҳомиёни шараф ва обрӯи халқу давлат номиданд
Дар полки таъйинотӣ ва идоракунии Вазорати мудофиаи Тоҷикистон 200 нафар савганди ҳарбӣ ёд намуданд
Дар Театри мусиқӣ-мазҳакавии Хоруғ бахшида ба Рӯзи милитсияи тоҷик ҳамоиши тантанавӣ ва барномаи мусиқӣ доир шуд