20 талабаи Литсей барои хонандагони болаёқати шаҳри Хуҷанд дар Олимпиадаи байналмилалии Анталия иштирок доранд
ДУШАНБЕ, 04.11.2021 /АМИТ «Ховар»/. 20 нафар муҳассилини Литсей барои хонандагони болаёқати шаҳри Хуҷанд ҷиҳати иштирок дар Олимпиадаи байналмилалии дониш — «International olympiad Antaliya 2021» дар шаҳри Анталияи Туркия қарор доранд, иттилоъ доданд аз дафтари матбуоти Раиси шаҳри Хуҷанд ба АМИТ «Ховар».
Олимпиадаи мазкур аз рӯи фанҳои математика, физика, география ва забони англисӣ доир шуда, аз 1 то 7 ноябр идома меёбад.
Ба иттилои директори Литсей барои хонандагони болаёқат дар шаҳри Хуҷанд Сурайё Неъматова, 20 нафар хонандагони литсей моҳи сентябр ба даври финалии озмун роҳхат гирифта, бо даъвати кумитаи тадорукоти озмун ба шаҳри Анталияи давлати Туркия сафарбар карда шуданд.
Роҳбарии гурӯҳро ҷонишини директори муассисаи мазкур Марворид Бобохўҷаева ва омўзгор Мирзозокир Султонов бар уҳда дошта, хонандагон 2, 4 ва 6 ноябр аз рӯи фанҳои математика, физика, география ва забони англисӣ дар олимпиада иштирок менамоянд.
Дар олимпиадаи «International olympiad Antaliya 2021» беш аз 2000 иштирокчӣ аз 27 давлат иштирок менамоянд.
Соли гузашта низ 20 нафар хонандагони литсейи мазкур дар ин озмуни сатҳи ҷаҳонӣ иштирок намуда, соҳиби 14 медал, аз ҷумла 4 медали тилло, 3 нуқра ва 7 биринҷӣ гардиданд.
Ёдовар мешавем, ки Олимпиадаи байналмилалии дониш 13 сол инҷониб ҳамасола аз тарафи Академияи туризми Анталия ва мактаби байналмиллалии ЭДУАНТ баргузор шуда, яке аз озмунҳои бонуфузтарин миёни хонандагон ба шумор меравад. Соли 2020 бинобар хуруҷи пандемияи COVID — 19 озмун тариқи фосилавӣ баргузор гардид.
Дар Литсей барои хонандагони болаёқати шаҳри Хуҷанд кор бо хонандагони болаёқат ва гурӯҳҳои олимпӣ ҷиддӣ ба роҳ монда шудааст. Ба ҳаракати олимпии литсей 180 хонанда шомил буда, соли равон хонандагон барои иштирок дар 17 озмуни сатҳи ҷаҳонӣ аз фанҳои дақиқ ва забономӯзӣ омодагии ҷиддӣ дида истодаанд.
Дар соли хониши 2020-2021 хонандагони Литсей барои хонандагони болаёқат дар шаҳри Хуҷанд аз 15 олимпиадаи ҷаҳонӣ 156 медал ба даст оварда, дар миқёси ҷумҳурӣ аз зумраи беҳтаринҳо ҳисобида шуданд.
АКСҲО аз дафтари матбуоти Раиси шаҳри Хуҷанд
МАРКАЗИ ФАРҲАНГИ МУСИҚИИ ТОҶИК. Рисолати ин марказ аз чӣ иборат аст?
ИСТИҚЛОЛИ ТОҶИКИСТОН ВА ЭҲЁИ ҶАШНИ САДА. Андешаҳо дар ин маврид
Пагоҳ дар Кумитаи рушди маҳал, Агентии ҳифзи мероси таърихию фарҳангӣ, Хадамоти назорати давлатии бехатарии корҳо дар саноат ва соҳаи кӯҳкорӣ, Саридораи геология ва Маркази миллии тестӣ нишасти матбуотӣ баргузор мегардад
НИШАСТИ МАТБУОТӢ. Соли 2025 дар телевизионҳои Тоҷикистон 145 лоиҳа ва барномаи нав таҳия ва пахш гардид
НИШАСТИ МАТБУОТӢ. Дар Тоҷикистон соҳаи ҳайкалтарошӣ ва муҷассамасозӣ рушд меёбад
Дар Душанбе оид ба рушди техникаю технологияи муосири китобдорӣ машғулият баргузор гардид
ФУРӮҒИ «ШОҲНОМА» ДАР ҲАР ХОНАДОНИ ТОҶИК. Фирдавсӣ моро ба посдории арзишҳои миллӣ роҳнамоӣ менамояд
«САДА ҶАШНИ МУЛУКИ НОМДОР АСТ…». Он ба ҷузъи ҷудоинопазири худшиносӣ ва ифтихори миллӣ табдил ёфтааст
Дар Институти математика масъалаҳои муҳими усулҳои нави таҳқиқотӣ ва натиҷаҳои бадастомада баррасӣ шуданд
ҶАЛБИ БЕШТАРИ ХОНАНДАГОН БА ОМӮЗИШИ ФАНҲОИ ТАБИАТШИНОСӢ, ДАҚИҚ ВА РИЁЗӢ. Сессияи зимистонаи Академияи хурди илмҳои Тоҷикистон баргузор гардид
