БА ХУШУНАТИ ОИЛАВӢ РОҲ НАДИҲЕД! Ду мард барои истифодаи зӯроварӣ нисбат ба занон ҷазои маъмурӣ гирифтанд
ДУШАНБЕ, 19.11.2021 /АМИТ «Ховар»/. Аз ҷониби бахши нозирони пешгирии зӯроварӣ дар оилаи мақомоти милитсияи пойтахт дар натиҷаи санҷиш ва баррасии муроҷиати як нафар зан дар ҳудуди ноҳияи Шоҳмансур ҳолати хушунати оилавӣ ошкор карда шуд, хабар медиҳад АМИТ “Ховар” бо истинод ба маркази матбуоти Раёсати ВКД дар шаҳри Душанбе.
Муайян гардид, ки шаҳрванд Муқумов Ҳасан Собирҷонович, санаи таваллудаш 19 июни соли 1979, истиқоматкунандаи шаҳри Душанбе, кӯчаи Восеъ 111, нисбат ба собиқ ҳамсари худ амалу рафтори хушунатовар истифода мебурдааст. Чунончӣ, ӯ 15 ноябри имсол нисбат ба собиқ ҳамсараш амалу рафтори хушунатоварро истифода карда, боиси озори ҷисмониву равонии ҷабрдида гардидааст.
Вобаста ба ҳолати мазкур нисбат ба дастгиршуда Ҳасан Муқумов тибқи талаботи моддаи 93 иловаи 2-и Кодекси ҳуқуқвайронкунии маъмурии Ҷумҳурии Тоҷикистон барои риоя накардани талаботи амрномаи муҳофизатӣ санади маъмурӣ тартиб дода шуда, Суд нисбат ба ӯ ҷазо дар намуди ҳабси маъмурӣ ба муҳлати 5 шабонарӯз татбиқ намуд.
Инчунин дар натиҷаи санҷиши муроҷиати як нафар зани дигар аз ҷониби кормандони милитсия шаҳрванд Ҷайлобов Амоналӣ Қурбоналиевич, санаи таваллудаш 1 августи соли 1985, истиқоматкунандаи шаҳри Душанбе, кӯчаи Р.Каримов дастгир карда шуд. Зимни пурсиш муайян карда шуд, ки мавсуф 16 ноябр дар ҳолати мастӣ бо ҳамсари худ муноқиша намуда, нисбат ба ӯ зӯровариро истифода кардааст.
Вобаста ба ҳолати мазкур нисбат ба Амоналӣ Ҷайлобов санади ҳуқуқвайронкунии маъмурӣ тартиб дода шуда, дар асоси Қарори Суд нисбат ба номбурда ҳабси маъмурӣ ба муҳлати 5 шабонарӯз таъйин карда шуд.
Мавриди зикр аст, ки дар сохтори мақомоти корҳои дохилӣ ҷиҳати баланд бардоштани маърифати оиладорӣ, пешгирии хушунат ва зӯроварӣ дар оила, аз байн бурдани муноқиша ва нофаҳмиҳои оиладорӣ бахши нозирони пешгирии зӯроварӣ дар оила таъсис дода шуда, бо мақсади тарғиби тарзи ҳаёту оиладории солим фаъолияти ҳамаҷониба ба роҳ мондаанд. Дар натиҷаи фаъолияти самараноки ин ниҳоди мақомоти милитсия ҳодисаҳои зиёди хушунату зӯроварӣ дар оила ошкор ва нисбат ба поймолкунандагони ҳуқуқу манфиатҳои занон тадбирҳои дахлдори қонунӣ андешида шуда, ҳамзамон оилаҳои зиёде аз хатари ҷудошавӣ наҷот дода шудаанд.
АКСҲО аз маркази матбуоти Раёсати ВКД дар шаҳри Душанбе ва манбаъҳои боз
Котиби Шурои амнияти Тоҷикистон Юсуф Раҳмон бо Котиби давлатии Шурои амнияти Ҷумҳурии Беларус Александр Волфович мулоқот намуд
Котиби Шурои амнияти Тоҷикистон бо Мушовири Шурои амнияти миллии Ҷумҳурии Ироқ мулоқот намуд
Дар вилояти Хатлон 128 ҳодисаи садамавии роҳу нақлиёт ба қайд гирифта шуд
Дар ҷаласаи Шурои вазирони мудофиаи давлатҳои аъзои СААД ҳамкорӣ дар соҳаи ҳарбӣ баррасӣ карда шуд
Котиби Шурои амнияти Тоҷикистон дар Вохӯрии 13-уми байналмилалии намояндагони баландмақоми бахши амният иштирок намуд
Аз 29 то 31 май дар Душанбе ҳаракати воситаҳои нақлиёт муваққатан маҳдуд карда мешавад
«ЗАМИН», «МАРЗ» ВА «ВАТАН» — УНСУРҲОИ МУҚАДДАС ВА ҲАЁТАН МУҲИМ. Ба Рӯзи Қӯшунҳои сарҳадӣ бахшида мешавад
Дар Бадахшон 31-солагии таъсиси Қӯшунҳои сарҳадӣ таҷлил гардид
Мубориза ба муқобили терроризми байналмилалӣ масъалаи афзалиятноки замони муосир аст
«КОРВОНИ ДИДОР». Модарон дар қисмҳои ҳарбӣ бо шароити хизмати фарзандон шинос мешаванд
Дар Душанбе ду далели вайрон намудани қоидаҳои истифодаи неруи барқ ошкор карда шуд
Дар Душанбе ҷаласаи Шурои роҳбарони ниҳодҳои амниятӣ ва хадамоти махсуси кишварҳои аъзои Иттиҳоди Давлатҳои Мустақил оғоз шуд
