Дар 11 шаҳру навоҳии Тоҷикистон лоиҳаи VOLIP татбиқ мешавад
ДУШАНБЕ, 17.11.2021 /АМИТ «Ховар»/. Ҳоло дар Лоиҳаи VOLIP дар 11 шаҳру навоҳии кишвар аз ҷониби ташкилоти қарзии молиявӣ дар ҳамкорӣ бо Бонки миллии Тоҷикистон (БМТ) ва Вазорати маориф ва илми ҷумҳурӣ Лоиҳаи «Барномаи саводнокии касбӣ барои паст намудани сатҳи камбизоатӣ (VOLIP) дар Тоҷикистон» амалӣ гардида истодааст. Чунин зикр шуд зимни ҳамоиши дурӯзае, ки дар БМТ оид ба маблағгузории хурд мувофиқи принсипҳои маблағгузории исломӣ доир гардид.
Ба АМИТ «Ховар» аз БМТ иттилоъ доданд, ки ҳамоиш дар доираи татбиқи лоиҳаи «Барномаи саводнокии касбӣ барои паст намудани сатҳи камбизоатӣ (VOLIP) дар Тоҷикистон» ташкил гардид. Дар ҳамоиш роҳбарияти БМТ, масъулини Вазорати маориф ва илми ҷумҳурӣ ва намояндагони ташкилоти қарзии молиявии кишвар иштирок намуда, татбиқи лоиҳаи VOLIP-ро дар самти беҳтар намудани сатҳи некуаҳволии аҳолӣ муҳим арзёбӣ намуданд.
Муовини Раиси БМТ Фирдавс Толибзода зикр намуд, ки баъди қабули Қонуни Ҷумҳурии Тоҷикистон «Дар бораи фаъолияти бонкии исломӣ» асосҳои ҳуқуқӣ ва ташкилии фаъолияти бонкии исломӣ дар ҷумҳурӣ муайян гардида, барои пешбурди фаъолияти бонкии исломӣ шароити мусоид фароҳам омад. -Қабули ин қонун заминаи ташаккул ва рушди фаъолияти бонкии исломиро дар кишвар муҳайё сохт, -афзуд Фирдавс Толибзода.
Зикр шуд, ки ҳадафи лоиҳаи мазкур беҳтар намудани сатҳи некуаҳволӣ тавассути баланд бардоштани саводнокии касбии ҷавонон ва малакаву маҳорати занон, дастгирии молиявии онҳо дар самти таъмин бо шуғли муносиб ва гирифтани даромад, муҳайё намудани шароити мусоид ҷиҳати дастрасӣ ба маблағҳо барои қисми осебпазири ҷомеа тибқи принсиҳои маблағгузории исломӣ мебошад. Татбиқи лоиҳа ба рушди бонкдории исломӣ ва пешниҳоди хизматрасониҳои бонкдории исломӣ дар кишвар мусоидат намуда, теъдоди зиёди истеъмолкунандагони хизматрасониҳои молиявиро ба хизматрасониҳои бонкдории исломӣ ҷалб менамояд.
Доир ба ҷараёни татбиқи босамари лоиҳаи VOLIP дар Тоҷикистон», ҷалби ҷавонон ба ин барнома, ки ба баланд бардоштани саводнокии молиявии онҳо мусоидат менамояд, табодули назар карда шуд.
Инчунин доир ба раванди амалишавии лоиҳа аз ҷониби БМТ ва ташкилоти қарзии иштирокчии барнома рӯнамо пешниҳод гардид, ки дар он масоили марбут ба таърихи татбиқи бонкдории исломӣ, усулҳои маблағгузории исломӣ дар фаъолияти ташкилоти қарзии молиявӣ, истифодаи амалиёти муробаҳа ва салам дар фаъолияти ташкилоти қарзии молиявӣ матраҳ шуданд.
АКСҲО: БМТ
Ҳайати Тоҷикистон дар ҷаласаи маҳдуди сатҳи вазирони иқтисоди СҲШ дар Чин иштирок намуд
Иттиҳоди Аврупо дар Тоҷикистон лоиҳаҳои соҳаи энергетикаро амалӣ менамояд
Дар Вазорати рушди иқтисод ва савдои Тоҷикистон татбиқи ташаббуси ҷаҳонии «Global Gateway» баррасӣ гардид
ҚУРБИ АСЪОР: дар Тоҷикистон 1 евро аз 11.3228 то 11.3000 сомонӣ муқаррар шудааст
ДАРАИ АЛМОСӢ. Аз ҷониби ҷомеаи ҷаҳонӣ ҳамчун мавзеи беназири таърихии кишоварзӣ этироф гардид
Дараи Алмосии шаҳри Ҳисор расман ба феҳристи «Низоми мероси кишоварзии дорои аҳамияти ҷаҳонӣ» ворид карда шуд
Дар Бонки миллӣ бо ҳайати Дафтари Швейтсария оид ба ҳамкорӣ дар Ҷумҳурии Тоҷикистон вохӯрӣ доир гардид
Дар Хатлон масъалаи таъсиси корхонаи саноатии батареяҳои офтобӣ баррасӣ гардид
Имсол аз Тоҷикистон беш аз 90 ҳазор тонна маҳсулоти кишоварзӣ содирот гардидааст
Гӯсфанди зоти ҳисорӣ ва ангури гулобии тоифӣ аз Тоҷикистон ба феҳристи «Низоми мероси кишоварзии дорои аҳамияти ҷаҳонӣ» ворид карда шуд
Вазъи кунунии паркҳои технологӣ дар Ҷумҳурии Тоҷикистон мавриди баррасӣ қарор гирифт
«Сомон Эйр» парвозҳои мустақимро дар масири Душанбе-Теҳрон ва Душанбе-Ҷидда барқарор менамояд
