Дар Ашқобод ҷаласаи сарони давлатҳои аъзои Созмони ҳамкории иқтисодӣ баргузор мешавад
ДУШАНБЕ, 27.11.2021 /АМИТ «Ховар» /. Пагоҳ, 28 ноябр дар пойтахти Туркманистон — шаҳри Ашқобод ҷаласаи 15-уми сарони давлатҳои аъзои Созмони ҳамкории иқтисодӣ (СҲИ) баргузор мешавад, хабар медиҳад АМИТ «Ховар».
Тибқи рӯзномаи ҷаласа масъалаҳои тавсеаи минбаъдаи шарикии бисёрҷониба дар доираи Созмон, пеш аз ҳама, рушди муносибатҳои тиҷоратӣ, баланд бардоштани иқтидори транзитӣ дар минтақа, пешбурди «иқтисоди сабз» ва ҷорӣ намудани инноватсия баррасӣ мешаванд. Ҳамчунин қабули санади ҷамъбастии ҷаласа дар назар аст.
Дар ҳошияи ин ҷаласа як қатор мулоқотҳои дуҷониба низ ба нақша гирифта шудаанд.
СҲИ сохтори минтақавии бисёрҷониба буда, соли 1985 ба хотири мусоидат ба рушди равобити наздики иқтисодиву тиҷоратии кишварҳои минтақа таъсис ёфтааст.
Тавре АМИТ «Ховар» қаблан хабар дода буд, Президенти Туркманистон Гурбонгулӣ Бердимуҳаммадов дар ҷаласаи 14-уми сарони давлатҳои аъзои СҲИ, ки 4 марти соли равон таҳти раёсати Президенти Туркия дар шакли видеоконфронс баргузор гардид, пешниҳод намуд, ки ҷаласаи 15-ум 28 ноябри соли 2021 дар Ашқобод гузаронида шавад. Он замон Туркманистон раёсат дар СҲИ-ро ба уҳда гирифт.
«Пешниҳод менамоям, ки ҷаласаи навбатии сарони давлатҳои аъзои СҲИ дар Ашқобод 28 ноябри соли 2021 — дар Рӯзи Созмони ҳамкории иқтисодӣ баргузор карда шавад ва инчунин аз ҳамаи Шумо, ҳамтоёни азиз, даъват менамоям, ки ҷиҳати иштирок дар кори ҷаласа ба пойтахти Туркманистон ташриф оред», — гуфта буд Гурбонгулӣ Бердимуҳаммадов.
СҲИ созмони минтақавии иқтисодии байнидавлатӣ мебошад. Соли 1964 ба унвони Созмони ҳамкории минтақавӣ барои тавсеаи ҳамкории Эрон, Покистон ва Туркия таъсис ёфта, соли 1985 дубора ҳамчун Созмони ҳамкории иқтисодӣ сабтином шуд. Соли 1992 Тоҷикистон дар баробари Афғонистон, Озарбойҷон, Қазоқистон, Қирғизистон, Туркманистон ва Узбекистон ба ин созмон шомил шуд.
АКС: Turkmenportal
Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст
