Дар Хатлон доир ба ҷараёни маъракаи даъвати ҷавонон ба хизмати ҳарбӣ ҷаласаи корӣ доир шуд
ДУШАНБЕ, 19.11.2021 /АМИТ «Ховар»/. Нақшаи сафарбарии навҷавонон ба сафи Қувваҳои Мусаллаҳи Ҷумҳурии Тоҷикистон дар ноҳияҳои Шамсиддини Шоҳин ва Носири Хусрави вилояти Хатлон пеш аз муҳлат иҷро шуда, шаҳру навоҳии Норак, Данғара, Балҷувон, Темурмалик дар арафаи иҷрои нақша қарор доранд. Ин матлаб зимни ҷаласаи корие, ки 18 ноябр дар вилояти Хатлон бо иштироки Вазири мудофиаи Ҷумҳурии Тоҷикистон, генерал-полковник Шералӣ Мирзо, раиси вилояти Хатлон Қурбон Ҳакимзода доир ба ҷараёни маъракаи даъвати ҷавонон ба хизмати ҳарбӣ ва дигар масъалаҳо баргузор гардид, зикр шуд, иттилоъ доданд аз шуъбаи иттилоотию таҳлилии дастгоҳи Раиси вилояти Хатлон ба АМИТ «Ховар».
Дар ҷаласаи корӣ раисони шаҳру ноҳияҳо, комиссарони ҳарбии вилоят ва шаҳру ноҳияҳо, роҳбарони мақомоти ҳифзи ҳуқуқ ва дигар масъулони комиссияҳои даъват иштирок намуданд.
Вазири мудофиаи мамлакат Шералӣ Мирзо доир ба маъракаи даъвати ҷавонон ба хизмати ҳарбӣ ва уҳдадориҳои масъулони маъракаи даъват сухан ронда, таъкид намуд, ки нақшаи даъват бояд дар вақти муайянгардида иҷро шавад.
Раиси вилоят Қурбон Ҳакимзода зикр дошт, ки хизмат дар сафи артиши миллӣ барои ҳар ҷавон мояи шарафу сарбаландист. Ҷавононро дар ҳамин рӯҳия бояд тарбия кард. Корҳои ташвиқотӣ, оммафаҳмонӣ, ҳавасмандсозии ҷавонон бояд вусъат дода шуда, ҳисси ифтихори ватандории насли наврасу ҷавон боло бурда шавад.
Ёдовар мешавем, ки маъракаи тирамоҳии даъвати ҳарбӣ аз 1 октябр то 30 ноябр идома меёбад.
Дар ҷаласа раиси вилоят Қурбон Ҳакимзода инчунин доир ба омодагии соҳаҳои хоҷагии халқи вилоят ба мавсими сармои пешорӯ, иҷрои дурнамои ҷамъоварии ҳосили пахта, андозҳо таҳлилу масъалагузорӣ карда, ҷиҳати бартарафсозии камбудиҳо ба масъулон дастуру супоришҳо дод.
АКСҲО аз шуъбаи иттилоотию таҳлилии дастгоҳи раиси вилояти Хатлон
Гурӯҳи кории Вазорати корҳои дохилии Тоҷикистон бо фаъолияти Департаменти адлияи Ирландия шинос шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Дар шаҳри Кӯлоб бо иштироки гурӯҳҳои корӣ ҷаласа баргузор шуд
Прокуратураи генералӣ: «Худ ва наздиконатонро аз ҳамлаҳои хакерӣ эмин нигоҳ доред!»
Дар шаҳри Москва бо афсарону курсантони тоҷик вохӯрӣ доир шуд
Ҷаласаи кумитаи роҳбарикунандаи Барномаи Раёсати СММ оид ба маводи нашъаовар ва ҷинояткорӣ дар Осиёи Марказӣ доир шуд
Нақшаи даъвати тирамоҳии шаҳрвандон ба сафи Қувваҳои мусаллаҳи Тоҷикистон пурра иҷро гардид
Ҷаласаи мушовараи Вазорати корҳои дохилии Тоҷикистон ва Русия баргузор гардид
Дар Вазорати корҳои дохилии Тоҷикистон бахшида ба Рӯзи Президент ҳамоиши идона доир гардид
САВГАНДИ ҲАРБӢ. Дар қисмҳои ҳарбии Кумитаи ҳолатҳои фавқулода ва мудофиаи гражданӣ маросими қасамёдкунӣ доир шуд
Котиби Шурои амнияти Ҷумҳурии Тоҷикистон бо Сафири Ҳиндустон мулоқот намуд
Ҳамкории мақомоти корҳои дохилии шаҳри Душанбе бо Департаменти ҷамъиятии бехатарии шаҳри Нанкини Чин густариш меёбад
