Дар Пентагон изҳор намуданд, ки ҷаҳон ба асри бесуботӣ ворид мешавад

ДУШАНБЕ, 04.11.2021 /АМИТ «Ховар»/.  Ҷомеаи ҷаҳонӣ ба давраи ноустувории стратегӣ ворид шуда, дар муносибатҳои байналмилалӣ акнун танҳо 3 маркази қувва таъсис меёбад-Русия, Чин ва ИМА. Тавре АМИТ «Ховар» бо истинод ба ТАСС хабар медиҳад, бо чунин пешгӯӣ дирӯз, 3 ноябри соли ҷорӣ раиси Кумитаи сардорони шуъбаҳои Қувваҳои мусаллаҳи ИМА, генерал Марк Милли (ДАР АКС) баромад намуд.

«Мо ба ҷонибдории сулҳу субот бо 3 қувва баромад мекунем, дар ҳоле, ки ИМА, Русия ва Чин-ҳама қувваҳои бузург маҳсуб мешаванд»,-зикр намуд фармондеҳи амрикоӣ зимни баромади хеш дар Форум оид ба бехатарӣ, ки аз ҷониби Институти Аспенск доир карда шуд. «Мо, ба андешаи ман оламеро ҷонибдорӣ хоҳем кард, ки бештар дар лиҳози кулл ноустувортар аст, нисбат ба 40, 50, 60 ва ё 70 соли охир»,-изҳор дошт Милли.

Ба андешаи ӯ, «ҷонибдории сулҳ миёни абарқудратҳо» арзиши баландтар пайдо хоҳад намуд. «Мо дар остонаи 76-умин соли сулҳ миёни қувваҳои бузург ҳастем. Ва мо, ба андешаи шахсии ман, ба марҳилае ворид мешавем, ки дар он ноустуворӣ ва эҳтимоли хатари зиёд вуҷуд дорад. Мо (ИМА), Русия, Чин ва инчунин ҳамаи дигар давлатҳо, ҳама шарикон ва иттифоқчиён [Вашингтон], мебояд хеле ва хеле эҳтиёткор бошем<…> дар робита ба он ки дар оянда бо якдигар чӣ гуна муносибат менамоем»,-ҳушдор дод сардори Кумита.

АКС: static.blitz.bg