ДУШАНБЕРО БА ШАҲРИ САБЗ ТАБДИЛ МЕДИҲЕМ! Дар пойтахт 263 644 бех ниҳолҳои ороишию сояафкан шинонида мешаванд

Ноябрь 18, 2021 13:22

ДУШАНБЕ, 18.11.2021 /АМИТ «Ховар»/. Кумитаи ҳифзи муҳити зисти назди Ҳукумати Ҷумҳурии Тоҷикистон хабар медиҳад, ки тибқи нақша дар мавсими тирамоҳи соли 2021 ва баҳори соли 2022 дар ҳудуди ноҳияҳои пойтахт  263 644 бех ниҳолҳои ороишӣ, сояафкан, мевадиҳанда ва буттагӣ шинонида мешаванд. Ин тасмим  дар доираи татбиқи иқдоми Раиси шаҳри Душанбе муҳтарам Рустами Эмомалӣ бобати ба шаҳри сабз табдил додани пойтахти мамлакат гирифта шуд.

АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад, ки дар доираи иҷрои қарори Раиси шаҳри Душанбе муҳтарам Рустами Эмомалӣ «Дар бораи тасдиқи Нақшаи чорабиниҳо оид ба ниҳолшинонию сабзкорӣ дар мавсими тирамоҳи соли 2021 ва баҳори соли 2022 дар шаҳри Душанбе» бо ташаббуси Кумитаи ҳифзи муҳити зисти назди

Ҳукумати Ҷумҳурии Тоҷикистон дар талу теппаҳои маҳаллаи Лучоби ноҳияи Синои шаҳри Душанбе зиёда аз 200 бех ниҳолҳои ороишӣ шинонида шуданд.  Дар ин минтақа давра ба давра беш аз 800 бех ниҳоли дарахтони ороишӣ шинонида мешавад.

Кумитаи ҳифзи муҳити зисти назди Ҳукумати Ҷумҳурии Тоҷикистон пешниҳоди Раиси Маҷлиси вакилони халқи шаҳри Душанбе Рустами Эмомалиро дар бораи ба шаҳри сабз табдил додани шаҳри Душанбе хуш пазируфта, дар мавсими гузашта дар минтақаҳои гуногуни ноҳияҳои пойтахт зиёда аз 5 ҳазор бех ниҳолҳои ороишӣ шинонид, ки айни замон дар ҳолати хуби сабзиш қарор доранд.

 

АКСҲО: Кумитаи ҳифзи муҳити зисти назди Ҳукумати ҶТ

Ноябрь 18, 2021 13:22

Хабарҳои дигари ин бахш

ДАРАХТ БИНШОН! Дар Ёвон 300 бех ниҳоли сӯзанбарг бо риояи қоидаҳои агротехникӣ шинонида шуд
«ШАҲРИ МАН – ХОНАИ МАН». Аъзои Ҳизби Халқии Демократии Тоҷикистон дар шаҳри Душанбе ҷиҳати ба «шаҳри сабз» табдил додани пойтахт саҳм мегузоранд
ҲАРАКАТИ ҶУМҲУРИЯВИИ НИҲОЛШИНОНӢ. Пешвои миллат: «Мо бояд барои наслҳои оянда ниҳол шинонем, боғ бунёд намоем»
ДАРАХТ БИНШОН! Дар масири роҳи Душанбе-Чанок дарахтони ороишӣ ва сояафкан шинонида шуданд
Дар ҷамоати Чоргултеппаи ноҳияи Рӯдакӣ боғи нав бунёд гардид
«ШАҲРИ МАН – ХОНАИ МАН». Дар Душанбе беш аз 800 арчаи ҳамешасабз ва дарахти сояафкан шинонида шуд
«ДУШАНБЕ-ШАҲРИ САБЗ». Дар ноҳияи Исмоили Сомонӣ беш аз 25 ҳазор бех дарахти мева, ороишӣ ва сояафкан шинонида шуд
ДАРАХТ БИНШОН! Дар шоҳроҳи Душанбе – Бохтар 150 бех ниҳоли ороишӣ шинонида шуд
ДАРАХТ БИНШОН! Дар Хатлон зиёда аз 1000 бех дарахти ҳамешасабз шинонида шуд
ДАРАХТ БИНШОН! Дар ноҳияи Мастчоҳ беш аз ҳазор бех ниҳол шинонида шуд
Соли 2023 дар Тоҷикистон дар майдони 895 гектар боғ ва дар 117 гектар токзор бунёд гардид
ДАРАХТ БИНШОН! Дар Мамнуъгоҳи биосферии «Ромит» беш аз 1000 бех ниҳоли дарахтони мева ва ороишӣ шинонида шуд